. . . . Club de lectura do Segrel

Palabras de Caramelo

2012-02-05T22:00:00.001+01:00

Xerais (2010)

Kori é un neno de oito anos que só recoñece as palabras nos movementos da boca. Por iso é capaz de saber o que lle di o seu mellor amigo, un pequeno camelo ao que trata de salvar camiño dese deserto con que sempre soñou. Quizais a súa aventura nunca remate, sobre todo pola mensaxe tan especial de Caramelo.

Títeres de María Parrato

Guías didácticas
Mercedes Figuerola
Pilar Sampedro

Merlín e Familia

2012-01-21T00:00:00.003+01:00

Álvaro Cunqueiro

Galaxia (1955)

Merlín e familia é a novela fundacional da obra narrativa de Álvaro Cunqueiro. Un universo, único na literatura, xorde nas fascinantes e engaioladoras historias que conta Felipe de Amancia, paxe ao servicio do mago Merlín. En Cunqueiro, a arte das palabras tinguida polo fino humor, sorprende pola capacidade para facer convivir o mito co mundo cotián. Maxia para o lector.

O Cazador de Estrelas

2012-01-16T00:00:00.000+01:00

Ricardo Gómez

Edelvives (2004)

Bachir vive nun campamento de refuxiados saharauis. Por causa dunha doenza pulmonar ten que permanecer inmóbil na súa tenda, desde onde escoita con atención os sons que chegan ata el. A través do oído tenta imaxinar o que acontece ao seu redor.

Unha noite coñece a Jamida, un vello sorprendente, mestura de sabio e de guerreiro, con quen fala da historia do seu pobo e dos nomes das estrelas.

Ese encontro vaille permitir albiscar un mundo alén dos límites opacos da súa jaima.

Cien Años de Soledad

2012-01-03T12:00:00.002+01:00

Gabriel García Márquez

Alfaguara (2007)

Un clásico consagrado da literatura Latinoamericana. Narrado en terceira persoa a novela desenvólvese durante o principio do século XX, na época do imperialismo colonial. Describe a historia, as traxedias e as venturas da familia Buendía ao longo de seis xeneracións. Comeza coa fundación do mítico Macondo, escenario onde transcurrirán eses cen anos de soidade.

Clica na imaxe e entrarás no realimo virtual da novela.

Feliz 2012 !!

2012-01-01T12:00:00.001+01:00

Benjamin Lacombe

El Principito

2011-12-10T12:00:00.003+01:00

Antoine de Saint - Exupéry

Salamandra (2009)

O pasado 23 de novembro, a raiz da inauguración do "Niño do Bubisher" en Smara, unha fermosa iniciativa naceu entre as Bibliotecas Escolares Galegas.

Unha ducia destas bibliotecas pertencentes ao Plambe-Ferrolterra, que dende este curso estamos unidos aos rapaces e rapazas de Smara por un fermoso proxecto "Coñecernos para querernos", queríamos celebrar tamén o nacemento desta biblioteca, e pensamos que o mellor xeito de facelo era voando co Bubisher ata o Sáhara a través dunha marabillosa Colección de Álbumes Ilustrados que lles achegue aos nenos e nenas dos campamentos de Tinduf a maxia da lectura.

A esta ducia de bibliotecas uníronse xa máis de 70 bibliotecas escolares do resto do pais, e dende O Segrel queremos animarvos a tod@s @s amig@s que nos visitedes a formar parte desta iniciativa, para o que só tedes que entrar no listado que vos presentamos e seguir as instrucións.

Nós xa temos elixido ese pequeno agasallo para @s nos@s amig@s do Bubisher. "El Principito", un fermosísimo pop-up, co texto íntegro da obra, editado por Salamandra e que aquí vos presentamos. Esperamos que o disfruten tanto coma nós!.

"Non se ve ben senón co corazón,

O esencial é invisible aos ollos"

Que o voso corazón vos permita ser felices!

Actualizado o 20 de decembro, data na que chegamos aos 100 álbumes para o Niño do Bubi, Bubi 1 e Bubi 2. Que os disfruten!

Memorias dun Neno Labrego

2011-12-02T20:00:00.007+01:00

Xosé Neira Vilas

Galaxia (2011)

32ª Edición

Memorias dun neno labrego é o libro máis lido e o máis traducido da literatura galega. Nel se recolle o suposto caderno no que Balbino, un rapaz de aldea que vive na década de 1940, escribe: "Vexo un mundo darredor de min e adoezo por entendelo [...] Ninguén me di para que serven as estrelas nin onde morren os paxaros". Velaquí unha das obras que fundan a narrativa galega contemporánea.

Con esta edición, ilustrada polo dibuxante e ilustrador galego Xaquín Marín, conmemóranse os cincuenta anos da súa aparición.

"[...] que as novas xeracións saiban que un libro escrito na nosa lingua pode ter boa acollida entre nós ó longo do tempo, e tamén para que nos coñezan e teñan noticia noutras latitudes da nosa literatura e da nosa identidade como pobo que se expresa nun idioma de seu."

Xosé neira Vilas

Xosé Neira Vilas nos Encontros do Plambe 2010-11

El Color de la Arena

2011-11-08T12:00:00.000+01:00

Elena O'callaghan i Duch

Ilustradora: María jesús Santos Heredero

Edelvives (2005)

Abdulá vive no deserto, e non coñece outra cor que a da area. Pero o seu avó, que viviu tempos mellores, antes da guerra e do illamento, fálalle de oasis e de vexetación, e do mar. O rapaz consegue deste xeito encher o seu mundo de cor, e expresalo cos lapis e o papel que lle chegan, de cando en vez, nos camións.

As ilustracións amosan as cores do deserto, tan suaves e delicados como a historia deste rapaz que necesita a pintura para comprender mellor o seu propio mundo.

Tardes con Margueritte

2011-11-04T12:00:00.000+01:00

Marie-Sabine Roger

Duomo (2009)

Germain, corenta e cinco anos, case analfabeto, fillo pouco querido e escolar humillado, pasa o tempo facendo algunhas chapuzas ou cultivando a súa horta. Desconfía dos seus compañeiros de clase, dos libros e das palabras difíciles, que lle din ben pouco. Pero unha tarde, no parque, coñece a Margueritte, unha anciá que está sentada no seu banco favorito, e descobre que comparten un mesmo pasatempo, contar paxaros.

Entre eles nace unha amizade pouco habitual. Margueritte é unha muller culta, que non parece decatarse das cousa que el ignora e que lle propón ler un libro en voz alta. Germain, por educación, acepta e así descobre o mundo dos libros, da maxia da lectura, e das marabillosas tardes con Margueritte.

Dossier de prensa

Primeiras páxinas

Web oficial

Ficha da Película en IMDb

Rosa Aneiros ou O Eloxio dos Clubs de Lectura

2011-10-02T03:59:00.003+02:00

"Escoitaron vostedes falar algunha vez dos Morcegos de Canido? Dos Pantasmas de papel de Neda? Do Sansaliber de San Sadurniño? Do Segrel de Fene? Dos siareiros de Sofía ou de Saturnino Hermida? Saben vostedes de que lles falo? Fálolles da gran revolución silenciosa que está a sacudir dende hai uns anos as bibliotecas públicas de Galicia, tanto as dos centros de ensino como aquelas municipais. Falo dos clubs de lectura. Quen se interesa polos libros, dirán? Se á xente nova non lles gusta ler, pertencen á xeración nin-nin que nin estudan nin traballan nin unha cousa nin todo o contrario, esa xuventude tan formada e tan analfabeta para os libros... Trabúcanse. Nunca tanto se leu coma hoxe en día. Nunca houbo adolescentes con tanto acceso nin tanta implicación coa lectura. Actualmente están funcionando douscentos clubs de lectura en centros de secundaria en Galicia. Estes clubs acollen tanto a alumnado como a pais e nais que participan do coloquio, que comparten a extraordinaria experiencia lectora. Ademais destes douscentos centros están aqueles vinculados a bibliotecas municipais, tamén as que nacen ao abeiro dos centros de primaria. Só nos institutos hai en Galicia máis de cinco mil persoas que semana a semana partillan libros. Cinco mil. Pais, nais, alumnado que se enredan, que aman e odian, que medran, que coñecen a partir das páxinas dos libros. Non se conforman. Sempre queren máis..."

Este é un estracto do pregón co que Rosa Aneiros inaugurou a Feira do Libro de Ferrol o pasado mes de Abril.

E que mellor xeito de comezar a nosa andaina lectora que lembrando as palabras desta extraordinaria escritora con quen tivemos a fortuna de celebrar un dos fins de festa dos Clubs do Segrel

Non deixedes de disfrutar coa lectura deste marabilloso pregón!!

Despedida do Club de lectura

2011-06-29T00:49:00.007+02:00

No club dos adultos a elección das obras foi todo un éxito, todas, coa excepción de “Settecento”, onde nos atopamos cun grupiño ao que lles custou rematar a novela, pola riqueza do seu vocabulario, e “Mantis” polo diferente do seu plantexamento, o resto, dende Muriel Barbery, ata Domingo Villar, en castelán ou galego, de temáticas e estilos moi diferentes -novela negra, outras culturas, outras épocas, as relacións interpersoais, a nosa guerra “in-civil", a emigración...– todas as lecturas deron lugar a unhas reunións onde o debate, as anécdotas, as experiencias persoais... fixeron posible que entre todos e todas nós xurdira unha confianza e unha complicidade tal que o ambiente que se respirou en todas as xuntanzas foi sempre moi distendido e agradable, de verdadeira amizade. E este bo ambiente o que pide é un remate de curso cunha boa celebración. A comida de Fin de Curso á que non puideron asistir, e botamos ben en falta, Mª Carmen, Suso, David, Cristina, Rosi, Isabel e Inma.

Despedida na que non faltou un pequeno agasallo para cada un deles; un bolsa da Biblioteca “O Segrel do Penedo", Caderno de notas do Club de Lectura, un bolígrafo “O Segrel do Penedo” e un Marcapáxinas. E, como xa é tradicional, os “deberes” para o vindeiro curso. Que non queremos que este verán abandonen unha das súas paixóns...

Os títulos elixidos son, na súa maioría, algún dos nosos clásicos que ninguén debería perderse:
· Neira Vilas, Xosé: Memorias dun neno labrego
· Dieste, Rafael : Dos arquivos do trasno
· Martín, Paco : Das cousas de Ramón Lamote
· Rosnay, Tatiana de : La llave de Sarah
· Roger, Marie Sabine : Tardes con Margueritte
· García Márquez, Gabriel: Cien años de soledad
· Méndez Ferrín, Xosé Luis: Arraianos
· Blanco Amor, Eduardo: A esmorga
· Cunqueiro, Álvaro: Merlín e familia
· Rivas, Manuel : Todo é Silencio
· Navarro, Julia : Dime quien soy
· Castelao: Cousas
· Casares, Carlos : Ilustrísima

Cada un dos membros do club levou tres títulos que o 27 de xullo, ás 12 da mañá, en O Segrel, e arredor dun bo café, intercambiaremos, co fin de que cando chegue o primeiro trimestre do curso todos teñamos lidos tres ou catro deses títulos. Un xeito de seguir, aínda que na distancia, compartindo lecturas no verán que poñeremos en común no inverno.
A comida rematou cun fermoso agasallo, que nunca deixa de emocionarnos. Nesta ocasión foi un precioso ramo de flores e un marabilloso caderno de notas que xa estrearon cunhas fermosísimas e agarimosas dedicatorias.

Graciñas por permitirme seguir aprendendo e compartindo unha das miñas paixóns con todas e todos vós. Ata o 27 !!

La Cena

2011-06-13T00:04:00.001+02:00

Herman Koch

Salamnandra 2010

Ata onde é quen de chegar un pai para encubrir a un fillo que comete un delito inxustificable? Debe prevalecer o instinto de protección paterna, a lealdade a unhas normas sociais que garanten a coherencia e a fortaleza do grupo? Estas e outras preguntas de igual calibre xurden como dardos durante a lectura de "La cena", unha novela áceda e provocadora que apunta sin miramentos a toda unha clase social acomodada dos Países Baixos e, por extensión, de toda Europa, instalada nunha inercia de autosatisfacción e complacencia, e indiferente cara ao devenir da xeración que a sucederá.

Dúas parellas cítanse a cear nun moderno e exclusivo restaurante de Ámsterdam. Mentres saborean o aperitivo e charlan con aparente despreocupación sobre a última película de moda e os seus plans para as vacacións, son conscientes de que, tarde ou cedo, deberán abordar o incerto e acuciante asunto que os leva a reunirse: o futuro de Michel e Rick, os seus fillos de quince anos, que segundo algúns indicios poderían estar envoltos nun casoo de violencia grave. Así pois, tras os postres, cando a cea chegue aos seus últimos compases, a tensión entre os comensales terá alcanzado o seu punto culminante e a cadea de segredos e revelacións confluirán nun final dramático no que ninguén poderá esgrimir a súa inocencia.

"Os membros do noso club, non se resignaron a rematar tan pronto o curso, así que a nosa última reunión non foi o pasado luns, senón que se alongou unha semaniña máis... que nos gustan estas reunións arredor dun bo libro!!"

Encontro con Carlos de Castro e Marina Castro

2011-06-06T22:30:00.000+02:00

Hoxe celebramos, como ven sendo habitual, unha reunión conxunta dos clubs de lectura. É o noso xeito de despedir o curso, e que mellor que celebrando un Encontro cun escritor, neste caso o noso invitado foi Carlos de Castro, autor de "La casa de la linterna", pero como o tema non era para menos, a presenza de Carlos veu acompañada de Marina Dolores Castro, que non dubidou en achegarse ao Segrel para contarnos as súas experiencias, as vivencias dunha nena de sete años convivindo cun fuxido.

O Encontro comezou coa presentación de Carlos de Castro e Marina Castro por parte de José Carlos e Mariña, dous dos membros do noso club dos rapaces, para o que se documentaron moi ben, de feito a presentación de Carlos veu precedida por unha interesantísima entrevista á súa dona, profesora de Bioloxía do noso instituto. No caso de Marina, foi Begoña, a súa nora e coordinadora da Biblioteca do IES Fernando Esquío de Neda, e quen fixo posible este encontro cos membros do noso club de lectura, a que nos facilitou toda a información necesaria para a súa presentación.

Carlos achegounos á postguerra, aos fuxidos e ao Pontedeume da época a través das “aventuras” de dous rapaces de 14 anos, Eduardo Mata e Miguel Torres e dunha extraordinacia colección de magníficas fotografías. Marina deixounos impresionados coas experiencias tan fortes que viviu naqueles terribles anos, cando tan so era unha nena de sete anos.

Toda unha experiencia de momentos de lectura compartidos.

Dende O Segrel o noso agradecemento a Carlos, Marina e Begoña, por facer posible este encontro inesquecible.

Enquisa Club de lectura Pais, Nais e Profes

2011-06-06T22:00:00.003+02:00

Carlos de Castro Álvarez

2011-06-01T00:00:00.000+02:00

La Casa de la Linterna

2011-05-24T00:00:00.003+02:00

Carlos de Castro

Espino Alvar

Melchor Abreira é un galego que fixo fortuna na Arxentina, no negocio de exportación de carne. Constrúe unha casa na súa terra natal (a chamada Casa Grande ou Casa da Linterna), na que se alonxa Azaña cando ven á vila a fundar o partido Esquerda Republicana. Ao producirse o levantamento do 36, Melchor Abreira morre coa súa dona en madrid, nun bombardeo. O seu único fillo, Luis Abriera, biólogo que ía casar coa filla do reloxeiro Daniel Lobato, presidente do partido de Esquerda Republicana de Pontedeume, agóchase na casa. É un máis dos moitos fuxidos que se agochan nas súas propias casas ou que se botan ao monte.

A novela comeza cando, oito anos despois, é asesinado Custodio Lázaro, un carboeiro que axudaba a Luis a sobrevivir na casa, ao intentar poñerse en contacto cos refuxiados no bosque; e Luis é descuberto gravemente enfermo por dous rapaces, de 14 anos, da localidade: Eduardo mata, fillo do médico Servando Mata e Miguel Torres, fillo do recén chegado Xefe de Estación da Renfe. Que facer? Axudalo? Denuncialo? Decirllo aos seus pais?. Tendo como punto de patida este dilema, os rapaces van descobrindo, a medida que seguen coas súas vidas de adolescentes, unhanova realidade que descoñecían, da que ninguén lles tiña falado e sobre a que na vila se establecera un tácito pacto de silenzo: a realidade da sublevación, a represión posterior e a sórdida loita que mantén a Garda Civil cos fuxidos.

Entrevista co autor

Xuntos e Máis Nada

2011-04-26T20:30:00.006+02:00

Anna Gavalda

Galaxia (2006)

París exactamente ao pé da Torre Eiffel. Alí decorre a historia que conta "Xuntos e máis nada". A historia de catro persoas que pouco teñen en común, catro vidas perdidas que devalan no mundo ríspido da cidade, uns ninguéns. Catro sobreviventes que van aprender a compartir os medos, as esperanzas, a tenrura, a amizade, e tamén, os desencontros. Anna Gavalda escribe desde a experiencia da fraxilidade do ser humano, o equilibrio entre felicidade e desalento, que é o cerne desta novela.

Unha novela que reflexiona sobre a fraxilidade do ser humano, ese equilibrio entre a felicidade e o desalento.

Premio Novela Europea Casino de Santiago 2005

Entrevista coa autora

Settecento

2011-04-03T12:00:00.001+02:00

Marcos Calveiro

Xerais (2010)

O badaleo de todos os campaniles de Venecia resoa en canles e pazos da Serenísima República unha mañá do ano de 1739 e, coma nun teatro barroco, álzase o pano deste melodrama para música no que todos os personaxes semellan agochar sentimentos e intencións tras unha branca máscara de Entroido. Baixo a atenta ollada dun alado león de mármore, Antonio Vivaldi prepara a estrea da súa nova opera, quizais a súa derradeira oportunidade de acadar o éxito de antano, mentres procura por un stradivarius perdido que moitos anos máis tarde escoitaremos nos oficios da catedral de Santiago. É, no celme harmónico deste prodixioso instrumento e nas habelenciosas mans do seu intérprete, onde fica o segredo dunha historia de culpa e redención, de amor e desexo, de loita e resignación, de fulgor e decadencia. Quizabes distintas notas para unha melodía arreo repetida na partitura das nosas vidas. Settecento é un intrigante e vertixinoso relato que confirma a Marcos Calveiro como un dos novelistas primeiros do noso tempo.

Blog do autor

Entrevista no Faro de Vigo

Os Nenos Numerados

2011-03-27T00:00:00.008+01:00

Xoán Farias

Xerais (1977)

Os nenos numerados recolle a conmovedora historia dun fato de rapaces internados nos anos sesenta no reformatorio coruñés de Palavea. Pés Planos, logo chamado o Iluminado, –protagonista que é da novela– rouba unhas botas na zapatería de don Manuel e encérrano no reformatorio, un edificio rodeado por un muro de cristais cravados no cemento que brillan co sol da tarde. Pés Planos coñecerá na furgoneta que o levaba desde o xulgado á Casa Grande a Juan Acost, aquel rapaz de ollos quentes e fixos que choraba por calquera cousa, pero que terá pulo dabondo para intentar saltar o muro. A fame, o frío, os celadores, a loita diaria pola supervivencia nun ambiente hostil empuxan ós rapaces a tentar fuxir, pero moi poucos se atreven e case ningún o consegue. Xabier Senín realizou a versión galega de Os nenos numerados, chamada a converterse en novela de referencia da dura adolescencia dos máis desgraciados rapazotes galegos de hai trinta anos.

A particular homenaxe dos CEIP e IES de Ferrolterra a Juan Farias

A Elegancia do Ourizo

2011-02-23T10:00:00.013+01:00

Muriel Barbery

Galaxia (2008)

A elegancia do ourizo conta a historia de Renée, a porteira dun edificio do París burgués. Viúva, cativa e laida, ninguén sospeita que é máis culta ca todos os ricos finchados que moran na veciñanza. E a de Paloma, que vive na mesma casa, ten doce anos, é extraordinariamente intelixente e négase a ter como destino a vacuidade e a inepcia da existencia adulta. Cando faga trece anos, ten pensado suicidarse.

O Cine e a Música na Novela

A literatura na novela:
Jiro Taniguchi, Matsuo Basho, Kakuzo Okakura, Kokinshu, Hikaru no Go
Honoré de Balsac, Gustave Flaubert,
Stendhal, Francoise Mauriac, John le Carré,
Leon Tolstoi, Michael Conelly, Henning Mankell,

A Pintura na novela:
Francis Bacon
Jan Vermeer
Jan Baptiste Chardin
Pieter Claesz
Willem Kalf
Osias Beert
Rafael
Rubens
Hopper

La Evolución de Calpurnia Tate

2011-02-14T00:00:00.006+01:00

Jacqueline Kelly

Roca Editorial (2010)

Calpurnia Callie Vee é unha nena que vive nun pobo de Texas. A pesar de que a súa nai insiste en que aprenda a tocar o piano, a coser e cociñar, ela está máis interesada no que ocorre tras a porta pechada da biblioteca, ou no laboratorio do seu avó. Pouco a pouco irá gañándose a este home un tanto huraño e comezará a colaborar con el nas súas observacións do medio natural, aprenderá quen é Darwin, que son as especies e as subespecies, e tamén o idiotas que se volven os seus irmáns maiores cando se namoran.

Críticas:
El País
QuéLeer

Para saber máis:
El origen de las especies

Charles Darwing e a Teoría da Evolución

A Música da Novela

El Frío Modifica la Trayectoria de los Peces

2011-01-29T21:35:00.006+01:00

Pierre Szalowski

Grijalbo (2009)

Algún Nadal é inesquecible. E o de 1998 en Quebec sempre será lembrado por un neno que naquel momento tiña 11 anos. Foi entonces cando os seus pais lle anunciaron que iín separarse. Nunca pensara que algo así podería terlle pasado a el e enfadouse e chorou como nunca antes. E berroulle ao ceo: "axúdame", pero el era tan pequeno, e o ceo tan grande... Sen embargo, aquela noite desatouse a peor tormenta que Quebec coñecera xamais.

Aquela tormenta marcaría a súa vida e a dos seus veciños, porque as situacións extraordinarias fan que as cousas se vexan dun xeito diferente. E na pequena comunidade sumida baixo o manto do xeo floreceron relacións inesperadas e algunhas persoas lembraron sentimentos que tiñas esquecidos.

"El frío modifica la trayectoria de los peces" e unha novela entrañable e divertida. Un lectura que reconforta, coa que o seu autor irrompe no mundo literario como un verdadeiro sopro de aire fresco e cuxa orixinalidade e inesquecibles personaxes quedarán gravados na memoria do lector durante moito tempo.

leer en el libro

Dentro del Libro

Presentación da Novela, a súa música e as súas paisaxes...

Where Children Sleep

2011-01-24T15:06:00.008+01:00

James Mollison

Chris Boot (2009)

"Onde durmen @s nen@s" presenta as fotografías de 112 habitacións de outros tantos rapaces e rapazas que James Mollison sacou en 16 países incluidos os Estados Unidos, México, Brasil, Reino Unido, Italia, Kenia, Senegal, Xapón, China e Nepal, cada unha delas acompañada dun retrato de cada un dos protagonistas acompañados dun texto onde se fai unha pequena descrición das súas condicións de vida.

O obxectivo desta obra non é outro que o de chamar a atención dos lectores sobre as condicións de vida destes rapaces, na súa diversidade, e nas circunstancias sociais que hoxe en día afectan aos nenos e nenas do mundo.

O proxecto comezou cando o centro de investigación de Benetton lle pediu ao fotógrafo unha idea para amosar e comprometer ás persoas cos dereitos d@s nen@s e Mollison pensou na importancia que para el tivera de neno o seu dormitorio.

Un libro dirixido a lector@s de todas as idades dispoñible na rede "Where Children Sleep"

"Espero que este libro axude aos xóvenes a pensar nas desigualdades existentes entre as sociedades do mundo [...] e quizais comezar a entender de que xeito poderían actuar"

James Mollison

El Tiempo Entre Costuras

2011-01-14T12:00:00.030+01:00

María Dueñas

TH Novela (2009)

A xoven modista Sira Quiroga abandona Madrid nos meses convulsos previos ao alzamento arrastrada polo amor desbocado a un home a quen apenas coñece. Xuntos instálanse en Tánger, unha cidade mundana, exótica e vibrante na que todo o impensable pode facerse realidade. Incluso a traizón e o abandono da persoa en quen ten posta toda a súa confianza.

O tempo entre costuras é unha aventura apaixoante na que os talleres de alta costura, o glamur dos grandes hoteis, as conspiracións políticas e as escuras misión dos servizos segredos se funden coa lealdade cara aqueles a quen queremos e co poder irrefreable do amor.

Blog sobre a novela

ENTREVISTAS Á AUTORA

El País (11/01/2010)

El Mundo (26/03/2010)

El Espectador.com (14/06/2010)

La verdad.es (20/06/2010)

A ARTE NA NOVELA

Jack Vettriano Pintor escocés autor do cadro "Valentine Rose" (2003) que aparece como portada da novela.

"Mariano Bertuchi 50 años después" Centro Virtual Cervantes

Mariano Fortuny y Madrazo "Estudio para Delphos rosa"

Historia dun vestido: Delphos de Mariano Fortuny

"Tejido plano de Fortuny": Monografía de Lucina Llorente

"Fortuny, el mago de Venecia" Exposición

A MÚSICA NA NOVELA

El Castillo Ambulante

2010-12-19T12:00:00.002+01:00

Diana Wynne Jones

Berenice (2007)

No país de Ingary, onde as botas de sete leguas e as capas de invisibilidade existen de verdade, Sophie Hatter atrae a desagradable atención da Bruxa do Páramo, quen a enfeitiza cun maleficio que a converte nunha vella.

Coa firme determinación de facer o máis axeitado, Sophie viaxa ao único lugar no que cre que poderá atopar axuda, o castelo ambulante que asexa polos outeiros veciños. Pero o castelo pertence ao temible Mago Howl, que se alimenta, segundo se di, dos corazóns de rapazas desprevidas...

Esta, que será a primeira reunión do ano, celebrarémola cunha sesión de "cine palomitas" con esta fantástica adaptación feita por Hayao Miyazaki.

A Praia dos Afogados

2010-12-02T22:00:00.012+01:00

Domingo Villar

Galaxia (2010)

A novela parte dun descubrimento estarrecedor. Unha mañá, o cadáver dun mariñeiro é arrastrado pola marea ata unha praia da vila de Panxón, na ría de Vigo. Se non fose porque ten as mans atadas cunha brida de plástico, Xusto Castelo había ser outro mariñeiro que encontrou a súa tumba entre as ondas mentres pescaba. Sen testemuñas nin rastro da embarcación do finado, o lacónico inspector Leo Caldas mergúllase no ambiente mariñeiro para tratar de clarexar o crime entre homes e mulleres que recean de desvelar as súas sospeitas e que, cando deciden falar, apuntan nunha dirección insólita de máis. Un caso difícil para Caldas, que pasa malos momentos: o único irmán do seu pai está enfermo de gravidade e a súa colaboración no programa radiofónico de Onda Vigo estase volvendo cada vez máis inaturable. Tampouco non facilita as cousas o carácter arroutado de Rafael Estévez, o seu axudante aragonés, que non se dá adaptado á retranca e os sobreentendidos dos galegos.

Libro do Ano nos Premios Irmandade do Libro 2009

Premio Losada Diéguez de Creación Literaria

Premio Brigada 21 de novela negra

Autor do ano pola revista Fervenzas Literarias

Entrevista: Domingo Villar

Entrevista a Domingo Villar en Radio Barullo, a nosa Radio Escolar.

Invitámosvos a percorrer os escenarios onde se desenvolve esta fantástica novela guiados, como xa fixemos con "Ollos de auga", por "a lei de Lem" e, por suposto, disfrutade da súa banda sonora coas marabillosas voces de Barbara Bonny e Louis Armstrong, entre outros...

Artistas galegos na novela:

Xosé Telmo Lodeiro

Xavier Pousa

Los Amantes Mariposa

2010-11-29T08:00:00.004+01:00

Benjamín Lacombe

Edelvives (2008)

Unha lenda oriental sobre a loita contra o destino duns xoves namorados.

Naoko é unha rapaza que ante a imposibilidade, polo feito de ser muller, de estudar literatura, decide disfrazarse de home para poder realizar o seu soño. O que non sabe é que alí comezará unha marabillosa historia de amor imposible...

Esta lenda inspirou o concerto para violín coñecido como "Concerto para violín Liang Zhu", o nome do protagonista. Trátase dunha obra para violín e orquesta dos compositores chineses He Zhanhao e Chen Gang escrita no ano 1958.

Melodía en la Ciudad

2010-11-15T17:44:00.010+01:00

Benjamin Lacombe

Alejandro vive nunha cidade e, como a maioría dos seus habitantes, está destinado a traballar nas fábricas cando sexa maior. Pero un bo día, unha caravana dun circo xitano chega ao lugar e Alejandro escoitará por primeira vez as alegres melodías e ver os bailes e os números de circo. Entre os membros da compañía está Elena, unha nena da súa idade, da que se namora a primeira vista. Xunto cos músicos do circo, Alejandro descubrirá o seu talento nato para tocar a guitarra y, tras un primeiro rexeitamente, a súa familia sentirase orgullosa del gracias aos seus logros.

Non deixedes de entrar na súa páxina, é unha delicia.

E se aínda non disfrutáchedes de "Cuentos Silenciosos" agora tedes a oportunidade, non a desperdiciedes. Nós xa o temos!!

Ollos de Auga

2010-11-09T20:00:00.004+01:00

Domingo Villar

Galaxía (2006)

Na torre da Illa de Toralla, en plena ría de Vigo, aparece o cadáver dun saxofonista. O asasinato, dunha crueldade e sangue frío inusitados, vai ser investigado por Leo Caldas, inspector de policía que busca o seu lugar no mundo, e que, ademais do seu traballo na comisaría, intervén nun consultorio radiofónico ao que os cidadáns se achegan coas queixas máis diversas. O seu axudande, Rafael Estévez, é un aragonés destinado na cidade, un elemento estraño en terra hostil cun carácter demasiado impetuoso para os seus novos veciños. O caso desenvólvese entre o ambiente cálido e nocturno dos clubs de jazz e a atmósfera tensa e afectada dos círculos da alta burguesía viguesa.

A MÚSICA PRESENTE NA NOVELA

E mentres escoitamos a música, que mellor ca un paseo polos escearios que percorreron Leo Caldas e o seu axudante Rafael Estévez, da man de "a lei de Lem"?

O Home que Prantaba Árbores

2010-10-24T22:00:00.004+02:00

Jean Giono

Ilustrador: Jacobo Fernández

Tradutora: Ánxela Gracián

Galaxia (2009)

Un libro que fala da xenerosidade humana sen límites. Do respecto á natureza, da aposta pola vida e do amor á terra e a todo o que dela pode agromar fala esta pequena grande obra mestra da literatura do século XX.

Podedes escoitar a narración gravada en 1993 por Lara López acompañada polo saxo soprano de Paul Winter Consort

Ou ver a curtametraxe dirixida por Frédéric Back pola que gañou un Óscar á mellor curta de animación en 1987

2011 Ano Internacional dos Bosques

Situación dos Bosques no Mundo

Mantis

2010-10-18T22:00:00.008+02:00

Mercedes Castro

Alfaguara (2010)

Blog da autora

Teresa agocha segredos nos seus fogóns que conseguen que os seus pratos esperten paixóns, pero, a pesar da súa exitosa carreira como chef, do seu programa de televisión e a súa faceta como revolucionaria escritora de recetarios, non acaba de sentirse satisfeita. Tal vez porque os seus amantes desaparecen sen deixar rastro. Pode que por ese oco de silenzo que ninguén consegue reconstruir no seu pasado.

Para fuxir da soidade, Teresa obrígase a buscar unha alma xemelga que non consigue atopar e, decidica a aplacar a súa voracidade, determina volcarse na cociña, a súa verdadeira obsesión. Nas súas noites marcadas polas lembranzas e o insomnio creará manxares de sabores inesquecibles e imposibles de identificar, tan cheos de misterios como a súa vida, tan rebosantes de enigmas como os ingredientes que ningún ousado ten conseguido descifrar.

Tras un brillante debut coa súa novela “Y punto”, Mercedes Castro sorpréndenos con esta intriga psicolóxica, un conto de fadas envelenado, cheo de humor negro e un perverso sentido do suspense, a historia dunha muller fatal que persegue fuxir do seu destino. Mantis, plena de ironía e tensión, faranos desexar coñecer mellor a Teresa e, non importa que delicia nos serva, sentarnos a comer á súa mesa.

En Radio Barullo podedes escoitar a entrevista que lle realizou Almudena Marcos en RadioFusión a Mercedes Castro con motivo da presentación desta a súa segunda novela.

Aire Negro

2010-10-11T20:00:00.002+02:00

Agustín Fernández Paz

Xerais (2000)

White Ravens 2001

Premio de Literatura Protagonista Jove 2001

IBBY Honour List 2002

Trece anos despois de ocorridos os feitos, un ex psiquiatra cóntanos unha experiencia estremecedora coa súa primeira paciente. Imos coñecendo por el e pola voz narradora de Laura Novo a historia da aparición da Gran Besta, un ser monstruoso que habita nunha cova. Confírmase, deste xeito, a mitoloxía do lugar, que tan ben coñece un dos traballadores da casa de turismo rural na que se veu hospedar a protagonista. A vinganza pola intromisión nese territorio alleo corta a nova vida que, coa tranquilidade do espazo idílico e a felicidade do reencontro cun vello amor, busca a anteriormente periodista crítica en Madrid.

Con elementos de novela psicolóxica e de misterio, esta historia de amor imposible é unha auténtica viaxe ao corazón das tebras que transcende as limitacións da idade nas que a sítúa a súa edición nunha colección xuvenil

Xa estamos aquí!!

2010-10-08T12:00:00.001+02:00

Despedida do Club de Lectura

2010-06-25T12:00:00.002+02:00

O venres 18 de xuño celebramos, como xa é habitual, a nosa despedida do Club de Lectura. E alí, como xa é habitual, estivemos case tod@s.. (Nesta ocasión botamos en falta a Marga, Rosi, Alsira, Isabel e Suso) E, como xa é habitual, ese remate de curso fixémolo compartindo mesa e mantel e, por suposto, risas e lecturas. Esas lecturas que nos seguirán mantendo unidos durante o verán e que serán as que nos reunirán o vindeiro curso.

É que nós, como xa é habitual, sempre nos poñemos "deberes" para as vacacións, que seique non sabemos vivir sen a lectura... Que vos parece a selección?

Estupenda, non si? Pero é que non acaba aquí, porque, como xa é habitual, aos postres sempre chega un fermosísimo agasallo que nunca deixará de emocionarme, e que nunca deixarei de disimular... Nesta ocasión foron dous títulos ben interesantes:

E que podo dicir eu que non sexa agradecer, a tod@s e cada un de vós, eses marabillosos momentos que ano tras ano, e con este xa van tres, pasamos xuntos. Momentos que como di Jose "permítennos disfrutar do que nos fai disfrutar", que segundo María "nos axudan a estresarnos para buscar un momento de relax", para Meren son "momentos nos que compartimos tantas cousas a través dos libros" e para min "un tempo do que xa non podería prescindir por tanto como me aporta"

Grazas a tod@s por "dar vida" ao noso club de lectura.

Esperámosvos en outubro cos deberes feitos.

Ah, e lembrade que o 2 de agosto temos unha cita en O Segrel, que o verán é moi longo e non queremos botarvos moito en falta... Así que xa sabedes, ás 12.00 da mañá do luns día 2, teremos o café preparado.

Xornada Clubs de Lectura

2010-06-15T10:00:00.001+02:00

O pasado venres asistimos á Xornada dos Clubs de Lectura celebradas en Santiago, e se só puidésemos utilizar unha palabra para describila esta sería "extraordinaria".

Extraordinaria a xuntanza da tarde do xoves con Cristina e Pilar e as coordinadoras de zonas, e a cena posterior. Ali coñecemos a Ana Tato de Viveiro e Chus Juanatey de Santiago e nos reencontramos con Carmen Suárez de Cambre. Extraordinarias!!

Extraordinaria Ana Mª Margallo quen na mañá do venres nos falou de "Fomento da Lectura" e de "Educación Literaria", de "lectura e xóvenes"

Extraordinaria a xuntanza dos coordinadores e coordinadoras dos Clubs de Lectura da zona de Ferrol onde estiveron con nós Gabriela e Ánxela, asesoras do CFR de Ferrol

Extraordianria a mesa de debate con Pedro Lamas de Caldas, "iESCALDaletras", Luís Gómez de Rois, "As Pintoras Daltónicas", Almudena Platero de Ourense, "As catro esquinas do quinto" e Xosé Manuel Eyré de Monforte.

Extraordinario Benjamín Prado que fixo unha fermosísima loubanza da figura do mediador nas persoas de Rafael Alberti, de Ángel González e do seu admiradísimo profesor Fernando Borlán, -grazas Pilar por ese oportuno exemplar de "Ecuador" que nos permitiu escoitar na súa voz o poema "Días de lluvia"-

Extraordinario "Uxío Novoneyra" fillo que pechou a xornada do mellor xeito posible, lendo poemas do gran Novoneyra (Axiña o teredes en Radio Barullo)

Xa o dixemos, sempre pensamos que é imposible superar o listón que marcan as organizadoras destas xornadas, pero elas, ano tras ano, nos sacan do noso erro.

Velaí tedes o programa, os materiais (entrade como convidados) e unha pequena reportaxe gráfica.

Rosa Aneiros cos Clubs de Lectura do Segrel

2010-06-10T23:00:00.001+02:00

O luns día 7 de xuño celebramos o fin de festa dos clubs de lectura do Segrel cun fantástico encontro con Rosa Aneiros.

É esta unha experiencia que ano tras ano vimos realizando como remate das sesións dos clubs de lectura e, como ides comprobar, cunha extraordinaria aceptación por parte de tod@s @s asistentes.

Cando, hai xa tres anos, comentamos a nosa idea de facer unha reunión conxunta cun autor, naquela ocasión foi con Fran Alonso, e os membros dos clubs de lectura de alumnado e o de pais, nais e profes, houbo algún compañeiro que nos amosou as súas reticencias porque, segundo parecía, aos 15 e 16 anos non nos gusta estar cos nosos pais e nais neste tipo de actividades, que a rapazada non disfrutaría...

Que equivocados estaban os que así falaban! A experiencia non pode ser mellor nen máis positiva. En todas as ocasións son eles, os mozos e mozas, os que piden que se volvan a repetir estas xuntanzas conxuntas.

O encontro con Rosa Aneiros foi inesquecible. Comezaron Jose, un pai, e Laura, alumna, facendo unha estupenda presentación de Rosa. Laura fixo unha breve reseña biográfica e Jose falou do que para el supuxo a lectura de "Sol de inverno". E a partir de aí, e durante máis de tres horas falamos de libros, de lectura, do proceso que se segue para escribir un libro, falamos de "Inverno", analizamos a numeración dos capítulos de "Ás de bolboreta", que era algo que intrigaba moito a algún dos nosos rapaces,... e, por suposto, coñecemos unha miaxiña máis a esta extraordinaria escritora e mellor persona, e así soubemos que...:

"A literatura é todo o que os lectores van conformando a partir do que leron"

"Cando máis aprendo dos libros é cando os comparto"

"Cando remato unha novela os personaxes deixan de ser meus"

"A min o que me dá para escribir historias é vivir"

Velaí tedes algunhas imaxes do que alí aconteceu...

E non podíamos, nin queríamos esquecer o que opinan sobre Rosa Aneiros e esta experiencia conxunta algúns dos asistentes:

Pais, nais e profesorado:

"Poucas veces coñecín a un escritor ou escritora que fora tan asequible como Rosa Aneiros. Agradable, sinxela, comunicativa, clara, concisa, familiar... Dáche a sensación de que a coñeces de sempre, de toda a vida. Encántalle escoitar aos demais e aos demais nos encanta escoitala a ela. Unha auténtica profesional"

Mª Carmen Arnoso

"Hai veces que as verbas escritas dun autor/a fannos imaxinar unha personalidade, unha presenza, un estar, porque -imaxino- en cada obra hai algo de si mesm@s, do seu propio ser, do seu pensamento. Adoitame pasar con es@s escritor@s que te aferran ao libro ata rematares, nos que calquer obriga que te separe das páxinas é un contratempo. Logo, un día, coñécel@s e, como cando ves unha película logo de ler o libro, sintes que non era es@ @ autor/a que ti imaxinaches, e sintes un pouco de mágoa, un "para-que-viría". Con outr@s (Fran Alonso, Agustín, Marilar...) o encontro é fantástico e gozoso.
Con Rosa Aneiros foi fantástico, gozoso e fabuloso. Levou con tanta naturalidade a timideza d@s que alí estabamos para iniciar as preguntas, con tanta prestancia as preguntas d@s rapaces e rapazas, facéndolles atopar por si mesm@s as respostas ao que preguntaban, foi tan sincera nas respostas, que por un intre, escoitándoa falar dos seus personaxes, do seu padriño, das súas primeiras experiencias na escola de Valdoviño, pasoume polo maxín que a Biblioteca do IES se transformara e alí estabamos tod@s, sentad@s polo chan, nas alfombras, nos sofás, tomándonos uns cafés (cacao para menores non acompañad@s), nunha charla de xente que se coñece de hai moito tempo.
O sorriso constante, a naturalidade, as respostas concretas, claras, a falta de présa dunha persoa que non vive disto, que ao día seguinte tería que erguerse cedo para acudir ao seu traballo, o humor... Non sei se se nota que quedei prendada desta persona, porque da escritora xa estaba. Que é desa xente de quen podes decir sen medo a errar que ten calidade humana. E tamén "calidez". Cando vai volver???"

Maribel Serantes

"Foi unha experiencia moi positiva. O saber estar de Rosa Aneiros nos fixo pasar un rato do máis agradable. Cunha soltura propia dunha gran escritora como é, deunos todo tipo de detalles e anécdotas sobre as súas obras, de como as foi elaborando e fixo posibles dende un principio. A familiaridade e atención con que nos tratou foi para min o que máis me chamou a atención. Por sorte, vexo nela un claro exemplo de humildade nunha persoa que dada a súa traxectoria podería considerarse unha celebridade"

Juan José López

"Pasoume o mesmo que con Agustín, se non tivera lido nada dela iría rápidamente a mercar algúnha das súas novelas. Encantoume!"

Inma Rodríguez

Alumnado:

"A actividade levada a cabo no club de lectura gustoume moito porque gracias a Rosa Aneiros todos os compoñentes do Club (nen@s e adultos) aprendimos algo máis desta marabillosa escritora e dos seus libros e tamén dos mellores escritores Galegos"

Laura López

"Pareceume un bo día no club de lectura xa que veu Rosa Aneiros e deunos ideas para facer as nosas propias historias.
Ademais estivemos xuntos rapaces e adultos!"

Diego López

"Realmente creo que foi unha tarde ben productiva. O ritmo de preguntas foi constante, de maneira que o intercambio de opinións, consellos e pensamentos non se detivo en ningún momento. Ademais, Rosa posuía unha capacidade oral moi fluída, e estiven de acordo en case todo o que ela dicía. Respondeu a todas as preguntas satisfactoriamente."

Roi Gándara

"Rosa Aneiros inspiroume!"

Juan Carlos

Se queredes ver a reportaxe gráfica podedes entrar no noso Álbum Fotográfico ou ver unha presentación de Picassa

Axiña a reportaxe en Radio Barullo e na canle de You Tube do Segrel.

Ás de Bolboreta

2010-05-23T14:00:00.008+02:00

Rosa Aneiros

Xerais (2009)

Na “Luzada”, a cafetaría de Patricia, conflúen cada mañá os camiños que transitan os personaxes de "Ás de bolboreta", a novela de Rosa Aneiros gañadora do Premio Fundación Caixa Galicia de literatura xuvenil 2009. O de Manuel, un neno de orixe africana, a quen lle morreu a súa nai adoptiva, que comparte varias horas do día co seu avó. O de Lola e Eusebio, un matrimonio de persoas maiores que viven soas e deben enfrontar as difíciles decisións que esixen a vellez e a aparición da enfermidade. O de Iqbal, un mozo de pais paquistanís que decidiu marchar de Londres tras os atentados terroristas no metro de 2005. O de Aysel, unha kurda que manifesta a impotencia que sente pola indiferenza con que a comunidade internacional acolle a represión exercida contra o seu pobo por parte do goberno turco. O dos alpinistas do monte Gurugú, dous mozos nixerianos que tentan atravesar o valado da fronteira de Melilla para poder reunirse coa súa tía, que agarda todos os días no bar unha chamada que confirme a chegada dos seus sobriños a Galicia. E tamén o de Paco e Adolfo, dous homes covardes que non aprenderon a considerar as súas mulleres como compañeiras de viaxe, e o da señora Filomena, e o de Ana, e o de Fiño…

"Ás de Bolboreta" foi elixida para a exposición "The White Rabbens 2010"

O luns, 7 de xuño "Encontro dos Clubs de lectura con Rosa Aneiros".

Un Árbol Crece en Brooklyn

2010-05-01T10:00:00.002+02:00

Betty Smith

Lumen 2008

Corren os anos vinte do século pasado e descobrimos á pequena Francie Nolan lendo sentada na escaleira antiincendios da súa casa, á sombra dunha árbore que só crece nos barrios máis pobres das grandes cidades.

Pouco a pouco, a mirada da pequena afástase para abarcar á estrafalaria familia Nolan, que malvive nun barrio de Brooklyn. Coñeceremos así aos seus pais, ao seu irmá e á entrañable tía Sissy, que usa aos homes para aplacar os seus instintos maternais.

Francie crece rodeada de libros que tanto lle gustan e axiña comeza a preguntar e a pedirlle á vida algo máis que un triste acomodo á mediocridade. Desas fermosas e teimudas gañas de saber nace "Un árbol crece en Brooklyn", unha novela onde calquera detalle da vida doméstica revela un mundo feito de apostas e desexos, onde os personaxes son tan próximos que nos doen as súas dores e onde o soño americano cobra finalmente peso e cor.

Trailer da película "A tree grows in Brooklyn" (1945), a primeira de Elia Kazán como director.

A ilustración da Cuberta é de Norman Rockwell ("Moza ante o espello") un extraordinario ilustrador norteamericano que non debedes deixar de coñecer, se é que aínda non tivéchedes o placer de disfrutar das súas obras cheas de ironía. Velaí tedes unha pequena mostra do seu traballo...

Created with Admarket's flickrSLiDR.

Chamando ás Portas do Ceo

2010-04-23T00:00:00.001+02:00

Jordi Sierra i Fabra

Rodeira (2006)

Silvia, estudante de Medicina, marcha á India para traballar como cooperante durante o verán nun hospital situado nun perdido lugar do mundo. Ao facelo, enfrontáse cos seus pais e co seu noivo, e toma así, seguindo o seu instinto e o seu corazón, unha decisión que cambiará a súa vida e a súa forma de pensar. Na India coñecerá a dor e o sufrimento dos que non teñen nada, pero tamén a alegría e a paz da súa conciencia, e vivirá a cabalo non de dous, senón de tres mundos: por un lado Arturo, que a espera en España; por outro Leo, o médico, cooperante coma ela, capaz de renunciar a todo por estar alí; e, finalmente, Mahendra, o hindú que garda o máis doloroso dos segredos e que a introducirá nun novo horizonte sen fronteiras.

El Lector

2010-04-19T00:00:00.001+02:00

Bernhard Schlink

Anagrama (2000)

Michael Berg ten quince anos. Un día, de regreso á casa do colexio, comeza a sentirse mal e unha Hanna, unha muller de trinta e seis anos, axúdao. Pasadas unhas semanas, o rapaz, agradecido, lévalle á casa un ramo de flores. Este será o comezo dunha relación erótica na que, antes de amarse, ela sempre lle pide a Michael que lle lea en voz alta fragmentos de Schiller, Goethe, Tolstói, Dickens... Un ritual que se repite durante varios meses, ata que un día Hanna desaparece sen deixar rastro algún. Sete anos despois, Michael, estudante de Dereito acude ao xuizo contra cinco mulleres acusadas de criminais de guerra nazis e de ser as responsabeis da morte de varias persoas no campo de concentración do que eran gardianas. Unha das acusadas é Hanna. Michael debátese entre as gratas lembranzas e a sede de xustiza, trata de comprender que foi o que levou a Hanna a cometer tales atrocidades, trata de descubrir quen é en realidade a muller á que amou...

Bernhard Schlink escribe unha deslumbrante novela sobre o amor, o horror e a piedade; sobre as feridas abertas da historia; sobre unha xeración de alemáns perseguida por un pasado que non viviron directamente, pero cuxas sombras caen sobre eles.

Dirixida por Stephen Daldry

Interpretada por Kate Winslet e Ralph Fiennes

O Club do Segrel Lendo Mulleres

2010-03-08T20:00:00.000+01:00

Iso exactamente foi o que fixemos mañá e tarde, ler textos escritos por mulleres.

O 8 de marzo, Día Internacional da Muller, dende "O Segrel do Penedo" quixemos poñer o noso gran de area nesta tarefa común de facer deste un mundo mellor e máis xusto para tod@s.

Pola mañá, durante o recreo, organizouse unha actividade que cada día ten máis adeptos "Música e Poesía". Nesta ocasión aos participantes, profesorado e alumnado de todos os cursos, que estiveron acompañados por Serafín Santamariña de 1º de ESO, que tocou varias pezas(1) co seu acordeón, só se lles pediu que leran textos escritos por mulleres e así o fixeron, incluso unha profe, Mª Carmen Arnoso e unha alumna, Sara Sabín, leron dous fermosos textos escritos por elas.

E pola tarde, día de reunión do Club de Lectura de pais, nais e profesorado, decidimos participar na iniciativa "Fene lendo Mulleres" que a Concellería de Servizos Sociais, Benestar e Igualdade está a desenvolver dende hai xa 10 anos e cunha grande participación por parte de veciños e amigos do concello.

Velaí tedes algúns dos poemas, textos e artigos de opinión que cada un de nós, e por motivos moi diversos, elixiu para este día.

Foi unha marabillosa xornada na que, do mellor xeito que sabemos, a través da música e a lectura, seguimos a facer ese camiño pola igualdade e o respecto aos demais.

(1) Actualización 12/03/10
"A cidade asulagada": Tradicional (Arranxos de Bieito Romero)
"O valse do vello fidalgo": Xosé Lois Romero Cajigal
"O Valse de Arousa": Tradicional (Arranxos de Rodrigo Romani)
"Escenas medievales": Tito Marcos

Sol de Inverno

2010-03-07T12:00:00.010+01:00

Rosa Aneiros

Xerais (2009)

Sol de Inverno a obra coa que Rosa Aneiros gañou o Premio Xerais 2009 , é unha novela comprometida, densa e cun pouso de lirismo que debuxa o periplo vital dunha personaxe: Inverno. A protagonista habita diversos escenarios que nos conducen desde a perdida aldea de Antes a Barcelona, para relatarnos a crueldade da guerra; e logo ás circunstancias da fuxida a Francia; ao emblemático barco Ipanema; ao longo exilio cubano; á revolución castrista; e mesmo á viaxe ao París do maio do 68. Será en Cuba onde atopamos o pouso da emigración e dos descendentes dos cimarróns, da memoria infinita da tata Luzdivina e do cheiro das follas de tabaco do bisavó Andrés, un escenario clave para entender a singradura dunha protagonista que turra por volver a Antes.

Para o xurado do Premio Xerais 2009 «Sol de Inverno constrúe un mundo simbólico e máxico polo que deambulan seres entrañables para crear un relato de pulso vagoroso, que reborda nun potente río de historias. A memoria do exilio, as súas voces e as súas feridas, que Inverno debe lamber unha e outra vez, marcan o pulso desta novela que destaca pola rebeldía dos personaxes na defensa dos ideais e da xustiza.»

Non deixedes de disfrutar do emocionante discurso que o noso admirado Agustín Fernández Paz pronunciou nos XXVI Premios Xerais na Illa de San Simón (Redondela)

"Oito doas para San Simón" en

Radio Barullo

O Segrel do Penedo

Pequena reportaxe en O Segrel da Presentación de "Sol de Inverno" na Galería Sargadelos de Ferrol.

"O 7 de Xuño os membros dos dous Clubs de Lectura de O Segrel celebraremos un Encontro con Rosa Aneiros. Fantástico fin de curso!!"

O Diario da Outra Maniática

2010-01-25T16:13:00.006+01:00

Ann McPherson

Aidan Macfarlane

Xerais (2001)

Susie, unha rapaza de 16 anos, escribe o seu diario íntimo, seguindo ó seu irmán Peter Payne, autor do Novo diario dun xove maniático. Desde o seu punto de vista feminino, Susie escribe sobre o sexo, o amor, anorexia, febres glandulares, depresión, morte, SIDA, dietas, exames, anticoncepción, divorcio, vermes, estrés, piollos e moitas cousas máis. No diario inclúe recortes, folletos, cartas e fragmentos de xornais e revistas sobre problemas que lle preocupan, anotacións das aventuras de Pete e doutros acontecementos, bos e malos, da súa vida familiar.

Cometas en el Cielo

2010-01-17T16:12:00.006+01:00

Khaled Hosseini

Salamandra (2003)

Sobre o telón de fondo dun Afganistán respectuoso coas súas ricas tradicións ancestrais, a vida en Kabul durante o inverno de 1975 desenvólvese con toda a intesidade, a puxanza e o colorido dunha cidade confiada no seu futuro e ignorante do que se lle aveciña nun dos periodos máis cruentos que teñen padecido os milenarios pobos que a habitan.

Con apenas doce anos, Amir proponse gañar a competición anual de cometas da maneira que sexa, incluso a costa do seu inseparable Hassan, un "hazara" de crase inferior que é o seu servinte e compañeiro de xogos dende a súa máis tenra infancia.

Deste xeito, obsesionado por demostrarlle ao seu pai que xa é todo un home, Amir poñerá en perigo unha amizade fraguada ao longo de anos de enfrontarse a todos os perigos inimaxinables e aprenderá unha verdade que lle acompañará o resto da súa vida.

Nesta ocasión, celebraremos a primeira sesión do club de lectura de pais, nais e profes neste "Ano do libro e a lectura" cunha sesión de "Cine palomitas"

Entrevista ao autor e o director de "Cometas en el Cielo"

Delicioso Suicidio en Grupo

2010-01-08T18:09:00.014+01:00

Arto Paasilinna

Ed. Anagrama (2007)

Milleiros de finlandeses lánzanse cada ano por un precipicio ou inhalan dióxido de carbono do tubo de escape. Precisamente o día da San Xoán, a festa de comezo de verán, Onni Rellonen, un empresario en crise, decide poñer fin á súa vida. Pero xusto cando atopa un graneiro afastado, uns ruídos o deteñen. Onni salva a outro visitante do graneiro, o coronel Kemppainen, un viúvo que tiña decidido matarse ese mesmo día. Ámbolos dous renuncian ao común propósito e comezan a falar sobre os motivos que os impulsaban. Toman unha sauna, beben coñac e comezan a tutearse, ata que se renden ante a evidencia: existes un gran número de candidatos ao suicidio. Nace deste xeito unha longa amizade e a idea de fundar unha asociación de "aspirantes a suicida". Así, trinta e tres compañeiros deciden partir, nun flamante autocar, en busca dun suicidio colectivo digno: cruzarán Europa ata atopar o mellor acantilado dende o que lanzarse deliciosamente ao baleiro.

Entrevista ao autor en "El País"

O Club dos Máis Novos no Tibet

2009-11-30T20:00:00.000+01:00

O pasado luns celebramos a segunda reunión do club de lectura de rapaces e rapazas de ESO, e aínda que con algunha ausencia por mor dun autobús que non pasou pola parada... a xornada dou ben de si.

Hai quince días, na primeira xornada do club, decidimos que o primeiro libro que leríamos este curso sería "Un loto na neve" de Gonzalo Moure un fermosísimo libro que nos levou ata o Tibet!

Se ben esa viaxe non a realizamos físicamente, o noso espíritu sobrevoou o Monte Everest e soubemos do chamado mal de altura, visitamos Lhasa, subimos ao Potala, escoitamos as fermosas cancións dos traballadores e traballadoras durante a súa longa xornada laboral. Coñecemos aos monxes do Mosteiro de Drepung, vimos rezar aos fieis ante o Templo de Jokhang e contemplamos os seus cilindros de oración, algúns deles tan grandes que hai que rodealos. Os hai feitos dos máis diversos materiais e nós temos un de oso de yak, un animal moi apreciado neste país.

Coñecemos algunhas das tradicións do pobo tibetán, comprobamos que fan a sega como na Galiza de non hai tantos anos, vimos mulleres fiando, entramos na imprenta dun mosteiro, admiramos os seus libros de oracións e falamos de Mantras, Thangkas, Mandalas...

E que dicir da súa música! Aprendemos a tocar un cuenco tibetán e escoitamos unha marabillosa canción típica cantada por un rapaz cunha fermosísima voz.

E xa para rematar aprendemos a poñernos un sari, o noso non é vermello porque eses son para as mulleres casadas e nós aínda somo moi novos... Non diredes que mentimos cando vos dixemos que a tarde dera ben de si, no? Pois isto aínda non rematou, na próxima xuntanza seguiremos falando do Tibet, un pobo marabilloso que nos ten roubado o corazón.

Un Loto en la Nieve

2009-11-30T08:00:00.010+01:00

Gonzalo Moure

Edelvives (2008)

Marcos, un mozo a quen o seu pai está a iniciar na escalada, sálvalle a vida a un alpinista suizo nos Picos de Europa; así e todo, o vínculo entre ambos os dous nacera anos atrás, nas misteriosas rexións espirituais do Tíbet.

A través das lembranzas de Von Arx, revivimos a súa primeira visita ao país das neves, xa baixo dominio chinés e, sobre todo, logramos afondar na vida dun cativo khampa, tan varudo e tan sólido coma un loto na neve. Esta novela transporta ao lector aos cumios máis altos do mundo e ás fonduras máis íntimas do corazón humano.

Blog do autor

Nesta ocasión, tras a lectura de "Un loto na neve" e como despedida do ano, na última reunión do Club de Lectura organizamos un "cine palomitas" onde disfrutamos da película "Siete anos en le Tibet".

A película cóntanos a verdadeira historia de Heinrich Harrer, un montañeiro australian que se fixo amigo do Dalai Lama, naquel tempo aínda un neno, cando a China invadiu o Tibet.

El Consuelo

2009-11-21T21:12:00.001+01:00

Ana Gavalda

Seix Barral (2008)

Charles Balanda ten 46 anos. Home de familia e arquitecto de éxito, pasa as horas entre avións e aeroportos, pero un día recibe a noticia da morte de Anouk, unha muller á que amou durante a súa infancia e adolescencia, e os cementos sobre os que tiña construido a súa vida comezan a resquebraxarse. Será a lembranza de Anouk, unha persoa tremendamente especial que non soupo nin puido vivir como o resto do mundo, o que lle impulsará a dar un xiro radical e cambiar o seu destiño.

Desbordante e chea de humor, El Consuelo é unha grande historia de amor, pero aquí o amor non é só a atración entre dúas persoas, senón a gran resposta á pregunta se a vida merece a pena.

El Consuelo é un himno á esperanza e ás segundas oportunidades.

Entrevista á autora en El País

Entrevista á autora en El Periódico

A arquitectura de Ana Gavalda por Mª Aixa Sanz

Entrevista a Ana Gavalda en Radio Barullo

O Club de Lectura O Segrel vai compartir a lectura da novela de Gavalda co Club de Lectura Ars Legendi que xenerosamente nos fixo chegar varios exemplares. Unha fermosa experiencia de lecturas compartidas que comezou este curso e esperamos continúe nos vindeiros...

O Club da Calceta

2009-11-05T18:26:00.008+01:00

María Reimóndez

Xerais (2006)

Seis mulleres moi diferentes entre si acoden a clases de calceta, un lugar onde converxen as súas frustracións pero, tamén, un lugar onde toman conciencia da súa situación e da necesidade de superala. A través dun espazo tan tradicionalmente feminino como a calceta, María Reimóndez dálles voz a estas mulleres que desde as súas diferenzas atopan no valor da unidade a forza para sobrepoñerse a un presente que as nega ou minusvalora.

Desde a intriga, cun estilo áxil, que tira do ánimo de quen lle de xeito entretido e mesmo producindo hilaridade, a autora de O Club da Calceta ofrécenos unha novela que, tras a sorpresa que causa, fai emerxer unha profunda reflexión e revisión sobre a condición feminina. Inspiradas na figura liberadora da tía Davina, Matilde, Anxos, Rebeca, Elvira, Luz e Fernanda van facendo ás lectoras e lectores partícipes da súa historia desde un multiperspectivismo que desfai os fíos dunha sociedade machista.

Implicadas no Desenvolvemento ONG fundada pola autora.

Blog de Implicadas no Desenvolvemento

Entrevista a María Reimóndez en Noticias en Positivo.

La Reina en el Palacio de las Corrientes de Aire

2009-10-18T19:23:00.009+02:00

Stieg Larsson
Destino, 2009

Como xa imaxinábamos, Lisbeth non está morta, aínda que non hai moitias razóns para cantar vitoria: cunha bala no cerebro, necesita unda miracre, ou o máis habilidoso ciruxán que sexa quen de salvarlle a vida. Quédanlle semanas no mesmo centro onde un paciente moi perigoso segue a acechala: Alexander Zalachenko, Zala. Dende a cama do hospital, e a pesar do seu gravísimo estado, Lisbeth fai esforzos sobrehumáns para manterse alerta, porque sabe que as súas habilidades van ser, unha vez máis, a súa mellor defensa.

Mentres, cunha Erika Berger totalmente nas loitas de poder e as estratexias comerciais do poderoso xornal Svenska Morgon-Postes, en horas baixas tras o descenso das ventas e dos anunciantes Mikael síntese moi só. Quizais Lisbeth o teña afastado da súa vida, pero segundo as súas investigacións avanzan e as escuras razóns que están tras o complot contra Salander van tomando forma. Mikael sabe que non pode deixar nas máns da Xustiza e do Estado a vida e a liberdade de Lisbeth. Pesan sobre ela durísimas acusacións que fan que a policía manteña a orde de illamento, así que Kalle Blomkvist terá que ver de chegar ata ela, axudala, incluso ao seu pesar, e facerlle saber que segue alí, ao seu carón.

E o vindeiro 23 de outubro... Estrea da segunda parte da triloxía!!

"La chica que soñaba con una cerilla y un bidón de gasolina"

Más información sobre esta película

Esta, tampouco deixaremos de vela, así que preparádevos !!

Despedida Club de Lectura

2009-06-27T20:00:00.001+02:00

O pasado xoves celebramos a xa tradicional comida de celebración de fin de curso do Club de Lectura de pais, nais e profes.

Foi unha comida, como sempre que nos reunimos, moi agradable, onde houbo risas, emocións e sobre todo moitísima complicidade, froito de tantos e tan bos momentos nos que compartimos algo máis que boas lecturas.

Despois dos postres chegaron os agasallos. Todos eles recibiron unha bolsa das Bibliotecas Escolares Galegas e un caderno de notas coa portada chea de fotos dalgúns dos momentos das reunións do club. Un pequeno detalle que lles lembre as nosas citas dos luns.

En cada bolsa levaban "os deberes" para o verán:
"El consuelo" de Ana Gavalda, préstamo do Club de Lectura Ars Legendi.
"El Club de la calceta" de María Reimóndez, préstamo do Club de Lectura Arao.
E, por suposto, como podedes imaxinar se nos seguíchedes nas nosas lecturas, "La reina en el palacio de las corrrientes de aire" de Larsson.

Despois dos bos ratos que nos proporcionaron os dous primeiros títulos da triloxía e a adaptación cinematográfica de "Los hombres que no amaban a las mujeres", -tamén nós tivemos "cine palomitas"- non me perdonarían que non tivera feitas as reservas na nosa libería habitual.

Eles, sempre tan agarimosos, agasalláronme cun libro ben fermoso "El jardín de Hipatia" de Olalla García, no que deixaron unhas dedicatorias que me emocionaron.

"Gracias por enseñarme "el mundo de los libros"" (Ana)

"A lectura e a amizade, o mellor do mundo" (Mª Carmen)

"¡Y ya van 2 cursos!" (Rosi)

"Gracias por dejarme compartir estos momentos con vosotros" (Marga)

"Cantas verbas malgastamos antes de decir o que de verdade sentimos. As diferenzas non sempre fan distancias: tenden pontes. Incluso aos ratos" (Maribel)

"A raíña dos contos, das historias, dos poemas a medio facer.
A raíña das emocións, dos encontros concertados o luns.
Grazas polo "chispazo"
Non é doado reunir ás persoas. Ti o fas, porque todos temos algo en común. "A aprendizaxe" Para Loly (Mariola)

"Gracias por pasar unos momentos tan entrañables en el mundo de la lectura" (David)

"Con afecto" (Bau)

"Te queremos" (Pilar)

"Para una Ferrolana de pro" (Jose)

"Por esos momentos que pasamos que siempre se hacen muy cortitos. Con cariño" (Meren)

"Gracias por los buenos ratos que pasamos" (Begoña)

Emocionantes, moi emocionantes!!

Eu, só podo darvos as GRAZAS!!:

"Grazas por tanto como aprendo con todos vós e de todos vós."

"Grazas por permitirme disfrutar dunha das miñas paixóns en tan boa compañía."

"Grazas por compartir "afectos" e "efectos""

"Grazas por tantos e tan bos momentos cheos de complicidade"

"Grazas pola vosa amizade"

"Grazas por querer seguir esta andaina un ano máis "aínda que teñamos que mercar nós os libros" como confesou Ana durante a comida..."

Se pode pedir máis?

Queridos amigos e amigas, ata o vindeiro curso. Espero volvervos a ver a todos e cos deberes feitos !!!

Se queredes ver as fotos dalgunhas das sesións do noso club, só tedes que entrar no noso Álbum

Xornada Clubs de Lectura

2009-06-07T20:00:00.001+02:00

O pasado venres día 5 os coordinadores e coordinadoras dos clubs de lectura de centros públicos asistimos á "Xornada dos Clubs de Lectura" en Santiago. Un día ben intenso e que necesita dun tempo para a reflexión de tanto como alí poidemos escoitar e aprender.

As xornadas, inauguradas polo subdirector xeral Carlos Encisa, comezaron coa conferencia de Mireia Manresa que nos falou sobre "Os hábitos de lectura como punto de partida para a formación de lectores". Facendo especial fincapé na necesidade de reflexionar sobre a programación de actividades de lectura e que estas estean ben fundamentadas.

"O primeiro paso para a formación lectora consiste en ler moitos libros e diversos"

"O lector na adolescencia vaise quedando só fronte a lectura"

"En cantos institutos de España o libro é unha realidade cotiá nas aulas?"

Despois do tempo do café, imprescindible para a conversa coas amizades de sempre, para facer outras novas, o intercambio de ideas, a presentación de materiais,... asistimos á conferencia de Rosa Aneiros que nos falou da súa experiencia como escritora pero sobre todo do aprendido nos numerosos encontros cos seus lectores. Que xeito de transmitir o seu amor polos libros e a lectura!.

"O importante non é o que contas, o importante é o que comunicas"

"Lemos o que queremos ler, en función das nosas vivencias, da nosa propia vida"

"Hai que ser moi permeables ás necesidades dos rapaces"

"A literatura é xogo de espectativas, xogo de ilusións"

A tarde comezou cunha Mesa de Experiencias na que catro responsables de clubs de lectura de centros de ensino secundario, o IES A Sardiñeira, Trafegando Ronseis, IES de Foz e As catro esquinas do quinto nos falaron do seu magnífico labor en prol da lectura.

A clausura das Xornadas correu a cargo de Mercedes Caballud e Carmen Carramiñana que nos presentaron a iniciativa "Ler Juntos", un programa de educación literaria no que participan familias, escola e biblioteca pública e que veñen desenvolvendo dende 1993 en Ballobar (Huesca)

"O paraugas da lectura cuida do corazón e da cabeza"

"O modelo adulto lector (pais, profesorado...) é moi escaso"

"A lectura crece nunha rede de afectos: contaxios"

E como sorpresa, para o remate da xornada estivo connosco o poeta e contacontos Celso Fernández Sanmartín que nos fixo rir e moito coas súas historia de amor, o conto do "Bobo" non tal, e as anécdotas das cereixas, as mazás, o queixo da verza... Un fin de festa divertidísimo para unha Xornada magnífica na que, como sempre, a organización foi inmellorable.

Agora toca reflexionar e sacar as conclusións que nos axudarán a seguir crecendo e facendo camiño nesta fermosa andaina de acompañamento aos nosos rapaces na súa formación lectora.

Velaí algunhas fotos da Xornada.

Tristes Armas

2009-05-09T00:00:00.006+02:00

Marina Mayoral

Xerais (1994)

Tristes Armas é a historia dunha carta que nunca chegou ó seu destino. Tamén é a historia de dúas nenas exiliadas a Rusia, de dous amigos que se atopan en bandos opostos, dunha muller loitadora, dun carteiro namorado, dun rapaz empeñado en borrar a tristeza dos ollos dunha rapaza. É unha historia de fillos separados dos seus pais, de parellas desfeitas, de homes e mulleres zarandeados e maltratados polos ventos do odio. Pero Tristes Armas é sobre todo unha historia de amor.

Documental "Os Nenos de Rusia"

Documentais sobre "A guerra (In)civil española"
Guerra Civil Española (1), (2), (3), (4), (5), (6), (7), (8), (9), (10)

"Exilio" Guerra Civil Española "Introdución", (1), (2), (3), (4), (5), (6),

Nesta ocasión, o Club de Lectura O Segrel dos máis novos está a compartir esta lectura co Club de Lectura da Biblioteca O Bosque Animado de Cambre que nos fixo chegar varios exemplares desta obra. Unha fantástica experiencia de lecturas compartidas que esperamos ampliar o vindeiro curso con algunha que outra actividade

Y punto.

2009-04-26T13:53:00.002+02:00

Mercedes Castro

Blog da autora

Alfaguara

Cunha poderosa voz narrativa cargada de ironía, Mercedes Castro irrumpe no panorama literario coa historia dunha muller que se move entre o lusco e o fusco, unha protagonista tan de carne e óso que traspasa as páxinas desta novela co seu humor agridulce, a súa contundente fraxilidade e un inconformismo esencial que vai máis alá de calquera punto final.

Clara Deza é contradictoria e deslinguada, Clara Deza é axente da autoridade, esposa e compañeira, tan sensible por dentro como dura por fóra. Inmersa nun mundo hostil marcado polo enfrontamento entre dúas esferas contrapostas: a laboral, poblada por policías que oscilan entre a incomprensión ou a superprotección, yonquis que inspiran tenrura e superiores que non a respetan, e a persoal, que xira entorno a un matrimonio que é á vez refuxo e casa de fieras, remanso de paz e estanque de tormentas.

Cazaría Salvaxe

2009-04-19T16:12:00.013+02:00

Agustín Agra Barreiro
Xerais (2008)

Wotan, o Demo Negro ou Señor do Inframundo, tiña ollos de lume, o corpo invisíbel ás miradas e unha negrume inescrutábel ocupaba o baleiro que ía deixando. Nas noites de invernía saía de caza, dacabalo, coa compaña dos seus cadelos diabólicos, zugadores de sangue, que perseguían e degoaban canto atopaban. Mais, foi Ricardo Ferreiro, o rapazolo da aldea de Marselle que salvou o pelello por dúas veces, quen foi designado para ser o elixido. Cando regresou ao País do Vento, despois do seu longo exilio na Illa de Dona Escura do Mar Tenebroso, conseguiu cos poderes e artes alí adquiridos acabar con Wotan e pór fin a súa tiranía, que asolaba vilas e aldeas, aínda a custa de pagar un prezo altísimo por semellante afouteza. Novela de terror, misterio, bruxaría e fantasía, enfiada coa prosa primorosa das narracións populares dos vellos violinistas, Cazaría salvaxe non deixa alento ao lector até a súa derradeira páxina.

Guía Didáctica

El Asombroso Viaje de Pomponio Flato

2009-03-30T00:00:00.004+02:00

Eduardo Mendoza
Seix Barral

No século I da nosa era, Pomponio Flato viaxa polos confíns do Imperio romano en busca dunhas augas de efectos portentosos. O azar e a precariedade da súa fortuna lévano a Nazaret, onde vai ser executado o carpinteiro do pobo, convicto do brutal asasinato dun rico cidadán. Moi ao seu pesar, Pomponio vese inmerso na solución do crime, contratado polo máis extraordinario dos clientes; o fillo do carpinteiro, un neno candoroso e singular, convencido da inocencia do seu pai, home en apariencia pacífico e taciturno, que agocha, sen embargo, un grande segredo.

Cruce de novela histórica, novela policiaca, haxiografía e parodia de todas elas, "El asombroso viaje de Pomponio Flato" é a obra máis insólita e inesperada de Eduardo Mendoza, e tamén unha das máis ferozmente divertidas.

Outro dos títulos que o Club de Lectura O Segrel vai compartir co Club de Lectura Ars Legendi. Esta está a ser unha fermosa experiencia de lecturas compartidas!!

O Único que Queda é o Amor

2009-03-16T00:00:00.003+01:00

Agustín Fernández Paz
Ilustracións: Pablo Auladell
Xerais (2008)

Hai unha trama de fíos invisibles que une as vidas dos personaxes deste novo libro de relatos de Agustín Fernández Paz, ilustrado por Pablo Auladell: Diana, Sara, Pablo, Laura, Adrián… todos se namoran e descobren que o amor é un sentimento poderosísimo, capaz de transformalos por enteiro e facerlles a vida doutro xeito. Mais tamén experimentan a amargura do desamor, ou da ausencia, ou dos amores rotos. O amor en todas as súas variantes: desde o primeiro amor adolescente ata que se mantén máis alá da morte. Aínda sabendo isto, as persoas sempre buscamos na nosa vida ese sentimento tan necesario como o aire que respiramos, quizais porque intuímos que, como escribe Orhan Pamuk en Neve, “na vida o único que queda é o amor”. E sempre, os libros como compañeiros da aventura do amor. Un libro memorable

Premio Xosé Neira Vilas ao Libro Infantil e Xuvenil do ano 2007 - Premio Asociación de Escritores en Lingua Galega (Infantil-Xuvenil), 2007 - Premio Nacional de Literatura Infantil e Xuvenil 2008

Cine Palomitas no Club de Lectura!!

2009-03-14T20:00:00.002+01:00

A última sesión de lectura do alumnado do pasado mes de febreiro foi algo diferente ao que soemos facer cada luns que nos xuntamos. Ese día tivemos unha reunión moi especial.

Dende que limos o libro "O neno do pixama a raias" tomamos a decisión de que no momento que saíra ao mercado o DVD da peli, teríamos unha xuntanza especial á que chamamos "Cine palomitas".

O 11 de febreiro, o mesmo día que saiu ao mercado, fomos ao FNAC e mercamos o noso exemplar. Estabamos desexando vela xuntos así que ninguén faltou á cita, nin sequera Laura López que xa a vira coa familia.

O luns 16 de febreiro a biblioteca converteuse no salón da nosa casa e, como adoita acontecer cando vemos unha peli en familia ou cos amigos, a mesa encheuse de palomitas, zumes, patacas fritas e demais chuches aportadas por todos nós.

Foi unha fantástica xornada na que puidemos ver como unha novela é adaptada ao cine, unha xornada na que non só compartimos comentarios, senón tamén moitos sentimentos. De feito pensamos repetila coa peli do libro que estamos a ler "El Señor Ibrahim y las flores del Corán".

Unha experiencia moi recomendable e da que vos deixamos aquí algunhas fotos.

Queremos agradecer a Beni e a Toño a súa xenerosidade compartindo connosco os seus magníficos materiais.

El Señor Ibrahim y las Flores del Corán

2009-02-23T00:00:00.004+01:00

Eric-Emmanuel Schmitt
Edicións Obelisco (2004)

No París dos anos sesenta, un rapaz xudeo de 13 anos faise amigo do tendeiro árabe da rúa Azul. Pero as apariencias sempre son engañosas: O Sr. Ibrahim, o tendeiro, non é árabe, a rúa Azul non é azul e o rapaz pode non ser xudeo.

Un texto sinxelo e dunha humanidade conmovedoras. Fair ir, chorar… un pordixio. Unha visión noble e conciliadora da humanidade.

“Nun momento no que o mundo sofre máis que nunca a causa dos fanatismos de todo tipo e no que a relixión se converte en motivo de conquista, xurde un magnífico conto que reconcilia ao home consigo mesmo”

Paris Match

Trailer da Película

En "O Segrel Cinema"

Nesta ocasión, este lote de libros chégannos dende o Club de Lectura do Fernando Esquío, con quen tamén estamos a disfrutar de fermosos momentos de lectura compartida.

Grazas Begoña e Loles, esperamos que esta fantástica experiencia continue.

Los Objetos nos Llaman

2009-01-26T00:00:00.000+01:00

Juan José Millás
Seix Barral (2008)

O misterioso esculca á volta da esquina, no interior dun mesmo. Mulleres grandes que soñan con homes diminutos. Manequíns que súan. Polos que chegan dende o mercado á casa, pero que nunca aparecen na mesa. Mentiras que se converten en realidades inexplicables. Mistos vellos que alumean habitacións antigas. Pequenos malentendidos que dan lugar a preguntas fundamentais. Delirios sensatos. Corduras delirantes...

"Los objetos nos llaman" (podes lelos en liña) é unha selección dos mellores contos de Juan José Millás. Dividido en dúas partes fundamentais "As orixes" temas do pasado e da infancia, e "A vida" contos protagonizados polos mesmos personaxes ou por outros novos pero xa de adultos.

Nesta ocasión o Club de Lectura O Segrel vai compartir esta lectura co Club de Lectura Ars Legendi que xenerosamente nos fixo chegar 8 exemplares desta obra do gran Millás. Grazas Mar, esperamos seguir disfrutando desta experiencia de lecturas compartidas.

O Neno do Pixama a Raias

2009-01-19T00:00:00.004+01:00

John Boyne
Faktoría K (2007)

...Cremos que é importante empezar esta novela sen saber de que trata. Nembargantes, se decides embarcarte na aventura, debes saber que acompañarás a Bruno, un neno de nove anos, cando se muda coa súa familia a unha casa onda unha cerca. Hai milleiros de aramados coma ese en moitos sitios do mundo; só desexamos que nunca te atopes con ningún, e se o fas, que teñas forza para librarte del...

Esta novela do escritor irlandés John Boyne é unha fábula literaria para todos os públicos, que bebe de fontes como Charles Dickens, John Irving, Philip Roth, Anne Tyler ou Alexandre Dumas...

Trailer da Película

En "O Segrel Cinema

La Chica que Soñaba con una Cerilla y un Bidón de Gasolina

2009-01-12T00:00:00.002+01:00

Stieg Larsson
Destino (2008)

Lisbeth Salander tomouse un tempo; necesita afastarse do foco de atención e sair de Estocolmo. Trata de seguir unha férrea disciplina e non contestar ás chamadas nen ás mensaxes de Mikael, que non entende por que ten desaparecido da súa vída sen dar ningún tipo de explicación. Lisbeth cúrase das feridas de amor en soidade, aínda que intente distraer o desencanto co estudo das matemáticas e certos placeres nunha plaia do Caribe.

¿E Mikael? O gran heroe, Súper Blomkvist, vive bos momentos en Millennium, coas finanzas da revista saneadas e o recoñecemento porfesional por parte de colegas e outros medios. Agora ten entre máns unha reportaxe apaixoante sobre o tráfico e a prostitución de mulleres procedentes do Este que lle porpuxeron unha parella, Dag e Mía.

Máis información en:
Serie Larsson
Wikipedia
El Pais

Novas
A terceira entrega, o terceiro libro titulado "La reina en el palacio de las corrientes de aire", publicarase en España o próximo 5 de xuño.
Toca esperar!!

Los Hombres que No Amaban a Las Mujeres

2008-12-01T23:35:00.003+01:00

Stieg Larsson
Destino (2008)

Henrik Vanger recibe cada primeiro de novembro extrañas e anónimas flores prensadas dende os puntos máis lonxanos do mundo. Era o agasallo que solía facerlle a súa querida sobriña, desaparecida trinta anos atrás. Mikael Blomkvist, redactor da revista Millennium, adicada a destapar escuras tramas financieiras, recibe o encargo de Vanger de retomar unha investigación xa pechada pola policía. Un encargo nada habitual para Mikael que lle permitirá coñecer á enigmática Lisbeth Salander, unha muller con problemas de adaptación social, pero con extraordinarias e insólitas cualidades.

Este é o argumento dunha novela que é a crónica da guerra interna dunha familia, un fresco fascinante do crime e do castigo, de trampas financieiras, un entramado violento e ameazante entre o que sen embargo crece unha tenra e fráxil historia de amor. Unha historia de amor entre a que será a parella máis memorable da literatura criminal.

Máis información en:
Serie Larsson
El País
La Vanguardia

Novas
A Película

A Noite d'O Risón

2008-11-17T19:49:00.016+01:00

Gonzalo Moure
Xerais, 2007
Ilustracións: Pere Ginard

Novela ambientada na ría de Ribadeo dentro dun ambiente de terror.

Hai coarenta anos, nun bar de pescadores dunha vila da costa do Cantábrico, nunha noite de treboada, coma non se lembra outra, un grupo de mariñeiros atrapados polo temporal e outras personaxes misteriosas comenzan a contar historias sobre tormentas, naufraxios e mortos.

O portagonista de A Noite d'O Risón pasará unha noite inesquecible xunto a eles; as súas lembranzas mestúranse cos relatos escoitdos dos mariñeiros.

"Quedar no coñecido, por medo ao descoñecido, equivale a manterse con vida, pero non vivir"
Anónimo

Coidadísima edición publicada por Xerais, na que se xunta o imaxinario de Gonzalo Moure coas marabillosas ilustracións de Pere Girard.

El Asesinato de la Profesora de Lengua

2008-10-27T17:56:00.011+01:00

Jordi Sierra i Fabra
Anaya, 2007
Ilustracións:Pablo Núñez

A profesora de lingua, Soledad, está farta de que os seus alumnos non se esforcen na clase. A súa desesperación chegou a tal límite, que lles comunica unha seria noticia: Antes de rematar o día, asasinará a un deles, se non conseguen detela antes.

Terán que resolver as probas que lles vaian aparecendo ata dar coa resolución o que nos levará a un final inesperado

Aos alumnos vailles a vida niso, así que non perderán un só segundo. A busca comezou...

E comezamos o noso segundo ano!!

2008-10-20T20:00:00.002+02:00

Este mes de outubro comezamos as nosas sesións do club de lectura tanto de rapaces e rapazas como de pais e nais.

En ámbolos dous fixemos a nosa selección de títulos na primeira reunión, pero no de pais e nais, a triloxía de Larsson fíxonos modificar esa primera elección. Gustounos tanto "Los hombres que no amaban a las mujeres" que non dubidamos en elixir a segunda parte "La chica que soñaba con una cerilla y un bidón de gasolina" como lectura para este Nadal.

Cos rapaces xa lemos "El asesinato de la profesora de lengua" e "A noite d'O Risón", para a volta de Nadal o libro elixido foi "Cazaría Salvaxe"

Como novidade, este curso decidimos que en cada sesión do club, un de nós faría a súa proposta de lectura ao resto. Sería a proposta desa lectura que máis nos gustou e que o resto do grupo non debería perderse. Temos que dicir que está a ser todo un éxito.

Na primeira sesión dos rapaces, Xano trouxo un libro de lendas da zona de Ferrolterra "De Lenda en Lenda" e tras a primeira lenda seguiu a segunda, a terceira e ata a cuarta. Encantoulles este libro, tanto foi así que na segunda sesión do club, Laura trouxo o seu exemplar, tamén o tiña na casa, e limos algunhas lendas máis.

No club de pais e nais a primeira lectura fíxoa Maribel que nos leeu un fermoso poema, pero quen nos emocionou de verdade foi Mariola, a nosa poetisa.

Mariola naceu nunha pequena aldea e aos sete anos trouxéronna para Fene, ou como ela di, "arrincáronme do carón dos meus avós", e desa terrible experiencia ela escribiu un fermosísimo poema. A súa sentida lectura fíxonos chorar, e pedímoslle que seguira lendo, e o seu segundo poema falaba de violencia, da violencia de xénero.

Mariola, é un verdadeiro pracer escoitarte ler os teus fermosos poemas.

Canto disfrutamos destas lecturas compartidas!!

Xornada Clubs de Lectura

2008-06-26T23:00:00.000+02:00

Hoxe, os responsables de 104 clubs de lectura creados noutros tantos centros públicos de Galicia, tivemos a oportunidade de xuntarnos na EGAP, en Santiago, para disfrutar dunha xornada dedicada a falar das nosas experiencias de lecturas compartidas con distintos membros da nosa comunidade.

A xornada abriuna Blanca Calvo, directora da
biblioteca pública de Guadalajara e un dos referentes a ter en conta cando se fala de Clubs de Lectura.

"Un club de lectura é unha experiencia para compartir, un estímulo para a sociabilidade"

"Debemos demostrar á xente como sen darse de conta, eles están interesados na lectura"

Blanca falounos das distintas modalidades de clubs de lectura, do perfil do seu coordinador ou coordinadora, dos obxectivos a conseguir, de distintas actividades a desenvolver despois da lectura de cada libro, de como solucionar algúnhas das dificultades que nos podemos atopar.. e contounos a súa experiencia de lectura compartida cun club de lectura italiano.

O encargado de pechala foi Pep Bruno escritor e contacontos que nos enganchou cos seus contos e as súas suxestións de lectura.

Ademáis houbo dúas mesas de experiencias, unha pola mañá, onde se falou dos clubs de lectura para o alumnado, e outra pola tarde dedicada aos clubs de lectura abertos ao resto dos membros da comunidade.

Toda unha experiencia de lecturas compartidas, de propostas de distintas actividades, e de bo facer a cargo dos fantásticos profesionais que se atopan nas nosas Bibliotecas Escolares Galegas.

Canto por aprender, canto por facer... pero estamos no bo camiño!!

Parabéns ás organizadoras.

Actualización (28/06/08) Tamén en Biblioafonso

Momentos de Lecturas Compartidas

2008-06-24T20:00:00.000+02:00

Hoxe queremos compartir con todos e todas vós a nosa experiencia cos Clubs de Lectura "O Segrel".

Unha experiencia que comezou o pasado mes de novembro e que nos trae ata o día de hoxe no que botando a vista atrás vemos un fantástico camiño percorrido cheo de novas experiencias e amizades, de momentos compartidos arredor dos libros, da lectura ...

Unha experiencia que permitiu a un dos membros do club:
"facer sitio no meu tempo - sempre tan escaso de ratos libres- para dedicarme ao pracer de ler"

Unha experiencia na que entre os aspectos máis salientables algúns destacan:
"A iniciativa en si mesma"
"A valentía de levala a cabo"
"Retomar o gusto pola lectura"
"O esforzo que facemos todos para buscar tempo para ler e para reunírmonos"

Entra no noso club e disfruta dalgúns deses momentos de Lectura Compartida.

Preme en Open Publication se queres velo máis ampliado.

Fran Alonso cos Clubs de Lectura do Segrel (II)

2008-06-19T20:00:00.003+02:00

Como xa vos explicamos no post anterior, o pasado luns disfrutamos da visita de Fran Alonso.

Velai vai algúns momentos dese encontro tan especial entre rapaces, pais, nais e profes non só co autor e a súa obra senón un encontro cos libros, a lectura e a vida.

Entrade no noso Canal You Tube de Radio Barullo e poderedes disfrutar de tres deses momentos:

Como xurdiu “Cartas de Amor”

O momento en que Fran nos conta “Un dos seus Proxectos de Futuro”

Algunha das nosas “Experiencias de Lectura Compartida”

Dende aquí queremos agradecer a Fran o comentario no seu blog Cabrafanada sobre a súa visita a “O Segrel do Penedo”

Fran Alonso cos Clubs de Lectura do Segrel (I)

2008-06-17T20:00:00.002+02:00

Hoxe foi un día especial para os membros dos clubs de lectura de "O Segrel". Celebramos a última reunión de ambos os dous clubs dun xeito diferente.

Grazas á xenerosidade de Fran Alonso, hoxe, en "O Segrel do Penedo", nais (os pais non puideron vir. É o primeiro día que non acuden a esta cita e a verdade é que os botamos en falta...) rapaces e rapazas despedímonos ata o vindeiro curso cun encontro marabilloso cos libros e o seu autor.

Guía dalgúns dos títulos nos fondos da nosa biblioteca

A xornada comezou esta mañá coa preparación do escenario da visita. Organizamos a exposición e colocamos a biblioteca para facilitar a proximidade co autor.

Pola tarde os rapaces e rapazas chegaron á hora habitual e dedicaron a primeira media hora a cubrir unha enquisa on-line sobre a súa experiencia no club de lectura e a segunda media hora, e mentres esperábamos a Fran, tivemos unha pequena "merenda". Cos pais e nais teremos unha comida a venres 27 da que non pensamos contar nada...

Ás 17.30 chegou Fran, a súa presentación correu a cargo de Xano, unha presentacion que, como lle dixo Fran, estaba moi ben documentada.

E comezou a charla. Fran falounos das súas fascinantes viaxes, de como xordiron algunhas das súas novelas. Falounos das Illas Cabo Verde, dos asentamentos Saharauis, de guerras, de desastres naturais, de emigración, do seu pai, da súa nai, daquel cole que "odiaba"... falounos da vida e doutras realidades que non por estar alonxadas no espazo deixan de sernos próximas.

Todos os que alí estabamos disfrutamos da súa palabra, da súa verba doce e amiga... E chegaron as 18.40 sin dármonos conta, e houbo que "animar" aos máis novos a marchar se non querían perder o autobús. Estaban encantados con todo o que Fran contaba, coas explicacións ás súas moitas preguntas (e pensar que crimos que non se ían atrever a falar!!).

E seguiron os comentarios e as preguntas das nais. Unha delas contounos como ela e a súa filla (que é membro do club de lectura do alumnado) leron e choraron xuntas coa carta "O que nunca me preguntaches". Toda unha experiencia de lectura compartida!

Rematamos coa firma dalgúns dos exemplares de "Cartas de Amor" e do noso Libro de Ouro. Como anécdota contarvos que Laura, unha das nosas lectoras máis novas, trouxo o seu libro "Poetízate" que xa fora asinado, nunha das súas visitas ao noso concello, por Fran quen non dubidou en recoñecer que esta era a primeira vez que asinaba un libro por segunda vez.

Cando xa estabamos a piques de rematar unha das nais preguntou (non sen antes comentar que esta era a primeira vez que estaba cun escritor) se todos os encontros con autores eran sempre tan agradables e divertidos. Engadiu que nunca na súa vida lera tanto como este ano no club de lectura.

Imaxino que agora entenderedes por que dicía ao principio que hoxe fora un día moi especial. Foi un día de experiencias fantásticas e irrepetibles que farán imposible esquecer este achegamento aos libros, a lectura e á vida a través dos Clubs de Lectura da nosa Biblioteca Escolar.

Dende o noso blog queremos agradecer a nais, pais, rapaces e rapazas o facer posible esta nosa primeira experiencia nun club de lectura. Gracias a todos e todas por permitirnos disfrutar dunha das nosas paixóns, a lectura, dun xeito distinto e fascinante que nos axudou a medrar como profesionais pero sobre todo como persoas.

Nota: Mañá teredes no noso Canal de Video a reportaxe desta visita.

Cartas de Amor

2008-04-08T00:22:00.018+02:00

Fran Alonso

Xerais, 2007
Cabrafanada Blog do Autor

As historias deste libro nacen a partir de cartas de amor. Pero non son cartas de amor convencionais. O amor ou o desamor son as desculpas que nos permiten coñecer as dramáticas circunstancias que rodean ás mulleres que as escriben. De feito, os verdadeiros protagonistas das cartas xon a pobreza, a guerra, a inmigración, o franquismo, a violencia, a prostitución, a presión social, a integración… E quen escriben as cartas son mulleres que viven circunstancias vitais –persoais ou sociais- moi difíciles, ás que se enfrontan con valentía. Este é un libro contundente pero tenro, un canto á vida e á dignidade.

El Corazón Helado

2008-03-31T22:18:00.012+02:00

Almudena Grandes

Tusquets Editores 2007
Colección "Andanzas"

O día da súa morte, Julio Carrión, poderoso home de negocios cuxa fortuna remóntase aos anos do franquismo, deixa aos seus fillos unha substanciosa herdanza, pero tamén moitos puntos escuros do seu pasado e da súa experiencia na Guerra Civil e na División Azul. No seu enterro, febreiro de 2005, o seu fillo Álvaro, o único que non quixera dedicarse aos negocios familiares, sorpréndese pola presenza dunha muller xoven e atractiva, á que ninguén tiña visto antes, e que parece delatar aspectos descoñecidos da vida íntima do seu pai. Raquel Fernández Perea, pola súa vanda, filla e neta dun exiliado en Francia, sábeo case todo sobre o pasado dos seus proxenitores e avós, aos que ten preguntado sobre a súa experiencia da guerra e do exilio. Para ela só unha historia permanece sen aclarar: a de unha tarde en que acompañou ao seu avó, recén regresado a Madrid, e visitaron a uns descoñecidos cos que intuiu que existía unha débeda pendente.

Álvaro e Raquel están condeados a encontrarse porque as súas respectivas historias familiares, que son tamén a historia de moitas familias en España, dende a Guerra Civil ata a Transición, forman parte de sí mesmos e explican ademáis as súas orixes, o seu presente. Tamén porque, sen sabelo, sentiranse atraídos sen remedio.

El Secreto del Fuego

2008-03-10T17:41:00.006+01:00

Henning Mankell
Madrid: Siruela, 2007

A protagonista é Sofia, unha nena africana duns doce anos. Cando uns soldados irrumpen no seu poblado, matando ao seu pai e a moita outra xente, fuxe coa súa nai e os seus irmánse instálanse noutro lugar onde hai moita xente en circunstancias parecidas. Sofia e a súa irmá María acoden á escola que dirixe un misioneiro e as monxas que atenden o poblado, e alí advírtenas de que nunca deben abandoar os camiños marcados debido á perigrosidade das minas...

Os Clubs de Lectura do Segrel

2008-02-17T20:00:00.000+01:00

Esta semana tivemos outra sesión dos clubs de lectura. Unha actividade coa que cada día estamos máis ilusionados e máis implicados e da que todos aprendemos tantísimo.

A última obra que leron os rapaces foi “El alma del bosque” de Manuel López Gallego, gustoulles moitísimo.
Falamos da influencia das compañías, tanto para ben como para mal, así como da posibilidade de reinserción dos delincuentes…

Membros do Club do Alumnado:

Sentados e de esquerda a dereita: Laura, Laura López, Lukas e Sara.

De pé e de esquerda a dereita: Roi, Ángela, Leonardo, Nerea, Michelle e Xano

Faltaba Paula, os exames do día seguinte foron os "culpables"...

Logo dun debate moi interesante subimos á aula de informática a seguir traballando con algunhas destas novas ferramentas que a Web 2.0 pon ao noso alcance e que tanto os motiva. Fixeron comentarios do libro lido e tamén algunha suxestión de lectura no seu blog.

“O blog dos segreis” naceu co obxectivo de ser un punto de encontro para o noso alumnado no que poder facer os seus comentarios, as súas suxestións de lectura, cine, música... Un espazo para debater, compartir, colaborar, en definitiva, para aprender; obxectivo este cara ao que nos imos achegando día a día.

Para a próxima reunión elixiron “O inferno de Marta” de Pascual Alapont.

No club dos pais e nais lemos « Sueños en el umbral » de Fatima Mernissi. Un libro marabilloso que nos proporcionou un tema de debate do máis interesante.

Nesta ocasión o club non se reuniu na biblioteca do centro, xa que decidimos comezar esta semana un roteiro polas bibliotecas das sociedades culturais das distintas parroquias do concello. A primeira elixida foi a Sociedade Cultura e Deportiva de “O Pote” de Maniños onde pasamos unha tarde moi agradable.

ASOCIACIÓN CRD "O POTE"

(Maniños - Fene)

O libro elixido para a próxima reunión é “La ladrona de libros” de Markus Suzak.

Estes clubs de lectura están a ser unha das mellores experiencias que se están a desenvolver dende a nosa biblioteca e que recomendamos a todos os que esteades interesados en poñelos en práctica.

La Ladrona de Libros

2008-02-13T20:18:00.005+01:00

Markus Suzak
Editorial Lumen, 2007

En plena II Guerra Mundial, a pequena Liesel atopará a súa salvación na lectura.
Unha preciosa novela, tremendamente humana e emocionante, que describe as peripecias dunha nena alemana de nove anos dende que é dada en adopción pola súa nai ata o final da guerra. A súa nova familia, xente sinxela e nada afecta ao nazismo, ensínalle a ler e a través dos libros Rudy consegue distraerse durante os bombardeos e combater a tristura. Pero é o libro que ela mesma está a escribir o que finalmente lle salvará a vida.

O Inferno de Marta

2008-02-13T20:09:00.008+01:00

Pascual Alapont
Xerais Edicións, 2004
Colección "Fóra de Xogo"

Cando aceptou saír con aquel mozo, Marta non sabía que poñía un pé no inferno, e que a partir de entón sería tan doloroso penetrar como tratar de escapar de alí. Esta novela de Pasqual Alapont, escrita ao xeito dun thriller, con psicópata incluído, pon os pelos de pé. Esta é a historia de Marta, unha moza que se namorou da persoa equivocada; pero tamén é a historia dunha amizade a proba de bombas que cativa pola súa tenrura. O libro complétase con A máscara do amor, un texto no que o psicólogo e criminalista Vicente Garrido analiza os comportamentos de risco que calquera persoa moza debería ter en conta para evitar caer no inferno do maltrato físico ou psicolóxico. Un libro útil que combina unha novela emocionante chea de suspense e un práctico libro de autoaxuda

Club de Lectura do Segrel de Pais, Nais e Profes!!

2008-01-25T21:00:00.000+01:00

O Club de Lectura do Segrel de pais e nais constituíuse o pasado mes de outubro. Este club está formado por dez nais e dous pais, todos eles amantes da lectura e dispostos a reunirse cada quince días para falar de libros, de autores, de sentimentos e emocións.

Reunímonos os mércores de catro e media a sete e a experiencia está resultando do máis positiva e agradable. Como non coñecía os seus gustos e preferencias presenteilles na primeira reunión, unha selección moi variada de títulos e autores entre os que elixiron “O Capitán Lobo Negro” de Xesús Manuel Valcárcel, obra que rematamos de ler na terceira reunión do club, o pasado mércores 23 de xaneiro.

Ningún deles tiña lido nada deste autor. Destacaron a riqueza do seu léxico, as súas descricións, esa mestura de ironía e fantasía, en fin, que lles gustou moito. E para completar a xornada, nunca faltan as risas, as anécdotas e, por suposto, un bo café.

A próxima reunión será o mércores 13 de febreiro, e nesta ocasión a obra elixida é “Sueños en el umbral” de Fatema Mernissi.

E aquí vos presento aos membros do noso club.

Club de Lectura do Segrel dos Máis Novos!!

2008-01-25T20:00:00.000+01:00

O club de lectura do alumnado organizouse no mes de novembro e está formado por oito rapazas e catro rapaces. Durante a primeira reunión decidimos entre todos que libros leríamos, con que frecuencia nos reuniríamos e que outras actividades desenvolveríamos ademais da lectura.

A verdade é que non tivemos ningún problema á hora de poñernos de acordo. Decidimos que o día de reunión sería os luns de catro e cuarto a sete menos cuarto. Cando lles plantexei a posibilidade de dedicar a segunda parte da xornada a traballar coas TICs (blogs, chats, taller de escritura….) todos sen excepción estiveron de acordo. Así que temos unha semana sesión presencial, na biblioteca do cole, e a seguinte vía web, a través do chat. Toda unha experiencia, ben, máis para min que para eles, para que enganarnos…

O primeiro libro elixido foi “Cando petan na porta pola noite” de Xavier P. Docampo, e se queredes saber algunhas das súas impresións, só tedes que ir a “O Club do Segrel”.

Na segunda xornada, creamos o “Blog dos Segreis”. Un blog no que eles podan facer os seus comentarios e suxestións de lectura, cine, música, e que lles gusta moitísimo. Primeiro nos habilitamos e logo pasamos a dar os primeiros pasos para publicar entradas, baixar fotos... e a verdade é que estas son as súas ferramentas, gústanlles, polo que están moi motivados e así aprenden todo dun xeito tan natural que non deixa de sorprendernos!

Durante a terceira xornada ademais de falar da obra de Xavier Docampo, que lles gustou moito, eliximos o segundo libro “El alma del bosque” de Manuel López Gallego e que trata o tema da reinserción social. E na segunda parte da sesión dedicámonos a chatear. Cantas risas, que ben o pasamos... Pero todo isto podedes velo nesta pequena presentación.

Sueños en el Umbral

2008-01-18T22:40:00.006+01:00

Fátima Mernissi

El Aleph Editores, 2003

Cheo de ensoñacións e explicacións que a rapaza recibe como resposta ás súas preguntas de
todas as mulleres que viven con ela e forman parte do “harem”. A nai, a avóa, as tías, primas, cociñeiras… Todas teñen unha visión e unha interpretación do momento que lles está a tocar vivir. Visión dun Marrocos, e dun mundo árabe dende alguén de alí e non dende un occidental.

Diferentes puntos de vista de distintas mulleres sobre a vida, os homes, o amor…

Como chegan e arrasan as culturas occidentais. De que xeito afecta todo isto ao pensamento e a cultura de Fátima e ás mulleres coas que comparte a súa vida cotiá.

El Alma del Bosque

2008-01-18T22:38:00.001+01:00

Manuel López Gallego
Editorial Everest, 2007
Premio "Leer es Vivir" 2006

Esta novela xuvenil relata as aventuras dun adolescente delicuente que é condenado por un xuiz a ir a un reformatorio. "O lío comeza cando a policía o deixa só nun bosque. A única axuda que atopa para recapacitar sobre a súa vida será a dun pastor" cóntanos o seu autor. Manuel López explica que a súa intención é que a xente crea que é posible a rehabilitación de quen cae na delincuencia.

O Club de Lectura dos Segreis Máis Novos!!

2007-12-17T20:00:00.001+01:00

Hoxe tivemos a primeira reunión do Club de lectura do Segrel dos Segreis máis novos, 12 mozos e mozas da ESO. Xuntámonos na biblioteca durante case tres horas. Vaia tarde!!!!

Na primeira xuntanza, hai xa un mes, eliximos como primeiro libro "El alma del bosque", pero por problemas coa distribución, e despois de esperar moitos días, decidimos comezar polo que quedara en segundo lugar "Cando petan na porta pola noite" de Xabier P. Docampo. Non estabamos dispostos a esperar ata o próximo ano...

Decidimos dividir cada sesión en dúas partes.

Na primeira, falaremos sobre a novela elixida, que por certo esta primeira xornada foi toda unha experiencia. Os comentarios tan acertados dos rapaces, as súas ganas de participar, o xeito de escoitar o que os outros tiñan que dicir... Como se notaba que o que estabamos a facer os tiña engaiolados!!

Durante a segunda parte traballaremos coas novas tecnoloxías. Hoxe xa fixemos comentarios no blog do Club de lectura e estreamos O Blog dos Segreis, un blog que nace coa idea de ser un punto de encontro para o noso alumnado no que poder facer os seus comentarios, as súas suxestións de lectura, cine, música... Un espazo para debater, compartir, colaborar, en definitiva, para aprender. E tanto que aprenderon!!

Algúns deles xa fixeron as súas suxestións de lectura. Todas as entradas son obra súa... Que xeito de aprender!!! Nun momento xa sabían baixar imaxes, enlazar páxinas, modificar cores, textos, etiquetar os posts... Cando nos dimos de conta xa rematara a tarde.... meu deus, a piques estiveron de perder o autobús!!!

Canto disfrutamos falando de contos, de libros... Fixemos planes para o ano que ven!! O primeiro día que nos xuntemos, o luns 14, traeremos cada un de nós un conto que contaremos ao resto. Haberá que falar con avós, pais, veciños... e ver que atopamos. "Se son de medo, teremos que ambientar a biblioteca" foi unha das súas propostas. Así o faremos.

Rapaces, o próximo ano teremos algunha historia que contar!!!

O Capitán Lobo Negro

2007-12-15T00:51:00.001+01:00

Xesús Manuel Valcárcel

Editorial Galaxia

Premio de la Crítica 1995

Catorce historias nas que se entremesturan a partes iguais, o terror, o absurdo, a anguria, a soidade, máis tamén o poder do amor, a amizade, os valores da lealdade, da dignidade, da tan humana tenrura. E todo adubiado cunha prosa moi rica, onde cada secuencia pide outra.

Ese é o segredo agochado nestas catorce historias reunidas en O capitán Lobo Negro, polo que Xesús M. Valcárcel recibiu en 1995 o Premio da Crítica.