luns, 19 de decembro de 2016

Rúa Carbón


Xerais (2005)

Paula ten tres avoas, dúas en Donostia e a outra en Vigo. A piques de cumprir os dezasete anos, Maite, a súa nai, contaralle que Iñaki, o seu pai biolóxico, foi, coma ela mesma, militante de ETA político-militar e morreu, antes de que Paula nacese, cando colocaba un coche bomba. O desvelamento deste segredo e as vacacións que pasará en Euskadi na casa das avoas Edurne e Nekane provocarán na vida de Paula unha conmoción tremenda e un nó moi difícil de desanobelar na procura do descubrimento da imaxe do pai.

A Banda Sonora

luns, 12 de decembro de 2016

Desde la Sombra


Seix Barral (2016)

Damián séntese confuso dende que perdeu o seu traballo. Un día comete un pequeno furto nun mercado de anticuarios e agóchase no interior dun armario. Antes de que poida saír, o armario é vendido e trasladado á habitación de matrimonio de Lucía e Fede, onde Damián acaba instalado, coma se formara parte do moble.

Dende este agocho, Damián observa a esta familia. Deste xeito irase achegando ao corazón de Lucía, aos seus medos e os seus soños, e ao facelo saberase por fin respectado e comprobará de todo o que é quen de facer ao sentirse vivo.

Entrevista co autor

sábado, 10 de decembro de 2016

O Corazón de Xúpiter

Ledicia Costas

Xerais (2012)



Non foi doado para Isla mudar de cidade e empezar de cero nun novo instituto. Devecía por dar un paseo polo espazo, avistando planetas a través do telescopio, mergullada no ventre do universo. Casiopea, o nome da tartaruga máxica de Momo, era o nick que empregaba nos foros sobre astronomía nos que participaba adoito. Alí coñeceu a Xúpiter, alguén que semellaba saber moito de estrelas. As longas conversas até ben entrada a madrugada prenderan unha luz, entre os dous existía unha maxia que traspasaba as fronteiras do ciberespazo. Isla sentiu a necesidade de sabelo todo sobre Xúpiter; onde vivía, a que instituto ía, o seu nome real... Quedaron para se coñecer nunha noite de San Xoán de cacharelas e mar embravecido. Foi entón, despois de despedirse da súa amiga Mar, cando Isla se precipitou na escuridade. A súa vida estaba a piques de cambiar para sempre.

Premio Neira Vilas ao Libro Infantil e Xuvenil 2012


Video Amanda Todd

mércores, 7 de decembro de 2016

Coraline


Neil Gaiman

Salamandra (2009)



Ao día seguinte de mudarse de casa, Coraline explora as catorce portas do seu novo fogar. Trece pódense abrir con normalidade, pero a decimocuarta está pechada e tapiada. Cando ao fin consegur abrila, Coraline atopa un pasadizo segredo que a leva a outra casa, tan semellante á súa que resulta arrepiante. Sen embargo, hai certas diferenzas que chaman a súa tención: a comida é máis rica, os xoguetes son tan descoñecidos como marabillosos e, sobre todo, hai outra nai e outro pai que queren que Coraline quede con eles e se converta na súa filla e non mrche nunca.

Axiña Coraline dáse de conta de que, tras os espellos, hai outros nenos que caeron na trampa. Son como almas perdidas, e agora ela é a súa única esperanza de salvación. Pero para rescatalos terá tamén que recuperar aos seus verdadeiros pais, e cumprir así o desafío que lle permitirá volver á súa vida anterior.


- "Os gatos non temos nome.
- Non? - Dubidou Coraline.
- Non - Corroborou o gato. Vós, as persoa, tedes nomes porque non sabedes quen sodes. Nós sabemos quen somos, por iso non necesitamos nomes". 
-"Cando tes medo, pero aínda así o fas, iso é valentía"
- "Non quero ter todo o que desexo. Ninguén o quere, non é verdade. Onde estaría a gracia se tivese todo o que quero así como así? É iso e nada máis. E despois que?"

A película "Os mundos de Coraline" 

xoves, 1 de decembro de 2016

Club Lectura de Manga

Este curso organizamos un club de lectura específico de Manga. Todo un éxito!!.


(Clicade na imaxe para ir ao álbum)
Forman parte del alumnado de 3º e 4º ESO, e 1º Bacharelato. Un club dirixido totalmente polo alumnado, eles son os encargados de organizar actividades, recomendar lecturas... e estanno a facer fantásticamente ben. 

O pasado martes María Afonso, alumna de 4ºESO, unha grande aficionada, preparou unha presentación en Prezi para achegarnos ao Anime.

Graciñas María!!


E os fondos da nosa biblioteca xa teñen unha sección específica de Manga, comezamos ben, non si?

Vémonos en Xaneiro!!

xoves, 24 de novembro de 2016

Desaparecido

Kei Sanbe

Norma (2013-2016)

"Se puideras retroceder no tempo... que che gustaría cambiar?" 

Ano 2006. Satoru Fujinuma aspira a ser mangaka, pero non ten demasiada sorte porque, entre outras cousas, lle falta empatía e, para poder chegar a fin de mes, ten que traballar como repartidor de pizzas. O que non sabe ninquén é que posúe un don excepcional, pode detectar anomalías e retroceder no tempo, o que lle permite rectificar situacións e evitar accidentes. 

sábado, 19 de novembro de 2016

Orígenes

Amin Maalouf

Alianza (2004)



“Pertenzo a unha tribo que, dende sempre, vive como nómade nun deserto do tamaño do mundo. Os nosos países son oasis dos que fuximos cando se seca o manancial; as nosas casas son tendas vestidas de pedra; as nosas nacionalidades dependen de datas e de barcos. O único que nos vincula, por enriba das xeracións, por enriba dos mares, por enriba da Babel das linguas, é o murmurio dun apelido.» Precisamente ese vínculo é o que leva a Amin Maalouf, en Orixes, a volver os seus ollos cara as súas raíces familiares. Furga na súa memoria para resucitar o destino desta «tribo», os Maalouf, que dende o Líbano que lles viu nacer expandíronse polo mundo para alcanzar terras tan aparentemente afastadas da súa cultura como Cuba. Nesta aventura que cubre no tempo todo un século, Amin Maalouf convoca aos mortos e aos vivos, ás pantasmas dos seus antepasados e aos familiares que o rodean, para explorar as lendas que se tiveron alimentado entre os seus o que lle permite facer o retrato de toda unha época, coas convulsións que levaron ao desmoronamento do Imperio otomán, e forxarse unha idea clara de como eran, como pensaban e o que levou aos Maalouf á diáspora. Uns eran místicos, outros masóns; uns profesores, outros comerciantes, e todos, soñadores políglotas e cosmopolitas. 

xoves, 17 de novembro de 2016

Cartas de Inverno

Agustín Fernández Paz

Xerais (1995)



Despois dunha longa estadía en Québec, o escritos Xabier Louzao volve a Galicia e atopa as cartas que o seu amigo Adrián lle escribira na súa ausencia. Unhas cartas que, nunha espiral de enigmas, descobres os estraños sucesos que está a vivir Adrián na súa nova casa e que levan a Xabier a acurdir na súa axuda. Pero alí, na vella casa colonial, os dous amigos terán que enfrontarse a misterios que tal vez as persoas nin tan sequera somos quen de imaxinar. A narración está estruturada ó xeito das monecas rusas: unha voz (en terceira persoa) que dá paso a outra voz (en primeira) que a súa vez dá paso tamén a outra voz (tamén en primeira persoa). E cando esta acaba, unha recuperación escalonada e simétrica das voces anteriores. 

Cartas de inverno recibiu o Premio Rañolas, ó mellor libro infantil e xuvenil galego do ano 1995.


Cartas de Inverno de Antonio Seijas (BD)


Booktrailer

mércores, 9 de novembro de 2016

As Palabras Poden Matar

Marcos Calveiro

Xerais (2015)


Na colonia Seavia, situada nun dos outeiros da cidade de Santa Clara, morren cada ano máis de trinta mulleres, homes e nenos vítimas da violencia. Os seus habitantes están todos xordos, mudos e cegos, porque saben que as palabras poden matar. Todos agás o Chibo e os seus sicarios, que campan polo barrio como amos e señores de todos os que alí malviven. Rapaces como Efrén, Marcelo e Alexandre, que acoden ás aulas do mestre Abimael, mozas como Daiara que traballa de costureira nun pendello, mulleres como Maisa ou Dona Rosa, saben que o perigo axexa naquelas calellas labirínticas. Cando aparece Silencio, un guedellán que só fala coas mans e coa faciana, ninguén sabe que a súa presenza mudará a vida dun barrio sen soños nin esperanzas, onde ninguén cre nos milagres e cuxos habitantes non miraban adiante e tampouco querían mirar atrás.

venres, 17 de xuño de 2016

Propostas dos Clubs de Lectura da Rapazada do Segrel!!

No mes de xuño, as xuntanzas dos tres clubs da rapazada do Segrel estiveron cheas de propostas de lectura. Propostas feitas por todos e cada un dos membros dos clubs da ESO, e entre esas propostas temos moita e moi variada literatura como podedes comprobar...

                                                                                                                                             





 1ºESO






2º ESO







3ºESO






E destas xuntanzas e da Xornada dos Clubs de Lectura, celebrada o pasado venres día 10 en Santiago, saiu unha idea que pensamos poñer en práctica o vindeiro curso. No Segrel teremos o noso 1º Club de Manga. Esperámosvos!!

Grazas por outro curso, e con este xa van nove, cheo de lecturas compartidas!!

Sede Felices!!

venres, 10 de xuño de 2016

El Hombre Mojado no Teme la LLuvia


Debate (2010)

Dicía Lorca que “debaixo das multiplicacións hai unha gota de sangue”. Neste libro, Olga Rodríguez amósanos o sangue e a vida que flúen polas rúas de Oriente Medio e que rara vez conseguen asomar tras dos grandes titulares ou as estatísticas.

Cunha sinxeleza limpa de prexuízos e unha humanidade pouco habitual, a autora achéganos a esta conflitiva rexión a traveso dos seus habitantes, homes e mulleres aparentemente comúns cuxas vidas conforman sen querelo a Historia con maiúsculas. Ler este libro é coñecer a Yamila e Minal, que foron torturadas no Irak ocupado; achegarse aos Elhanan, unha familia xudía de Xerusalén  que perdeu á súa filla nun atentado suicida; escoitar a Ibrahim, que viu morrer aos seus amigos en execucións extraxudiciais israelís e viviu o encerro na igrexa da Natividade de Belén; entrar na tenda de campaña dun refuxiado afgán, exiliado no seu propio país; ou suar co esforzo de Ka-reem, un sindicalista pruriempregado exipcio que non renuncia a soñar mentres traballa todas as horas do reloxo.


Na mellor tradición do que unha vez foi o xornalismo, a posibilidade real de coñecer o mundo a traveso das súas xentes sendo testemuña directa do que se narra, este libro é imprescindible para entender unha rexión que se converteu xa no centro da disputa dos grandes conflitos deste novo século.

luns, 23 de maio de 2016

A Neve Interminable


Xerais (2015)

Un equipo de guionistas –tres mulleres e dous homes– recibe a encarga de escribir os guións dunha futura serie de televisión que se titulará As fronteiras do medo. Para concentrarse no traballo, acordan recluírse nun hostal solitario, nas terras da Fonsagrada. É inverno, no hostal só viven o matrimonio que o rexenta e mais outros tres hóspedes. Ao terceiro día, comeza a nevar. Unha tormenta que semella non rematar nunca, que interrompe as comunicacións e o fluído eléctrico, e que os deixa illados do mundo. Mentres traballan nas historias da serie irán descubrindo que naquel hostal ninguén é quen aparenta ser e que un medo irrefreable comeza a filtrarse nas súas vidas. A neve interminable é unha novela onde o misterio ocupa un lugar central. Nela explóranse os medos esenciais do ser humano e tamén aqueloutros orixinados pola desorde mundial deste século XXI. Un libro esencial na obra de Agustín Fernández Paz que vinte anos despois dialoga con Cartas de inverno.

venres, 20 de maio de 2016

La Ciudad de las Bestias


Debolsillo (2002)

“La ciudad de las Bestias” caracterízase pola súa aventura extrema e polo realismo máxico. Cando a súa nai enferma, Alexander Cold, aos quince anos de idade, é enviado a reunirse coa súa Valente e severa aboa, una periodista da revista International Geographic, nunha expedición ao perigoso e remoto mundo do Amazonas. A súa misión, xunto cos demais do seu equipo, incluíndo un célebre antropólogo, un guía local e a súa pequena filla Nadia; e un médico, é documentar ao lendario Yeti do Amazonas, coñecido como a Besta.


Baixo o denso follaxe das árbores selváticas, Alexandre sorpréndese ao descubrir moito máis  do que podería ter imaxinado acerca dos mundos agochados da selva tropical e sobre a natureza dos humanos. Utilizando a forza do xaguar, o animal totémico que Alexander atopa dentro de si mesmo, e a aguia, guía do espírito de Nadia, os dous mozos son guiados polo Pobo da Xente da Neblina, un grupo indíxena que posúe tanta harmonía co seu entorno, que poden, literalmente, desaparecer, a unha viaxe emocionante e inesquecible ao asombroso e vasto corazón do Amazonas.

sábado, 7 de maio de 2016

Kim

Rudyard Kipling

Ediciones Gaviota (2001)


Kim está considerada como a obra mestra de Kipling e una das grandes narracións de todos os tempos.

Conta a historia de Kimball O’Hara, a quen todos chaman Kim, orfo dun soldado do rexemento irlandés. A acción transcorre na India colonial británica,  onde o mozo Kim sobrevive mendigando polas rúas de Lahore. Están tan arraigado na cultura local que moi poucos saben que é de raza branca.
Kim coñece a un ancián lama tibetano que vai en busca do lendario “Río da Frecha”, un río místico que cambiará o curso da súa vida. O lama proponse atopalo e Kim decide acompáñalo e guialo. Convértese así nun discípulo e xuntos realizan a viaxe por una antiga e lendaria rúa chamada “O Gran Tronco”. Ao mesmo tempo, polo camiño vaise decatando de “O Gran Xogo”, un conflito político entre o Imperio Ruso e o Imperio Británico que agocha unha misión secreta.

De xeito casual recibe un encargo dun espía británico para levar unha mensaxe ao comandante da zona. Pouco a pouco convértese en alguén en quen confiar e é enviado a estudar a unha prestixiosa escola británica. A pesares de que se opón con todas as súas forzas, é obrigado a separarse do lama quen o convence de que é o mellor.

Pasa o tempo e Kim segue mantendo a comunicación co servizo segredo británico, pero tamén co lama polo que sente un gran afecto e respecto. Durante unhas vacacións é recrutado e entrenado como espía e parte da súa educación consiste nun exercicio de memoria visual chamado “O Xogo das Xoias”.

Despois de tres anos de adestramento, recibe a orde de comezar a operar no “Gran Xogo”, aínda que antes lle conceden un descanso que aproveita para verse de novo co lama. Xuntos parten nunha viaxe ao Himalaya en busca do “Río da Frecha”, punto culminante da aventura onde se mesturan o mundo do espionaxe coa espiritualidade e onde o lama dáse de conta de que está confundido e que tería que ter feita a súa busca polas llanuras e non nas montañas.

Ao final, Kim terá que resolver a encrucillada de seguir no “Gran Xogo” ou escoller o camiño espiritual do budismo tibetano.


Viaxe iniciática e novela de aventuras, Kim é unha obra edificante, unha novela que ten cegado a distintas xeracións dende a súa publicación en 1901.


luns, 11 de abril de 2016

Todo é Silencio


Xerais (2010)

Todo é silencio narra o irresistíbel ascenso social de Mariscal, un capo contrabandista, e das almas que habitan Noitía, o universo que domina ao seu antollo. En Noitía, na costa atlántica, houbo un tempo en que as redes do contrabando, reconvertidas ao narcotráfico, acadaron tanto poder que estiveron moi preto de controlar o poder social e as institucións. Todo é silencio narra tamén a vida dun grupo de amigos, aos que une dende a infancia o andar á crebas, á procura de restos de naufraxios, no escenario sempre sorprendente do mar de Galicia. Ese mar que fala cos signos que deita na beira. Dende moi pronto, o destino da xente nova estará determinado pola sombra odiosa e engaiolante a un tempo do omnipresente Mariscal. Unha novela, Todo é silencio, que relata como os círculos do crime rodean e corrompen, non sempre con éxito, o extraño feitizo da condición humana.

domingo, 10 de abril de 2016

Todo es Silencio


Guión: Manuel Rivas

Baseada na novela de Manuel Rivas (2010)

Anos 70. En Noitía, un pobo da costa atlántica galega, viven Fins e Brinco, dous adolescentes que manteñen una relación de amigable rivalidade en medio da que atopa Leda, una rapaza algo maior que eles. A rapaza elixe a Fins e o arrastra na busca dos tesouros que os naufraxios arroxan ás praias. A súa relación interrómpese bruscamente cando Fins se vai do pobo, tras a norte do seu pai mentres pescaba con dinamita. Cando vinte anos despois, Fins volve convertido en policía, comproba que todo ten cambiado en Noitía: o tradicional contrabando de tabaco foi substituído polo narcotráfico, que está baixo o control do cacique local, cuxo lugartenente é Brinco, que, ademais, tivo un fillo con Leda. Fins someterá á parella a unha vixilancia, na que se mesturan o cumprimento do deber cos vellos sentimentos.



Todo es silencio - Tráiler por keane43

sábado, 9 de abril de 2016

Al Sur de la Alameda

Larra, Lola

Reinamontes, Vicente (Ilustrador)

Ediciones Ekaré (2014)

Un pequeno colexio ao sur da Alameda, na cidade de Santiago de Chile, está en toma e dende entón todo mudou: as aulas, o patio e ata os mesmos alumnos, que parecen ser outros cando se ven enfrontados aos desafíos da mobilización estudantil.
Entre eles, está Nicolás, o mellor porteiro do equipo de fútbol, que se aburre nas longas asembleas e escribe no seu caderno un diario da toma.
Mentres no colexio está en ebulición, dende a casona veciña, alguén mira.
Unha novela ilustrada que se desenvolve en 2006, durante os vibrantes comezos da “revolución pingüina” e que ten recibido varios recoñecementos nacionais e internacionais.
En Maio de 2006 centos de estudantes secundarios chilenos saíron ás rúas a marchar e tamén ocuparon os seus colexios en sinal de protesta. Reclamaban contra a Lei de Ensino, contra a desigualdade e contra a educación concibida como un negocio e non un dereito. Chamouse a Revolucións dos Pingüinos.
No 2011, a revolución estudantil en Chile, encabezada polos universitarios e por unha serie de carismáticos líderes,saltou ás portadas da prensa mundial. Catro de aqueles dirixentes hoxe son os deputados máis novos do Congreso Nacional.

Esta historia ficticia, está inspirada libremente neses acontecementos.
Booktrailer - Al sur de la Alameda from Ediciones Ekaré Sur on Vimeo.

xoves, 7 de abril de 2016

Las Hijas de Tara

Laura Gallego

SM (2002)


O mundo natural de Mannawinard leva moito tempo enfrontado ao mundo tecnolóxico das dumas. Cinco humanos de diferentes orixes e un androide teñen a solución, pero antes deberán encontrarse e emprender xuntos una viaxe chea de perigos onde mercenarios, mutantes e robots destrutivos intentarán acabas coas súas vidas.


As fillas de Tara é una mestura entre fantasía e ciencia-ficción e se desenvolve nun mundo no que a manipulación xenética e o perfeccionamento das máquinas fan que moitos humanos se susciten a volva á natureza.


“Los viejos tenemos el conocimiento. Los adultos tienen la seguridad. Los niños tienen la ilusión. Pero sois los jóvenes los que tenéis el poder para cambiar el mundo, Keyko. NO lo olvides jamás”
Gaernon

sábado, 2 de abril de 2016

Os escarabellos voan á tardiña

María Gripe

SM (1989)


Tres rapaces aceptan o encargo de coidar, durante o verán, as flores dunha casa deshabitada. Fascinados polo misterio desta, explórana. No faiado atopan un paquete de cartas que foron escritas por Andreas e a súa irmá Magdalena no século XVIII, e ían dirixidas a Emilie. 

Falan das ideas de Andreas, das súas relacións amorosas con Emilie e do tráxico fin dos dous, debido ao maleficio dunha estatua funeraria que Andreas trouxera de Exipto e sobre a que pesaba unha maldición. 

Os xoves comezan xuntos unha pescuda na que recibirán pistas de orixe misterioso, veranse envoltos en aventuras insólitas e farán descubrimentos desconcertantes.


Guía de Lectura 1

Guía de Lectura 2




luns, 7 de marzo de 2016

Buda Explotó por Vergüenza

Dirección: Hana Makhmalbaf


Baixo a estatua de Buda que destruíron os talibanes aínda viven miles de familias. Baktay,unha nena afgana de seis anos, é incitada a ir á escola polo fillo dos seus veciños, que le os alfabetos fronte á súa cova. O problema inicial é que Baktay non ten caderno nin lápiz. Para o caderno debe buscarse a vida, como lápiz, decide levar o pintalabios da súa nai, o que provoca que uns nenos, que xogan a ser talibanes, decidan apedreala. Os nenos da aldea xogan á guerra con ramas que fan pasar por fusiles e cometas que representan cazas de combate. Pero non todo é de pega: neste xogo, as pedras son de verdade. Cando atrapan a Baktay, xa teñen a outras tres nenas encerradas nunha cova. Os motivos para retelas varían entre que opinan que unha nena non debería ir á escola ou que as pequenas teñen ollos demasiado bonitos. Reflicten a sociedade violenta na que viven os seus maiores.

venres, 4 de marzo de 2016

Las Viudas de los Jueves

Claudia Piñeiro

Alfaguara (2010)


Tras as paredes perimetrais, máis aló dos portóns reforzados por barreiras e franqueados por garitas de vixilancia, a tópase Altos da Cascada.

Fóra, a ruta, a barriada popular de Santa María dos Tigrecitos,a autopista, a cidade, o resto do mundo. En Altos da Cascada viven familias que levan un mesmo estilo de vida e que queren mantelo custe o que custe.

Alí, no country, un grupo de amigos xúntanse semanalmente lonxe das olladas dos seus fillos, as ´suas empregadas domésticas e as súas donas, que excluídas do encontro varonial, se autodenominan, chanceando, "as viúvas dos xoves".

Pero unha noite de rutina québrase e ese feito permite descobrir, nun país que se desmorona, o lado escuro dunha vida "perfecta"


A Banda Sonora


luns, 29 de febreiro de 2016

El rastro brillante del caracol


Destino (2014)

Sam ten 16 anos e Síndrome de Asperger, unha forma lixeira de autismo. É un crac dos ordenadores, pero ten poucos amigos e lle costa interactuar cos demais na vida cotiá. Un día coñece a Martina e o seu mundo cambia. Gústalle moito pero non sabe como achegarse a ela, e ao pouco tempo descobre que un acosador a está a poñer en grave perigo. Sam terá que esforzarse moito para superar as súas limitacións se quer axudala e desenmascarar ao culpable.

Banda Sonora


Entrevistas á autora


domingo, 14 de febreiro de 2016

Charlotte

David Foenkinos

Alfaguara (2015)


Charlotte Salomon, pintora xermana de orixe xudeu, deixa Berlín tras unha infancia marcada por unha traxedia familiar e unha relación amorosa que deixará nela unha pegada definitiva, e pon rumbo a Francia fuxindo dos nazis. No sur de Francia agárdanna os seus avós, que agochan un segredo que Charlotte non pode coñecer. Alí comeza a compoñer a súa fascinante autobiografía a través dunha obra única. Cando descobre que está en perigo confía os seus cadros ao seu médico a quen lle confesa: "é toda a miña vida". 

Charlotte morre aos vinteseis anos en Auschwitz, lonxe do seu grande amor.


Página 2

Banda Sonora




Escritores e Pintores dos que se fala na novela

Premios
Premio Renaudot 2014

Premio Goncourt 2014

Entrevistas ao autor
El País Cultura

ABC Cultural

Eldiario.es

Glamour

sábado, 30 de xaneiro de 2016

As lágrimas de Shiva

César Mallorquí

Paco Giménez  (Ilustrador)

Rodeira (2009)


En certa ocasión, hai xa moito tempo, vin unha pantasma. Si, un espectro, unha aparición, un espírito; podemos chamalo como queiramos, o caso é que eu o vin. Ocorreu o mesmo ano en que o home chegou á Lúa e, aínda que houbo momentos nos que pasei moito medo, esta historia non é unha novela de terror. 

Todo comezou co misterio dun obxecto moi valioso que estivo perdido durante sete décadas: As lágrimas de Shiva.

Banda Sonora


"Apolo XI la verdadera historia" Documental

Libros dos que se fala na novela...

mércores, 27 de xaneiro de 2016

Mi pie izquierdo

Director: Jim Sheridan

Guión: Shane Coonaughton e Jim Sheridan

Baseada na novela de Christy Brown (1932 - 1981).

Película baseada na autobiografía de Christy Brown, un artista multidisciplinar irlandés aqueixado de parálise cerebral, cuxa tenacidade botou por terra as barreiras que impedían a súa integración na sociedade converténdose nun consumado pintor e escritor. 

Esta película, basada en feitos reais, é un conmovedor exemplo de superación e loita por acadar as metas persoais. 

Un canto á vida premiado en numerosos festivais e gañador de dous premios Óscar, ao mellor actor a Daniel Day-Lewis e á mellor actriz secundaria a Brenda Fricker.


sábado, 16 de xaneiro de 2016

Y de repente fue ayer


Ed. Planeta (2009)

A historia de dous mozos, Óvalo e Efraín, que verán como un furacán xunta os seus destinos e os leva a transitar por Cuba, país que co tempo aprenderán a dominar usando diversos métodos. O carismático Óvalo o conseguirá mediante a revolución política. O desgarbado Efraín encargarase de levar a cabo a revolución, quizais, máis poderosa; a creación dun novo xénero, a telenovela. E aínda que Aurora non é a única muller que os une, a súa enigmática presenza marcará unha constante na vida dos dous homes. 


Entrevistas ao autor:

20 Minutos



venres, 15 de xaneiro de 2016

Tes ata as dez


Galaxia (2015)

Antonio non daba creto ao correo que viña de entrarlle no seu ordenador. Era de seu pai. O problema é que o seu pai leva morto un día. Así arranca esta tripidante historia de intriga e suspense na que Francisco Castro constrúe unha trama que contén, á súa vez, moitas historias distintas. A través de correos electrónicos, cartas e outra clase de pistas misteriosas e sorprendentes, o seu pai, morto, ou quen está a facerse pasar por el, vai obrigando a que o protagonista investigue un terrible asustno do pasado que quedou sen resolver. Libros misteriosos, vinganzas dende o Máis Alá, historias de amor que hai que manter ocultas... todo un mollo de asuntos nunha novela qu enos vai levar de viaxe pola historira rencente de España e Galicia, mais tamén por dentro do corazón dos namorados que o están de verdade. 


Entrevistas co autor




Axenda Cultural AELG

La Voz de Vigo

Cultural CRTVG


Banda Sonora

mércores, 13 de xaneiro de 2016

Corazón de Tinta

Cornelia Funke

Siruela (2008)


Quen son realmente Dedo Polvoriento, Capricornio ou Lingua de Bruxo saberao Meggie polas respostas que atope nun vello pobo das montañas de Liguria... e tamén nun libro. Cando Mo, o pai de Meggie, saúda a un estraño visitante que aparece na súa casa, a nena sente que aquela persoa emana un perigo, quizais unha grande ameaza contra o seu pai... e entón foxen ao sur, á casa da tía Elinor, propietaria dunha das máis fascinantes bibliotecas que calquera poida imaxinar. Meggie descubrirá que os forasteiros que misteriosamente aparecen e desaparecen, como aquel visitante nocturno, chaman ao seu pai Lingua de Bruxo, xa que teñen o don de dar vida aos personaxes dos libros cando le en voz alta. 

Esta novela de Cornelia Funke é maxia. É unha viaxe ao mundo dos libros, unha gran novela de aventuras e unha verdadeira declaración de amor aos grandes textos universais que cativan aos seus lectores. Así como unha loita feroz entre ficción e realidade, entro o ben e o mal.



sábado, 9 de xaneiro de 2016

La lección de August


R. J. Palacio

Nube de Tinta (2012)


A súa cara faino distinto máis el so quere ser un máis. Camiña sempre mirando cara ao chan, a cabeza gacha e a súa perrera tratando en van agochar o seu rostro, pero, aínda así, é obxecto de miradas furtivas, susurros afogados e codazos de asombro. August sae pouco, a súa vida transcorre entre as acolledoras paredes do seu fogar, entre a compaña da súa familia, a súa cadela Daisy e as incribles historias da Guerra das Galaxias.

Este ano todo vai cambiar, porque vai ir, por primeira vez, á escola. Ali aprenderá a lección máis importante da súa via, a que non se aprende nas aulas nin nos libros de texto; crecer na adversidade, aceptarse tal e como un é, a sorir aos días grises e saber que, ao final, sempre atopará unha man amiga.


Guía de Lectura

Páxina Oficial

A novela na prensa
The Guardian