El Abanico de Seda

Lisa See

Salamandra (2005)

Como proba da súa boa estrela, Lirio Blanco, unha tímida nena de sete anos, filla dunha humilde familia de campesiños, será irmandada con Flor de Nieve, que vive nun pobo afastado e é de moi distinta ascendencia familiar. Por medio dunha cerimonia ancestral, ambas convértense en laotong ("o meu outro eu" ou "alma xemelga"), un vínculo que dura toda a vida e que será máis profundo que o matrimonio. Dende o principio, e ao longo doa anos, Lirio Blanco e Flor de Nieve intercambiaranse mensaxes en nu shu escritos nun abano de seda, que as serventas levarán dunha casa á outra. En abanos e panos darán conta do que ninguén coñece; os seus máis íntimos pensamentos e emocións, e grazas a esa vía secreta de comunicación consolaranse das penalidades do matrimonio e a maternidade. O nu shu manteraas unidas, ata que un erro na interpretación dunha das mensaxes ameazará con truncar a súa fonda amizade.

La Casa de la Linterna

Carlos de Castro

Espino Alvar

Melchor Abreira é un galego que fixo fortuna na Arxentina, no negocio de exportación de carne. Constrúe unha casa na súa terra natal (a chamada Casa Grande ou Casa da Linterna), na que se alonxa Azaña cando ven á vila a fundar o partido Esquerda Republicana. Ao producirse o levantamento do 36, Melchor Abreira morre coa súa dona en madrid, nun bombardeo. O seu único fillo, Luis Abriera, biólogo que ía casar coa filla do reloxeiro Daniel Lobato, presidente do partido de Esquerda Republicana de Pontedeume, agóchase na casa. É un máis dos moitos fuxidos que se agochan nas súas propias casas ou que se botan ao monte.

A novela comeza cando, oito anos despois, é asesinado Custodio Lázaro, un carboeiro que axudaba a Luis a sobrevivir na casa, ao intentar poñerse en contacto cos refuxiados no bosque; e Luis é descuberto gravemente enfermo por dous rapaces, de 14 anos, da localidade: Eduardo mata, fillo do médico Servando Mata e Miguel Torres, fillo do recén chegado Xefe de Estación da Renfe. Que facer? Axudalo? Denuncialo? Decirllo aos seus pais?. Tendo como punto de patida este dilema, os rapaces van descobrindo, a medida que seguen coas súas vidas de adolescentes, unhanova realidade que descoñecían, da que ninguén lles tiña falado e sobre a que na vila se establecera un tácito pacto de silenzo: a realidade da sublevación, a represión posterior e a sórdida loita que mantén a Garda Civil cos fuxidos.

Entrevista co autor

El Inventor de Palabras

Gerard Donovan

Tusquets (2010)

A vida de Julius Winsome, nunha remota cabana dos bosques de Maine, acabou asemellándose á paisaxe que o rodea: silencioso, illado, insondábel. Pero cando o seu can, Hobbes, morre a mans dun cazador, nun descoido ou nun acto de crueldade, a discreta existencia de Julius, xa na cincuentena, da un xiro. Precisamente, Hobbes era o único que lle quedaba dun antigo e fugaz amor. En adiante, terá por toda compaña o vello fusil familiar, co que o seu avó loitou na primeira guerra mundial, e os numerosos libros que cobren as paredes da cabana. Porque a lectura non so lle procura consolo, senón tamén inspiración para converterse nun "inventor de palabras" a imitación do seu admirado William Shakespeare. Pese a todo, a melancolía na que o sume a morte de Hobbes levarao a acariñar a idea de vingarse.

Bajo la Misma Estrella

John Green

Nube de Tinta (2012)

A Hazel e a Gus gustaríalles ter vidas máis correntes. Algúns dirían que non teñen nado con estrela, que o seu mundo é inxusto. Hazel e Gus son so adolescente, pero se algo lles ten ensinado o cancro que ambos padecen é que non hai tempo para lamentacións, porque, nos guste ou non, so existe o hoxe e o agora. E por todo iso, coa intención de facer realidade o máis grande desexo de Hazel - coñecer ao seu escritor favorito- cruzarán xuntos o Atlántico para vivir unha aventura contra o reloxo tan catártica como desgarradora. Destino: Amsterdam, o lugar onde reside o enigmático e malhumorado escritor, a única persoa que tal vez poida axudarlles a ordenar as pezas do enorme puzle do que forman parte...

Banda Deseñada e Novela Gráfica!!

Este curso, o Club de lectura de alumnado de 2º e 4º de ESO, dedicámonos a ler Banda Deseñana e Novela Gráfica, o que nos dou bastantes quebradeiros de cabeza para facernos cun exemplar para cada un, xa que somos 20 e, dado o seu elevado custo, non podemos mercar máis dun exemplar para o centro. Pero botamos man dalgún centro amigo e sobre todo da  BPM de Fene, que dispón dun bo fondo. A todos eles agradecerlles a súa extraordinaria colaboración.

Na anterior xuntanza deste grupo, fixemos algo que non é habitual, pero debido ao que vimos de expoñer e a que se organizou un encontro co noso admirado David Rubín, decidimos que nesta ocasión cada un de nós levara un título distinto a escoller entre o noso fondo de cómic, que é bastante bo, e cada quen comentara os títulos elixidos nas próximas xuntanzas. 

As nosas propostas foron: El faro, Miss Annie, Lydie, Enrugas, Nómades, El juego de las golondrinas, El vuelo del Cuervo, Érase una vez Francia, División Azul, Jonas Fink, Persépolis, Nina, diario de una adolescente, Maus, Rosa Blanca, Fume, El autobús de Rosa, A historia de Erika, Paracuellos... 

Boa selección, non si?

A Memoria da Choiva

Pedro Feijoo

Xerais (2013)

Cando Xosé Carneiro, coñecido psicanalista e polémico colaborador telvisivo, aparece co peito aberto no seu piso de compostela rúa República do Salvador, son dúas as cousas que chaman a atención do xornalista Aguiles Vega e da profesora Sofía Deneb. A primeira é a brutalidade, a violencia extrema con que o crime foi levado a cabo. A segunda, ese detalle que non encaixa na escena; unha extraña peza de ferro chantada no corazón.

En realidade, a de Carneiro non é máis que a primeira dunha cadea de mortes en serie, unha carreira contra o reloxo na que Aquiles terá non só que comprender que é o que está psando, senón cal é o papel que en toda esta historia xoga un dos nomes máis importantes da nosa literatura, aquel sempre rodeado de misterio e scuridade. E, sobre todo, terá que saber quen é Adriano.

Entrevista co autor

David Rubín - Monográfico

Nesta ocasión, a reunión do club de lectura da rapazada dedicado ao cómic desenvolverase dun xeito diferente. Será un monográfico dedicado á obra de David Rubín un dos grandes debuxantes do noso país e con quen teremos o pracer de gozar dun encontro o vindeiro xoves 26, do que, por suposto, daremos cumprida conta.

• Entrevistas:
• El País
• Astiberri

• De tripas corazón (Blog do autor)

Aurora West:

Trátase dunha precuela da exitosa serie Battling Boy (DeBolsillo), de Pope, centrada na moza Aurora West, filla do máis grande heroe da cidade de Arcopolis, Haggard West, e de como se convertirá nunha heroina.

La tetería del oso malayo:

Unha compilación de historias publicada anteriormente en 2VB e redibuxadas para esta ocasión. "La tetería del oso malayo" é un lugar rexentado por Sigfrido onde personaxes de todo tipo aparecen coa escusa de tomar algo e acaban explicando as súas amarguras, os seus problemas, choros ou rabias. Un punto de partida que da pé a todo tipo de historias e permite a Rubín explorar moitas situacións, personaxes e, incluso xéneros.

Beowulf:

Un guerreiro a compañado polos seus homes chega a un reino danés para dar fin a un monstro que leva doce anos asolándoo. Unha vez feito esto, acaba coa nai do monstro. Cincoenta anos despois, sendo xa rei do seu propio reino, ten que enfrontarse na súa bataia final a un dragón que arrasa as súas terras.

El héroe:

O heroe é un cómic que adapta moi libremente o mito dos doce traballos de Heracles (o Hércules, segundo a versión romana), situando a acción nunha época fantástica indeterminada, que mestura pasado con presente e elementos de ciencia-fición, pasado por un mesturador pop que toma elementos dos superheroes e do manga. 

Neste cómic Heracles é o fillo bastardo de Zeus, un heroe que axuda ao próximo e ao longo dos anos é sometido a unha serie de retos que porán a proba as súas capacidades. Durante a historia veremos medrar a Heracles e co paso dos anos irase dando de conta das responsabilidades que conleva a condición de heroe.

Onde ninguén pode chegar:

Galardoada co primeiro premio de banda deseñada Castelao da Deputación da Coruña, o autor reflexiona sobre o amor e a tristeza a través do personaxe dun superheroe apoiándose nunha estrutura narrativa moi singular.

El circo del desaliento:

Temas como a soidade, a búsca existencial, o amor e a súa perda desenvónvense a través de historias nas que o autor toma prestados superheroes, mitos gregos ou bíbliocos, ou contos infantís, que nas súas máns convértense en relatos íntimos, amargos case sempre, esperanzadores ás veces, historias que nos chegan directamente ao corazón e ás tripas para despois darnos unha patada no cerebro.

Viñetas de vida:

Un total de 10 creadores, entre eles David Rubín, embarcáronse da man de Oxfan Intermón e a súa campaña "Sí me importa" nunha viaxe con rumbo a Latinoamérica, África e Asia. Este grupo creativo fixo as súas maletas para coñecer de preto as historias de vida de persoas que, co apoio da cooperación española, loitan por cambias as súas vidas e as das súas comunidades.

Un percorrido en viñetas por esa outra parte do mundo - Colombia, Marrocos, Nicaragua, Repúbrica Dominicana, Filipinas, Mauritania e Burundi - que confirma que a cooperación ao desenvolvemento funciona, cambia e salva vidas.

Encontro con David Rubín no Segrel

A Viaxe de Gagarin

Agustín Fernández Paz

Xerais (2014)

Doce de abril de 1961: o cosmonaura Iuri Gagarin convértese no primeiro ser humnano en viaxar ao espazo esterior. Comezaba a era espacial, e tamén unha década que traería grandes cambios. Cincuenta anos despois, Miguel Mendiguren, un home na fronteira dos sesenta anos, mentres vela os días derradeiros da súa nai nun cuarto de hospital, lembra a proeza do cosmonauta ruso. Daquela tiña dez anos e gañara un concurso escolar de redacción cun traballo sobre esa primeira vixe espacial. A raiz diso, os outros nenos pasan a chamarlle Gagarin, un sobrenombre que o acompañará durante toda a súa infancia e adolescencia. Mentres se apaga a vida da nai, Miguel lembra os seus anos mozos, na Coruña da década dos sesenta. Os seus rexentan unha imprenta e unha libraría de barrio, aparentan ser unha familia coma as outras. Mais esconden perigosos segredos que Miguel irá desvelando a medida que se abre á comprexidade da vida. Unha vida na España desa época, coa ditadura de Franco e a represión das liberdades máis básicas, coa amenaza permanente da Brigada Político Social, a policía segreta do Réxime. E tamén coa oposición clandestina, barreira imprecindible contra a barbarie. Naquel tempo de mocidade, Miguel tamén experimenta a revolución interior que supón namorarse. O arrebato da paixón e a dor da ausencia, nunha relación marcada polas diferenzas de clase. Emocionante historia de amore, engaiolante novela de formación e da memoria. 

Blog da Novela

Eskoria

Alfredo Gómez Cerdá
Madrid, 2006. Ed. SM. (Col. Gran Angular - Alerta Roja).

Falso Diario Blog do Autor

Diego non se sinte distinto dos seus compañeiros de instituto, aínda que non lle gusten as mesmas cousas que a eles. Por iso non entende que algúns non o deixen en paz e que comezara a recibir todo tipo de ameazas. A súa mente lúcida trata de comprender os motivos do acoso ao que o someten, pero é imposible. Sinte que lle están empurrando cara un pozo sen fondo.

Legado nos Ósos

Dolores Redondo

Xerais

Logo do rotundo éxito de "O gardián invisible", Dolores Redondo ofrécenos o segundo volume da súa triloxía ambientada no val do Baztán e protagonizada pola inspectora Amaia Salazar, da Policía Foral de Navarra.

O xuízo contra o padrasto da moza Johana Márquez está a piques de comezar. A el asiste unha embarazada Amaia Salazar, que un ano atrás resolvera os crimes do chamado "basajaun", que sementaron de terror o val do Baztán. Amaia tamén reunira as probas inculpatorias contra Jasón Medina, que imitando o modus operandi do "basajaun" asasinou, violou e mutilou a Johana, a filla adolescente da súa muller.

De súpeto, o xuíz anuncia que o xuízo debe cancelarse: o acusado acaba de suicidarse nos baños do xulgado. Ante a expectación e o enfado que a noticia provoca entre os asistentes, Amaia é reclamada pola policía; o acusado deixou unha nota suicida dirixida á inspectora, unha nota que contén unha inquietante mensaxe: "Tarttalo".

Cunha soa palabra destaparase unha trama sobrecolledora que envolve a inspectora até un trepidante e emotivo final.

Long John Silver

Xavier Dorison

Mathieu Lauffray

Norman Editorial

"Non volvemos a saber de Silver" escribía Robert Louis Stevenson. Pero, e se as aventuras do pirata con pata de pau máis famoso da literatura continuaran?

Baixo esta premisa, o espectacular tándem formado por Xavier Dorison e Matthieu Lauffray asina esta homenaxe á literatura de aventuras e ao xénero de piratas. Unha aventura que levará novamente a Silver a embarcarse xunto a novos personaxes, entre eles a atractiva e intrigante muller dun lord inglés, en busca do máis mítico dos tesouros... o lexendario Dourado.

Sangue, pelexas, vinganza e ron acompañarán ao lector nestes catro espectaculares tomos de Long John  Silver.

O Mundo Secreto de Basilius Hoffman: O Ladrón de Soños

Fernando Cimadevila

Iván Valladares

Urco Ediciones (2011)

O ladrón de soños é a primeira entrega dunha saga adicada a Basilius Hoffman, explorador, arqueólogo, membro da sociedade secreta de Avalon e moitas outras cousas máis que se irán descobrindo pouco a pouco. 

Basilius é o tío de Peter Hillman, auténtico protagonista deste conto, un rapaz de doce anos que vive e estuda nun internado e que deberá pasar as vacacións de nadal no vello casarón de seu tío.

O encontro entre tío e sobriño motivará un cambio decisivo na vida de Peter, que observa como o que semellaba un castigo supón o comezo dunha extraordinaria aventura. Basilius e Peter embarcaranse nunha viaxe fantástica na procura do Diario do Cartógrafo, nunha trama construída arredor da mitoloxía exipcia e do seu culto aos felinos. 

O gardián invisible

Dolores Redondo

Destino (2013)

Ainhoa Elizasu foi a segunda vítima do basajaun, aínda que entón a prensa non o chamaba así. Foi un pouco máis tarde cando transcendeu que arredor dos cadáveres aparecían pelos de animal, restos de pel e rastros dubidosamente humanos, unidos a unha especie de fúnebre cerimonia de purificación. Unha forza maligna, telúrica e ancestral parecía ter marcados os corpos de aquelas case nenas coa roupa esgazada, o lanuxe púbico rasurado e as mans dispostas nunha actitude virxinal.

Nas marxes do río Baztan, no val de Navarra, aparece o corpo espido dunha moza nunhas circunstancias que o poñen en relación cun asasinato acontecido nos arredores un mes atrás.

A inspectora da sección de homicidios da Policía Foral, Amaia Salazar, será a encargada de dirixir unha investigación que a levará de volta a Elizondo, unha pequena poboación de onde é orixinaria e da que tratou de fuxir toda a súa vida. Enfrontada coas cada vez máis complicadas derivacións do casos e coas súas propias pantasmas familiares, a investigación de Amaia é unha carreira contrarreloxo para dar cun asasino que pode amosar o rostro máis aterrador dunha realidade brutal ao tempo que convoca aos seres máis inquietantes das lendas do Norte.

Descargar o primeiro capítulo

Blacksad 1, 2, 3, 4 e 5

Juan Díaz Canales 

Juanjo Guarnido 

Norma Editorial 

Xénero policiaco con animais antropomórficos nun ambiente de serie negra que Juanjo Guarnido ilustra maxistralmente. 

Blacksad 1: Un lugar entre las sombras (2000)

Neste primeiro álbum, o detective privado John Blacksad investigará o asasinato de Natalia Wilford, unha actriz coa que mantivera unha relación sentimental no pasado. 

Blacksad 2: Artic - Nation (2003) 

A historia sitúase, nos momentos previos á caza de bruxas do Macarthismo, nun barrio degradado, no que dúas comunidades vense enfrontadas pola cor da pel dos seus habitantes. O secuestro dunha nena será o detonador e desatará os instintos máis primarios. Racismo, violencia, vinganza, intriga e misterio son algúns dos ingredientes deste novo thriller, un confuso quebracabezas que so Blacksad pode resolver. 

Blacksad 3: Alma roja (2005) 

Os tempos están mudando, as grandes potencias mundiales centran as súas investigacións na carreira nuclear e o medo ao comunismo é, nos EEUU, unha realidade cada vez máis patente. Blacksad, nesta ocasión reciclado a gardacostas, verase metido nunha intriga política de alcance internacional, cando se reencontra cun antigo profesor, agora toda unha eminencia no campo da enerxía atómica, e a súa axudante, a fermosa escritora Alma Maher. 

Blacksad 4: El infierno, el silencio (2010) 

Nova Orleans, a cuna do Jazz, disponse a celebra o seu Entroido. A cor e a música enchen as súas pintorescas rúas durante o Mardi Gras. Pero a calurosa cidade de Luisiana tamén ten un lado escuro. Inmerso nun sórdido ambiente de droga, vodú e baixas paixóns, o noso detective ten que atopar ao célebre pianista Sebastian "Littel Hand" Fletcher antes do amañecer. A noite vai ser larga para Blacksad...

Blacksad 5: Amarillo (2013)

John Blacksad está canso de tanta violencia e miseria ao seu arredor, así que decide tomarse un tempo antes de volver á casa. A sorte parece sorrirlle cando un descoñecido o contrata para levar o seu coche, un flamante Cadillac modelo Eldorado, dende Nova Orleáns ata Tulsa. Pero as rúas do sur son tan poeirento como imprevisibles e sen querelo, verase obrigado a atravesar os Estados Unidos de punta a punta para resolver un asasinato. Unha apaixónate aventura pola que desfilarán moteiros, avogados, escritores malditos e ata artistas de circo.

Cando Petan na Porta Pola Noite

Xabier Docampo
Xerais (2000)

Logo dunha reflexión inicial do autor sobre o gusto pola narración oral, que inclúe o recoñecemento a seu pai como gran contador de historias, reúnense catro historias de medo co desexo de que o lector sexa tamén dono do seu propio medo e as faga súas, para contalas tamén. a xeito de transmisor oral, continuando o fío da literatura oral tradicional.

O espello do viaxeiro

O Fornadas

A loba

O cumpremortes

Blog do autor

Guía de Lectura

Las Tres Bodas de Manolita

Almudena Grandes

Tusquets 2013

"Nos bos tempos as mozas casan por amor. Nos malos non sempre poden elixir"

"Las tres bodas de Manolita" é unha emotiva historia coral sobre os terribles anos de pobreza e desolación na inmediata posguerra.

Aborda a historia dun Madrid devastado, saído da Guerra Civil, na que sobrevivir convértese nun duro oficio cotiá. É a historia de Manolita, unha rapaza que, cando os seus pais son encarceados, ten que facerse cargo dos seus catro irmáns.

As historias céntranse na represión tras a guerra, na corrupción do sistema, no sinistro Patronato de Redención de Penas e na rede de apoio aos presos que se constituiu na resistencia interna contra o franquismo.

Son historias de ficción baseadas en feitos reais, como a de Roberto Conesa, o comisario Conesa mestre de torturadores, o máis célebre da dictadura, ou a de Isabel Perales, na que se basa a historia de Isabel, a irmá de Manolita.

Las tres bodas de Manolita:

• La mañanas de RNE
• Página 2
• Lectura breve

Corto Maltés

Hugo Pratt

Corto Maltés, un personaxe de culto dentro da novela gráfica europea, un viaxeiro, un navegante creado por Hugo Pratt en 1967.

Corto é un anti heroe que prefire a súa liberdade ao diñeiro. Un moderno Ulises que nos leva de viaxe por algúns dos lugares máis fascinantes do mundo.

Corto Maltés naceu en 1887, fillo dun marino británico e dunha xitana "La niña de Gibraltar". As súas aventuras comezan en "A balada do mar salgado" onde o Maltés e recollido da auga polo seu amigo Rasputín. Nesta aventura nos da unha pequena pista das súas orixes.

Canales y Pellejero resucitan a "Corto Maltés"

Corto Maltés, El futuro de la aventura

Corto Maltese.com

El Asesinato del Profesor de Matemáticas

Jordi Sierra i Fabra

Pablo Núñez (Ilustrador)

Anaya (2000)

Narra a historia de tres alumnos que cren odias as matemáticas e o seu profesor, para facerlles mudar de idea, anímaos a descobrir o seu asesinato resolvendo unhas probas que lles servirán de pistas para chegar ata o asasiño.

Guía didáctica

Presentación Clubs Lectura

Comeza o curso. Velaí tedes os membros dos nosos clubs de lectura!

1ºESO (Falta Héctor)

2º/4ºESO (Faltan Miriam e Noelia)

Pais e Nais (Faltan Meren, Pitusa e Mª Carmen)

Polos bos momentos de lecturas compartidas

Benvid@s!!

Os Clubs de Lectura do Segrel botan a andar!!

Así é. O vindeiro martes día 14 teremos a primeira sesión do club de lectura de 1ºESO e o martes 21 a de 2ºESO, así como a de pais e nais. 

Este curso, debido á grande demanda, temos apuntados 50 rapaces e rapazas dun total de 78 matriculados nestes dous cursos, decidiuse, para facilitar os encontros, que as reunións non fosen conxuntas polo que nos foi imposible ofertalo ao resto da ESO, dada imposibilidade de atendelos.

Canto o sentimos!

Os títulos elixidos este curso son:

Club de 1º ESO

•  Sierra i Fabra, Jordi “El asesinado del profesor de matemáticas” 
•  Docampo, Xabier “Cando petan na porta pola noite” 
•  Cimadevilla, Fernando “O ladrón de soños (O mundo secreto de Basilius Hoffman I)”
•  Castro, Carlos de “La casa de la linterna” 
•  Gleitzman, Morris “Una vez”   
•  Gómez Cerdá, Francisco “Eskoria” 
•  Gallego, Laura “Las hijas de Tara”   

Club 2º ESO

• Silei, F, Quarello M. “El autobús de Rosa”
• Pratt, Hugo “Corto Maltés” 
• Guarnido, J., Díaz Canales, J “Blacksad” 
• Dorison, X, Lauffray, M. “Long John Silver” 
• Tomás, Xosé “Nomades”
• Brami, E; Jeunet B. “Sálvate Elías “ 
• Innoccenti, R; Vander Zee, R. “A historia de Erika” 
• Roca, Paco “Arrugas” 
• Innoccenti, Roberto “Rosa Blanca“ 
• Satrapi, Marjane “Persépolis" 

       Club de Pais e Nais

• Feijoo, Pedro “A memoria da choiva”
• Grandes, Almudena "Las tres bodas de Manolita"
• Belli, Gioconda "El país de las mujeres"
• Camilleri, Andrea "El beso de la sirena"
• Fernández Paz, Agustín “A viaxe de Gagarin”
• Hosseini, Khaled "Y las montañas hablaron"
• Navarro, Julia "La Biblia de barro"
• Garrido, Vicente; Nieves Abarca "Crímenes exquisitos"
• See, Lisa "El abanico de seda" 
• Redondo, Dolores "O gardián invisible"

Unha noticia, que foi difundida esta mañá a través de Radiofusión Fene, a nosa radio local, cun titular ben fermoso "No IES de Fene a lectura é unha gozada"

Esperámosvos!!