domingo, 28 de xuño de 2020

Lecturas confinadas

O confinamento truncou a posibilidade de seguir reuníndonos para compartir libros, lecturas, risas,..., pero os membros dos clubs da rapazada e de nais e pais non abandonaron a súa paixon pola lectura. Neses momentos os libros foron o noso refuxio protector, o noso illamento voluntario. 

Para seguir compartindo libros pedímoslles que nos ensinaran e nos recomendaran as lecturas que lle axudaron a sobrelevar ese duro momento. 

Deixámosvos unha mostra na que seguro atoparedes un bo libro para disfrutar este verán. 

Facede click na imaxe para ver a publicación.

https://issuu.com/as.bego/docs/lecturas_no_confinamento

 Disfrutade das súas recomendacións!!

martes, 10 de marzo de 2020

Días sin ti


Seix Barral, 2019

Días sin ti é unha historia de complicidade a través do tempo, dunha avoa co seu neto. Dora, mestra en tempos da República, comparte con Gael a historia que a convertiu en que é. Con tenrura pero con crudeza, confesa a súas emocións ao seu neto, escultor, un xoven cunha sensibilidade especial, e lle brinda, sen que el o saiba, a chave para repoñerse das feridas causadas por un amor trucado.


martes, 3 de marzo de 2020

Largo pétalo de mar


Plaza&Janés, 2019

En plena guerra civil española, o xoven doutor Víctor Dalmau, xunto á súa amiga pianista Roser Bruguera, vense na obriga de abandonar Barcelona, exiliarse e cruzar os Pirineos cara a Francia. A bordo do Winnipeg, un navío fletado polo poeta Pablo Neruda que levou a máis de dous mil españois rumbo a Valparaíso, embarcarán en busca da paz e a liberdade que non tiveron no seu país. recibidos como heroes en Chile -"ese largo pétalo de mar y nieve", en palabras do poeta chileno-, integraranse na vida social do país durante varias décadas ata o golpe de estado que derrocou ao doutor Salvador Allende, amigo de Víctor pola súa común afección ao xadrez. Víctor e Roser atoparanse de novo desarraigados, pero como di a autora: "Si uno vive lo suficiente, los círculos se cierran".


martes, 25 de febreiro de 2020

La ladrona de libros

Markus Zusak

Lumen, 2007


En plena II Guerra Mundial a pequena Liesel atopará a súa salvación na lectura. Unha novela preciosa, humana e emocionante que narra as peripecias dunha nena alemá de nove anos dende que é dada en adopción pola súa nai ata o final da guerra. A súa nova familia, xente sinxela e nada afecta ao nazismo, ensínaa a ler e a través dos libros Rudy logra distraerse durante os bombardeos e combater a tristura. Pero é o libro que ela mesma está a escribir o que finalmente lle salvará a vida.

Trailer da película

martes, 18 de febreiro de 2020

El pintor de almas


Grijalbo. 2019

Barcelona, 1901. A cidade vive días de gran axitación social. A escura miseria dos máis desfavorecidos contrasta coa elegante opulencia das grandes avenidas, onde xa destacan algúns edificios singulares, símbolo da chegada do Modernismo.
Dalmau Sala, fillo dun anarquista axusticiado, é un xove pintor que vive atrapado entre dous mundos. Por unha banda, a súa familia e Emma, a muller que ama, son firmes defensores da loita obreira; homes e mulleres que non coñecen o medo á hora de esixir os dereitos dos traballadores. Por outra, o seu traballo no obradoiro de cerámica de don Manuel Bello, o seu mentor e un conservador burgués de férreas creencias católicas, achégao a un ambiente onde imperan a riqueza e a innovación creativa.
Deste xeito, seducido polas tentadoras ofertas dunha burguesía disposta a comprar a súa obra e conciencia, Dalmau terá que atopar o seu verdadeiro camiño, como home e como artista, y afastarse das noites de viño y drogas para descubrir o que de verdade lle importa: os seus valores, a súa esencia, o amor dunha muller valente e loitadora e, sobre todo, eses cadros que brotan do seu maxín e capturan nun lenzo as ánimas máis miserables que deambulan polas rúas dunha cidade axitada polo xermen da rebeldía.

mércores, 12 de febreiro de 2020

La lección de August

Palacio, R. J.

Nube de Tinta. 2012


A súa cara faino diferente e el so quere ser un máis. Camiña sempre mirando ao chan, a cabeza baixa e o flequillo tratando de esconder a súa faciana, pero, aínda así, é obxecto de miradas furtivas, susurros afogados e cobadazos de abraio. August sae pouco, a súa vida transcorre entre as acolledoras paredes da súa casa, a compaña da súa familia, a súa cadela Daisy e as incribles historias de A guerra das galaxias.

Este ano todo vai cambiar, porque este ano vai ir, por vez primeira, á escola. Alí aprenderá a lección máis importante da súa vida, a que non se ensina nas aulas nin nos libros de texto: crecer na adversidade, aceptarse tal e como é, sorrir nos días grises e saber que, ao final, sempre atopará unha man amiga.


Máis títulos da autora

Trailer da película


martes, 21 de xaneiro de 2020

Las ventajas de ser un marginado

Stephen Chbosky

Alfaguara, 2019


Charlie, ten 15 anos e queda so tralo suicidio do seu mellor amigo. Vive con seus pais, a súa popular e fermosa irmá e un irmán maior que é unha estrela do fútbol americano e que está a punto de comezar a universidade. O seu profesor de lingua está convencido de que Charlie posúe unha grande capacidade intelectual.
Despois de coñecer a Sam e Patrick comeza a comprender o que é ser un adolescente e comeza unha viaxe cara á madurez que o leva a percorrer camiños novos e inesperados. Con eles descubre nova música, empeza a beber, fumar e coquetear coas drogas, cambia de amigos...
Ata que se converte nun xoven de verdade!

martes, 14 de xaneiro de 2020

Héroes


Loguez Ediciones, 2017


"Os pequenos heroes de Camino del Río. Uns valentes nenos impiden un gran lume", podíase ler en grandes titulares no xornal local. Sen embargo a verdade é moi diferente. Félix, de once anos, e as súas amigas, Corina e Lía, non apagaron o lume. Todo o contrario, eles mesmos o provocaron coa sinxela  intención de vivir unha "aventura". Cando unha persoa da vila, un coñecido alcohólico, é denunciado como principal sospeitoso de ter provocado o incendio, os tres amigos atópanse nun conflito moral que condicionará tamén a relación entre eles.

martes, 17 de decembro de 2019

O último barco

Domingo Villar

Editorial Galaxia, 2019



A filla do doutor Andrade vive nunha casa pintada de azul, nun lugar onde as praias de ondas mansas contrastan co bulir da outra beira. Alí, as mariscadoras pescudan na area, os mariñeiros botan os aparellos á auga e os que van traballar á cidade agardan no peirao a chegada do barco que cruza cada media hora a ría de Vigo. Unha mañá de outono, mentres a costa galega se recupera dos estragos dun temporal, o inspector Caldas recibe a visita dun home alarmado pola ausencia da súa filla, que non se presentou a un xantar coa familia na fin de semana nin acudiu o luns a impartir a súa clase de cerámica na Escola de Artes e Oficios. E, aínda que nada pareza alterado na casa nin na vida de Mónica Andrade, Leo Caldas axiña ha comprobar que na vida, coma no mar, a máis apracible das superficies pode agochar un fondo escuro de correntes devastadoras.

Entrevista ao autor

domingo, 24 de novembro de 2019

Los asquerosos



Santiago Lorenzo 

Blackie Books, 2018


Manuel acoitela a un policía antidisturbios que quería pegarlle. Fuxe. Escóndese nunha aldea abandonada. Sobrevive de libros Austral, vexetais dos arredores, unha pequena compra no Lidl que lle envía o seu tío. E dáse conta de que canto menos ten menos necesita.
Un thriller estático, unha versión de Robinson Crusoe ambientada na Españe baleira, unha redefinición do concepto de "austeridade". Unha historia que nos fai plantexarnos se os únicos sans son os que saben que esta sociedade está enferma.
Santiago Lorenzo escribeu a súa novela máis rabiosamente política, lírica e fermosa.

martes, 19 de novembro de 2019

Eskoria

Alfredo Gómez Cerdá


Ed. SM. 2006

Diego non se sinte distinto dos seus compañeiros de instituto, aínda que non lle gusten as mesmas cousas que a eles. Por iso non entende que algúns non o deixen en paz e que comezara a recibir todo tipo de ameazas. A súa mente lúcida trata de comprender os motivos do acoso ao que o someten, pero é imposible. Sinte que lle están empurrando cara un pozo sen fondo.

Biografía do autor

martes, 12 de novembro de 2019

Billy Elliot

Melvin Burgess (Autor)

María Simavilla (Ilustradora)

SM (2002). Colección El Barco de Vapor 

A nai de Billy morreu e tanto seu pai coma seu irmán están inmersos nunha das folgas de mineiros máis importantes de todos os tempos. O pai de Billy leva ao seu fillo ao ximnasio para que aprenda boxeo, pero o rapaz quere ser bailarín, algo que non está ben visto no pobo. Conseguirá Billy vencer os prexuizos e acadar o seu soño?

Unha estupenda novela que mostra a superación das dificultades e o derrube dos estereotipos de xénero.

Guía didáctica profesor

Ficha de traballo para alumnos


Trailer da película                       

O musical          

martes, 11 de xuño de 2019

Despedida dos Clubs da Rapazada

Nesta ocasión, a despedida dos Clubs da Rapazada foi ben especial. Despois de 32 anos na docencia, 30 dos cales estiven á fronte da Biblioteca Escolar do Segrel, e 13 coordinando os clubs de lectura, este será o último no que eu estea ao seu fronte.

Despois de 13 anos, remata eiquí unha das nosas vivencias máis gratificantes. Son as marabillosas experiencias dos clubs de lectura, onde se crea un ambiente de risa, ás veces de confrontación de ideas, de pensamentos, de experiencias vitais que nos axudan a derrubar barreiras, prexuizos, a ver dende outros puntos de vista, dende outras miradas, que non fan senón axudarnos a seguir mellorando como profesionais e como persoas e, por suposto, un dos mellores xeitos de forzar estreitas relacións de moita complicidade. Máis non é un adeus, é un ata sempre a tod@s @s que ao londo destes anos formastes parte deste fantástico grupo, porque esta maravillosa experiencia lectora levareina sempre no meu corazón como unha das máis fermosas e gratificantes á fronte dunha biblioteca escolar.

Ata sempre!!😍💖



martes, 23 de abril de 2019

La Nieta del Señor Linh

Philippe Claudel

Salamandra (2006)


Nunha fría mañá de novembro, tras unha penosa viaxe en barco, un ancián desembarca nun país que podería ser Francia, onde non coñece a ninguén e cuxa lingua ignora. O señor Linh fuxe dunha guerra que acabou coa súa familia e esnaquizou a súa aldea. A guerra que lle roubou todo menos a súa neta, unha bebé chamada Sang Diu, que na súa lingua significa “Mañá doce”, unha nena tranquila que durme sempre que o seu avó lle tararea a súa nana, a melodía que teñen cantado durante xeracións as mulleres da súa familia. Instalado nun piso de acollida, o señor Linh preocúpase so pola súa neta, a súa única razón de existir ata que coñece ao señor Bark, un home robusto e afable cuxa muller morreu recentemente. Un afecto espontáneo xorde entre estes dous solitarios que falan distintas linguas, pero que son quen de comprenderse en silencio e a través de pequenos xestos. Ambos encóntranse regularmente nun banco do parque ata que, unha mañá, os servicios sociais conducen ao señor Linh a un hospicio que non está autorizado a abandonar. O señor Linh consegue, sen embargo, fuxir con Sang Diu e penetrarse na cidade descoñecida, decidido a atopar ao seu único amigo. A súa coraxe e determinación conducirano a un inesperado desenlace, profundamente conmovedor.


Entrevistas co Autor



martes, 9 de abril de 2019

Chamádeme Simbad

Francisco Castro 

Manel Cráneo (Ilustrador)

Galaxia (2009)


O avó fai cousas raras. Esquécese de todo. Cámbialle o nome a todo o mundo. Incluso ao seu neto. Que se chama Paulo, pero que para o avó é Simbad o Mariñeiro.

As cadeiras son barcos e os piratas rodéanos por todas partes. E hai filibusteiros inimigos alí onde mires. Os adultos, coa súa mirada de adultos, non poden entender nada. Pero Paulo sí que comprende o avó. Porque é un neno con mirada de neno. El é o único que o entende. El é o único que, cando as cousas se poñan feas, vai saber como actuar.
Paulo, ou Simbad o Mariñeiro, tanto ten, loitará contra a enfermidade do avó, contra dos adultos e, sobre todo, contra do egoísmo.

martes, 12 de marzo de 2019

Los Pacientes del Doctor García

Almudena Grandes

TusQuets (2017)


Tras a vitoria de Franco, o doutor Guillermo García Medina segue vivindo en Madrid baixo unha identidade falsa. A documentación que o liberou do paredón foi un agasallo do seu mellor amigo, Manuel Arroyo Benítez, un diplomático republicano ao que salvou a vida en 1937. Cre que nunca volverá a velo, pero en setembro de 1946, Manuel volve do exilio cunha misión secreta e perigosa. Pretende infiltrarse nunha organización clandestina, a rede de evasión de criminais de guerra e prófugos do Tercer Reich que dirixe dende o barrio de Argüelles unha muller xermana e española, nazi e falanxista, chamada Clara Stauffer. Mentres o doutor García deixase recrutar por el, o nome doutro español se cruza no destino dos dous amigos. Adrián Gallardo Ortega, que tivo o seu momento de gloria como boxeador profesional antes de alistarse na División Azul, para seguir loitando como voluntario das SS e participar na última defensa de Berlín, malvive en Alemaña, ignorando que alguén pretende suplantar a súa identidade para fuxir á Arxentina de Perón.  

Reseñas

El País

La Vanguardia

ABC