Lecturas confinadas

O confinamento truncou a posibilidade de seguir reuníndonos para compartir libros, lecturas, risas,..., pero os membros dos clubs da rapazada e de nais e pais non abandonaron a súa paixon pola lectura. Neses momentos os libros foron o noso refuxio protector, o noso illamento voluntario. 

Para seguir compartindo libros pedímoslles que nos ensinaran e nos recomendaran as lecturas que lle axudaron a sobrelevar ese duro momento. 

Deixámosvos unha mostra na que seguro atoparedes un bo libro para disfrutar este verán. 

Facede click na imaxe para ver a publicación.

 Disfrutade das súas recomendacións!!

Días sin ti

Elvira Sastre

Seix Barral, 2019

Días sin ti é unha historia de complicidade a través do tempo, dunha avoa co seu neto. Dora, mestra en tempos da República, comparte con Gael a historia que a convertiu en que é. Con tenrura pero con crudeza, confesa a súas emocións ao seu neto, escultor, un xoven cunha sensibilidade especial, e lle brinda, sen que el o saiba, a chave para repoñerse das feridas causadas por un amor trucado.

Recital e entrevista. Elvira Sastre

Largo pétalo de mar

Isabel Allende

Plaza&Janés, 2019

En plena guerra civil española, o xoven doutor Víctor Dalmau, xunto á súa amiga pianista Roser Bruguera, vense na obriga de abandonar Barcelona, exiliarse e cruzar os Pirineos cara a Francia. A bordo do Winnipeg, un navío fletado polo poeta Pablo Neruda que levou a máis de dous mil españois rumbo a Valparaíso, embarcarán en busca da paz e a liberdade que non tiveron no seu país. recibidos como heroes en Chile -"ese largo pétalo de mar y nieve", en palabras do poeta chileno-, integraranse na vida social do país durante varias décadas ata o golpe de estado que derrocou ao doutor Salvador Allende, amigo de Víctor pola súa común afección ao xadrez. Víctor e Roser atoparanse de novo desarraigados, pero como di a autora: "Si uno vive lo suficiente, los círculos se cierran".

Booktrailer

Conversacións coa autora

El pintor de almas

Ildefonso Falcones

Grijalbo. 2019

Barcelona, 1901. A cidade vive días de gran axitación social. A escura miseria dos máis desfavorecidos contrasta coa elegante opulencia das grandes avenidas, onde xa destacan algúns edificios singulares, símbolo da chegada do Modernismo.

Dalmau Sala, fillo dun anarquista axusticiado, é un xove pintor que vive atrapado entre dous mundos. Por unha banda, a súa familia e Emma, a muller que ama, son firmes defensores da loita obreira; homes e mulleres que non coñecen o medo á hora de esixir os dereitos dos traballadores. Por outra, o seu traballo no obradoiro de cerámica de don Manuel Bello, o seu mentor e un conservador burgués de férreas creencias católicas, achégao a un ambiente onde imperan a riqueza e a innovación creativa.

Deste xeito, seducido polas tentadoras ofertas dunha burguesía disposta a comprar a súa obra e conciencia, Dalmau terá que atopar o seu verdadeiro camiño, como home e como artista, y afastarse das noites de viño y drogas para descubrir o que de verdade lle importa: os seus valores, a súa esencia, o amor dunha muller valente e loitadora e, sobre todo, eses cadros que brotan do seu maxín e capturan nun lenzo as ánimas máis miserables que deambulan polas rúas dunha cidade axitada polo xermen da rebeldía.

Escoita esta pasaxe da obra

O último barco

Domingo Villar

Editorial Galaxia, 2019

A filla do doutor Andrade vive nunha casa pintada de azul, nun lugar onde as praias de ondas mansas contrastan co bulir da outra beira. Alí, as mariscadoras pescudan na area, os mariñeiros botan os aparellos á auga e os que van traballar á cidade agardan no peirao a chegada do barco que cruza cada media hora a ría de Vigo. Unha mañá de outono, mentres a costa galega se recupera dos estragos dun temporal, o inspector Caldas recibe a visita dun home alarmado pola ausencia da súa filla, que non se presentou a un xantar coa familia na fin de semana nin acudiu o luns a impartir a súa clase de cerámica na Escola de Artes e Oficios. E, aínda que nada pareza alterado na casa nin na vida de Mónica Andrade, Leo Caldas axiña ha comprobar que na vida, coma no mar, a máis apracible das superficies pode agochar un fondo escuro de correntes devastadoras.

Entrevista ao autor

Los asquerosos

Santiago Lorenzo 

Blackie Books, 2018

Manuel acoitela a un policía antidisturbios que quería pegarlle. Fuxe. Escóndese nunha aldea abandonada. Sobrevive de libros Austral, vexetais dos arredores, unha pequena compra no Lidl que lle envía o seu tío. E dáse conta de que canto menos ten menos necesita.

Un thriller estático, unha versión de Robinson Crusoe ambientada na Españe baleira, unha redefinición do concepto de "austeridade". Unha historia que nos fai plantexarnos se os únicos sans son os que saben que esta sociedade está enferma.

Santiago Lorenzo escribeu a súa novela máis rabiosamente política, lírica e fermosa.

Accede á entrevista co autor

Despedida dos Clubs da Rapazada

Nesta ocasión, a despedida dos Clubs da Rapazada foi ben especial. Despois de 32 anos na docencia, 30 dos cales estiven á fronte da Biblioteca Escolar do Segrel, e 13 coordinando os clubs de lectura, este será o último no que eu estea ao seu fronte.

Despois de 13 anos, remata eiquí unha das nosas vivencias máis gratificantes. Son as marabillosas experiencias dos clubs de lectura, onde se crea un ambiente de risa, ás veces de confrontación de ideas, de pensamentos, de experiencias vitais que nos axudan a derrubar barreiras, prexuizos, a ver dende outros puntos de vista, dende outras miradas, que non fan senón axudarnos a seguir mellorando como profesionais e como persoas e, por suposto, un dos mellores xeitos de forzar estreitas relacións de moita complicidade. Máis non é un adeus, é un ata sempre a tod@s @s que ao londo destes anos formastes parte deste fantástico grupo, porque esta maravillosa experiencia lectora levareina sempre no meu corazón como unha das máis fermosas e gratificantes á fronte dunha biblioteca escolar.

Ata sempre!!😍💖

La Nieta del Señor Linh

Philippe Claudel

Salamandra (2006)

Nunha fría mañá de novembro, tras unha penosa viaxe en barco, un ancián desembarca nun país que podería ser Francia, onde non coñece a ninguén e cuxa lingua ignora. O señor Linh fuxe dunha guerra que acabou coa súa familia e esnaquizou a súa aldea. A guerra que lle roubou todo menos a súa neta, unha bebé chamada Sang Diu, que na súa lingua significa “Mañá doce”, unha nena tranquila que durme sempre que o seu avó lle tararea a súa nana, a melodía que teñen cantado durante xeracións as mulleres da súa familia. Instalado nun piso de acollida, o señor Linh preocúpase so pola súa neta, a súa única razón de existir ata que coñece ao señor Bark, un home robusto e afable cuxa muller morreu recentemente. Un afecto espontáneo xorde entre estes dous solitarios que falan distintas linguas, pero que son quen de comprenderse en silencio e a través de pequenos xestos. Ambos encóntranse regularmente nun banco do parque ata que, unha mañá, os servicios sociais conducen ao señor Linh a un hospicio que non está autorizado a abandonar. O señor Linh consegue, sen embargo, fuxir con Sang Diu e penetrarse na cidade descoñecida, decidido a atopar ao seu único amigo. A súa coraxe e determinación conducirano a un inesperado desenlace, profundamente conmovedor.

Obra de Teatro

Entrevistas co Autor

El País

ABC

El Cultural

Los Pacientes del Doctor García

Almudena Grandes

TusQuets (2017)

Tras a vitoria de Franco, o doutor Guillermo García Medina segue vivindo en Madrid baixo unha identidade falsa. A documentación que o liberou do paredón foi un agasallo do seu mellor amigo, Manuel Arroyo Benítez, un diplomático republicano ao que salvou a vida en 1937. Cre que nunca volverá a velo, pero en setembro de 1946, Manuel volve do exilio cunha misión secreta e perigosa. Pretende infiltrarse nunha organización clandestina, a rede de evasión de criminais de guerra e prófugos do Tercer Reich que dirixe dende o barrio de Argüelles unha muller xermana e española, nazi e falanxista, chamada Clara Stauffer. Mentres o doutor García deixase recrutar por el, o nome doutro español se cruza no destino dos dous amigos. Adrián Gallardo Ortega, que tivo o seu momento de gloria como boxeador profesional antes de alistarse na División Azul, para seguir loitando como voluntario das SS e participar na última defensa de Berlín, malvive en Alemaña, ignorando que alguén pretende suplantar a súa identidade para fuxir á Arxentina de Perón.  

Reseñas

El País

La Vanguardia

ABC
 

Contra Todo Isto

Manuel Rivas

Xerais (2018)

Vivimos un tempo de retroceso, de aumento das desigualdades, de subtracción das liberdades; un réxime mundial de pensamento groseiro, de rearmamento bélico e abaratamento humano, de desfeita ecolóxica, da fin do mito da «globalización feliz». Vivimos nun Estado de Vergoña. Este libro está escrito contra Todo Isto. Todo Isto é descivilización. Todo Isto é produción de medo para achicar a liberdade. E a produción de odio contra o diferente. Todo Isto é subtracción do benestar e dos dereitos democráticos. Todo Isto é a multiplicación de muros e fendas de desigualdades. Todo Isto é o machismo como sistema. Todo Isto é a guerra contra a natureza. Todo Isto é domesticación intelectual. Todo Isto é corrupción sistémica, paraísos fiscais, unha mestura de economía gris e criminal. Todo Isto é desmemoria, ou peor aínda, contramemoria. Este é un libro que non invita á fuxida, senón a correr cos brazos abertos cara ao mundo, cando o sentimento de vergoña abre paso a unha saudade rebelde, a unha loita para arrincar a esperanza dos brazos do conformismo. Este é un libro do sentir e do pensar, unha literatura na beira, que quere pór a liberdade no corpo da linguaxe.

Artigos do autor en "El País" 

CRTVG

Las Hijas del Capitán

María Dueñas

Planeta (2018)

Nova York, 1936. A pequena casa de comidas “El capitán” arranca a súa andaina na rúa catorce, un dos enclaves da colonia española que daquela residía na cidade. A morte accidental do seu dono, Emilio Arena, obriga ás súas fillas mozas a asumir as rendas do negocio mentres nos tribunais se resolve o cobro dunha prometedora indemnización. Abatidas, acosadas pola urxente necesidade de sobrevivir, as temperamentais Victoria, Mona e Luz Arenas abriranse paso entre os rañaceos, compatriotas, adversidades e amores, decididas a converter o seu soño en realidade.

Un tributo ás mulleres que resisten cando os ventos sopran en contra, e unha homenaxe a todos aqueles valentes que viviron a aventura a miúdo épica e case sempre incerta da emigración.

Páxina da novela

Primeiras Páxinas

Banda Sonora