Lecturas confinadas

O confinamento truncou a posibilidade de seguir reuníndonos para compartir libros, lecturas, risas,..., pero os membros dos clubs da rapazada e de nais e pais non abandonaron a súa paixon pola lectura. Neses momentos os libros foron o noso refuxio protector, o noso illamento voluntario. 

Para seguir compartindo libros pedímoslles que nos ensinaran e nos recomendaran as lecturas que lle axudaron a sobrelevar ese duro momento. 

Deixámosvos unha mostra na que seguro atoparedes un bo libro para disfrutar este verán. 

Facede click na imaxe para ver a publicación.

 Disfrutade das súas recomendacións!!

Despedida dos Clubs da Rapazada

Nesta ocasión, a despedida dos Clubs da Rapazada foi ben especial. Despois de 32 anos na docencia, 30 dos cales estiven á fronte da Biblioteca Escolar do Segrel, e 13 coordinando os clubs de lectura, este será o último no que eu estea ao seu fronte.

Despois de 13 anos, remata eiquí unha das nosas vivencias máis gratificantes. Son as marabillosas experiencias dos clubs de lectura, onde se crea un ambiente de risa, ás veces de confrontación de ideas, de pensamentos, de experiencias vitais que nos axudan a derrubar barreiras, prexuizos, a ver dende outros puntos de vista, dende outras miradas, que non fan senón axudarnos a seguir mellorando como profesionais e como persoas e, por suposto, un dos mellores xeitos de forzar estreitas relacións de moita complicidade. Máis non é un adeus, é un ata sempre a tod@s @s que ao londo destes anos formastes parte deste fantástico grupo, porque esta maravillosa experiencia lectora levareina sempre no meu corazón como unha das máis fermosas e gratificantes á fronte dunha biblioteca escolar.

Ata sempre!!😍💖

Xa estamos de volta!

Velaquí os tedes, os tres clubs de lectura da rapazada do Segrel. Este curso somos 52. Non está nada mal non si?

1ºESO

2ºESO 

3ºESO

E 18 pais e nais. 70 membros nos 4 clubs de lectura do Segrel. Fantástico comezo. 

Por un curso cheo de femosos momentos de lecturas compartidas!

Enquisa Club de Pais, Nais e Amigas do Segrel

Enquisa Club de Lectura da Rapazada do Segrel

Presentación Clubs Lectura

Comeza o curso. Velaí tedes os membros dos nosos clubs de lectura!

1ºESO (Falta Héctor)

2º/4ºESO (Faltan Miriam e Noelia)

Pais e Nais (Faltan Meren, Pitusa e Mª Carmen)

Polos bos momentos de lecturas compartidas

Benvid@s!!

Os Clubs de Lectura do Segrel botan a andar!!

Así é. O vindeiro martes día 14 teremos a primeira sesión do club de lectura de 1ºESO e o martes 21 a de 2ºESO, así como a de pais e nais. 

Este curso, debido á grande demanda, temos apuntados 50 rapaces e rapazas dun total de 78 matriculados nestes dous cursos, decidiuse, para facilitar os encontros, que as reunións non fosen conxuntas polo que nos foi imposible ofertalo ao resto da ESO, dada imposibilidade de atendelos.

Canto o sentimos!

Os títulos elixidos este curso son:

Club de 1º ESO

•  Sierra i Fabra, Jordi “El asesinado del profesor de matemáticas” 
•  Docampo, Xabier “Cando petan na porta pola noite” 
•  Cimadevilla, Fernando “O ladrón de soños (O mundo secreto de Basilius Hoffman I)”
•  Castro, Carlos de “La casa de la linterna” 
•  Gleitzman, Morris “Una vez”   
•  Gómez Cerdá, Francisco “Eskoria” 
•  Gallego, Laura “Las hijas de Tara”   

Club 2º ESO

• Silei, F, Quarello M. “El autobús de Rosa”
• Pratt, Hugo “Corto Maltés” 
• Guarnido, J., Díaz Canales, J “Blacksad” 
• Dorison, X, Lauffray, M. “Long John Silver” 
• Tomás, Xosé “Nomades”
• Brami, E; Jeunet B. “Sálvate Elías “ 
• Innoccenti, R; Vander Zee, R. “A historia de Erika” 
• Roca, Paco “Arrugas” 
• Innoccenti, Roberto “Rosa Blanca“ 
• Satrapi, Marjane “Persépolis" 

       Club de Pais e Nais

• Feijoo, Pedro “A memoria da choiva”
• Grandes, Almudena "Las tres bodas de Manolita"
• Belli, Gioconda "El país de las mujeres"
• Camilleri, Andrea "El beso de la sirena"
• Fernández Paz, Agustín “A viaxe de Gagarin”
• Hosseini, Khaled "Y las montañas hablaron"
• Navarro, Julia "La Biblia de barro"
• Garrido, Vicente; Nieves Abarca "Crímenes exquisitos"
• See, Lisa "El abanico de seda" 
• Redondo, Dolores "O gardián invisible"

Unha noticia, que foi difundida esta mañá a través de Radiofusión Fene, a nosa radio local, cun titular ben fermoso "No IES de Fene a lectura é unha gozada"

Esperámosvos!!

Despedida Clubs de Lectura O Segrel

O pasado martes, 17 de xuño, celebramos a despedida dos clubs de lectura da rapazada. Unha comida ao ar libre, nun fermoso día máis de verán que de primaveira, e logo risas e música, o que nos permitiu descubrir a unha prometedora pianista, Uxía, de 1º de ESO. Un verdadeiro placer escoitala!!

O venres 20, foi a despedida do club de pais e nais. Unha comida, xa tradicional, na que non faltou un pequeno agasallo para cada un deles un Marcapáxinas e unha Bolsa da Biblioteca "O Segrel do Penedo" onde levar os xa tradicionais "deberes de verán"

Cada un dos membros do club levou dous ou tres libros que a primeira semana de setembro, en O Segrel, e arredor dun bo café, intercambiaremos, co fin de que cando chegue a primeira xuntanza, no mes de outubro, todos teñamos lidos, polo menos, tres ou catro títulos do programados para o vindeiro curso. Un xeito de seguir, aínda que na distancia, compartindo lecturas no verán que poñeremos en común no inverno.

A comida rematou cun fermoso agasallo que nunca deixará de sorprenderme e emocionarme. Nesta ocasión foi un marabilloso libro de poemas "Remontar o río" asinado pola súa autora, Helena Villar Janeiro. a quen admiramos fondamente. Todo un luxo!

A pena foi que en ningunha das dúas celebracións estiveron todos os membros do club, o vindeiro curso haberá que elixir mellor a data...

Velaí tedes as fotos de recordo das dúas xornadas festivas.

Enquisa Club Lectura Rapazada

"Cine Palomitas" La Caja de Música

Director: Costa Gavras

Música: Philippe Sarde

Despois da lectura da fantástica novela de Clara Usón "La hija del Este", decidimos rematar o curso coa película "La caja de música" do gran Costa Gavras. 

A historia de Ann unha avogada que no transcurso dun controvertido xuizo, irá descubrindo a verdadeira personalidade do seu pai, moi similar á historia de Ana, a filla do xeneral Ratko Mladic, na que se basa a novela de Clara Usón. 

Se queredes ler a crónica da xuntanza...

Comida Despedida Club de Lectura

Hoxe, venres día 15 de xuño, os membros do Club de lectura de pais, nais e profesorado, celebramos, como xa ven sendo habitual dende o primeiro curso que se organizou o Club, hai xa seis anos, a comida de despedida de curso.

Faltaron, e vaia que se os botamos en falta, Isabel, Meren, Mari Carmen, Rosa, Chelo, Marga, Inma e David, pero non por iso quedarán sen o seu agasallo... a súa bolsa estará lista a vindeira semana.

Foi unha comida ben agradable, á que se uniron algúns dos membros do equipo da biblioteca, e, como xa é costume, co café chegaron os xa tradicionais "deberes" para o verán. Unha bolsa e un bolígrafo do Segrel, unha libreta, un marcalibros, un CD de música folk, jazz, blues...(a novidade deste ano) e tres libros dos xa seleccionados para o vindeiro curso, que como este nos centramos en algúns dos clásicos da literatura galega que ninguén debería perderse, nesta ocasión casi todos son en castelán. 

Os libros elixidos son:

Allende, Isabel “La suma de los días”

Caamaño, Begoña “Morgana en Esmelle”

Caso, Ángeles “Contra el viento”

Fdez. Paz, Agustín “As fronteiras do medo”

Gabas, Luz “Palmeras en la nieve”

Grandes, Almudena “El lector de Julio Verne”

Grandes, Almudena “Ines y la alegría”

Hosseini, Khaled "Mil soles espléndidos"

Moreno, Eloy: “El bolígrafo de gel verde”

Pitcher, Annabel “Mi hermana vive sobre la repisa de lachimenea”

Shaffer, Mary Ann “La sociedad literaria y el pastel de piel de patata”

Strout, Elisabeth “Olive Kitteridge”

Zusak, Markus “Cartascruzadas”

E despois de feito o reparto, no que todos quedaron encantados cos títulos que lles incluímos nas súas bolsas, fixéronme entrega dun agasallo que nunca deixará de emocionarme. Un fermosísimo ramo de flores e unha marabillosa libreta que xa está a formar parte da miña colección particular. É que algunhas son tan fermosas que non son quen de estrenalas... bueno, neste caso a estrenaron cos seus agarimosos comentarios.

Graciñas a tod@s por seguir un ano máis compartindo lecturas e risas no Segrel. Ata a volta!!

Enquisa Club de pais, nais e profes

Rosa Aneiros ou O Eloxio dos Clubs de Lectura

"Escoitaron vostedes falar algunha vez dos Morcegos de Canido? Dos Pantasmas de papel de Neda? Do Sansaliber de San Sadurniño? Do Segrel de Fene? Dos siareiros de Sofía ou de Saturnino Hermida? Saben vostedes de que lles falo? Fálolles da gran revolución silenciosa que está a sacudir dende hai uns anos as bibliotecas públicas de Galicia, tanto as dos centros de ensino como aquelas municipais. Falo dos clubs de lectura. Quen se interesa polos libros, dirán? Se á xente nova non lles gusta ler, pertencen á xeración nin-nin que nin estudan nin traballan nin unha cousa nin todo o contrario, esa xuventude tan formada e tan analfabeta para os libros... Trabúcanse. Nunca tanto se leu coma hoxe en día. Nunca houbo adolescentes con tanto acceso nin tanta implicación coa lectura. Actualmente están funcionando douscentos clubs de lectura en centros de secundaria en Galicia. Estes clubs acollen tanto a alumnado como a pais e nais que participan do coloquio, que comparten a extraordinaria experiencia lectora. Ademais destes douscentos centros están aqueles vinculados a bibliotecas municipais, tamén as que nacen ao abeiro dos centros de primaria. Só nos institutos hai en Galicia máis de cinco mil persoas que semana a semana partillan libros. Cinco mil. Pais, nais, alumnado que se enredan, que aman e odian, que medran, que coñecen a partir das páxinas dos libros. Non se conforman. Sempre queren máis..."

Este é un estracto do pregón co que Rosa Aneiros inaugurou a Feira do Libro de Ferrol o pasado mes de Abril.

E que mellor xeito de comezar a nosa andaina lectora que lembrando as palabras desta extraordinaria escritora con quen tivemos a fortuna de celebrar un dos fins de festa dos Clubs do Segrel

Non deixedes de disfrutar coa lectura deste marabilloso pregón!!

Despedida do Club de lectura

No club dos adultos a elección das obras foi todo un éxito, todas, coa excepción de “Settecento”, onde nos atopamos cun grupiño ao que lles custou rematar a novela, pola riqueza do seu vocabulario, e “Mantis” polo diferente do seu plantexamento, o resto, dende Muriel Barbery, ata Domingo Villar, en castelán ou galego, de temáticas e estilos moi diferentes -novela negra, outras culturas, outras épocas, as relacións interpersoais, a nosa guerra “in-civil", a emigración...– todas as lecturas deron lugar a unhas reunións onde o debate, as anécdotas, as experiencias persoais... fixeron posible que entre todos e todas nós xurdira unha confianza e unha complicidade tal que o ambiente que se respirou en todas as xuntanzas foi sempre moi distendido e agradable, de verdadeira amizade. E este bo ambiente o que pide é un remate de curso cunha boa celebración. A comida de Fin de Curso á que non puideron asistir, e botamos ben en falta, Mª Carmen, Suso, David, Cristina, Rosi, Isabel e Inma.

Despedida na que non faltou un pequeno agasallo para cada un deles; un bolsa da Biblioteca “O Segrel do Penedo", Caderno de notas do Club de Lectura, un bolígrafo “O Segrel do Penedo” e un Marcapáxinas. E, como xa é tradicional, os “deberes” para o vindeiro curso. Que non queremos que este verán abandonen unha das súas paixóns...

Os títulos elixidos son, na súa maioría, algún dos nosos clásicos que ninguén debería perderse:
· Neira Vilas, Xosé: Memorias dun neno labrego
· Dieste, Rafael : Dos arquivos do trasno
· Martín, Paco : Das cousas de Ramón Lamote
· Rosnay, Tatiana de : La llave de Sarah
· Roger, Marie Sabine : Tardes con Margueritte
· García Márquez, Gabriel: Cien años de soledad
· Méndez Ferrín, Xosé Luis: Arraianos
· Blanco Amor, Eduardo: A esmorga
· Cunqueiro, Álvaro: Merlín e familia
· Rivas, Manuel : Todo é Silencio
· Navarro, Julia : Dime quien soy
· Castelao: Cousas
· Casares, Carlos : Ilustrísima

Cada un dos membros do club levou tres títulos que o 27 de xullo, ás 12 da mañá, en O Segrel, e arredor dun bo café, intercambiaremos, co fin de que cando chegue o primeiro trimestre do curso todos teñamos lidos tres ou catro deses títulos. Un xeito de seguir, aínda que na distancia, compartindo lecturas no verán que poñeremos en común no inverno.
A comida rematou cun fermoso agasallo, que nunca deixa de emocionarnos. Nesta ocasión foi un precioso ramo de flores e un marabilloso caderno de notas que xa estrearon cunhas fermosísimas e agarimosas dedicatorias.

Graciñas por permitirme seguir aprendendo e compartindo unha das miñas paixóns con todas e todos vós. Ata o 27 !!

Encontro con Carlos de Castro e Marina Castro

Hoxe celebramos, como ven sendo habitual, unha reunión conxunta dos clubs de lectura. É o noso xeito de despedir o curso, e que mellor que celebrando un Encontro cun escritor, neste caso o noso invitado foi Carlos de Castro, autor de "La casa de la linterna", pero como o tema non era para menos, a presenza de Carlos veu acompañada de Marina Dolores Castro, que non dubidou en achegarse ao Segrel para contarnos as súas experiencias, as vivencias dunha nena de sete años convivindo cun fuxido.

O Encontro comezou coa presentación de Carlos de Castro e Marina Castro por parte de José Carlos e Mariña, dous dos membros do noso club dos rapaces, para o que se documentaron moi ben, de feito a presentación de Carlos veu precedida por unha interesantísima entrevista á súa dona, profesora de Bioloxía do noso instituto. No caso de Marina, foi Begoña, a súa nora e coordinadora da Biblioteca do IES Fernando Esquío de Neda, e quen fixo posible este encontro cos membros do noso club de lectura, a que nos facilitou toda a información necesaria para a súa presentación.

Carlos achegounos á postguerra, aos fuxidos e ao Pontedeume da época a través das “aventuras” de dous rapaces de 14 anos, Eduardo Mata e Miguel Torres e dunha extraordinacia colección de magníficas fotografías. Marina deixounos impresionados coas experiencias tan fortes que viviu naqueles terribles anos, cando tan so era unha nena de sete anos.

Toda unha experiencia de momentos de lectura compartidos.

Dende O Segrel o noso agradecemento a Carlos, Marina e Begoña, por facer posible este encontro inesquecible.

Xa estamos aquí!!

Despedida do Club de Lectura

O venres 18 de xuño celebramos, como xa é habitual, a nosa despedida do Club de Lectura. E alí, como xa é habitual, estivemos case tod@s.. (Nesta ocasión botamos en falta a Marga, Rosi, Alsira, Isabel e Suso) E, como xa é habitual, ese remate de curso fixémolo compartindo mesa e mantel e, por suposto, risas e lecturas. Esas lecturas que nos seguirán mantendo unidos durante o verán e que serán as que nos reunirán o vindeiro curso.

É que nós, como xa é habitual, sempre nos poñemos "deberes" para as vacacións, que seique non sabemos vivir sen a lectura... Que vos parece a selección?

• Ollos de auga
• A praia dos afogados
  
• A elegancia do ourizo
• Xuntos e máis nada
• Settecento
• El frío modifica la trayectoria de los peces
• Mantis
• El tiempo entre costuras
  

Estupenda, non si? Pero é que non acaba aquí, porque, como xa é habitual, aos postres sempre chega un fermosísimo agasallo que nunca deixará de emocionarme, e que nunca deixarei de disimular... Nesta ocasión foron dous títulos ben interesantes:

• La niña de papel
• Encuentros en Bonaval

E que podo dicir eu que non sexa agradecer, a tod@s e cada un de vós, eses marabillosos momentos que ano tras ano, e con este xa van tres, pasamos xuntos. Momentos que como di Jose "permítennos disfrutar do que nos fai disfrutar", que segundo María "nos axudan a estresarnos para buscar un momento de relax", para Meren son "momentos nos que compartimos tantas cousas a través dos libros" e para min "un tempo do que xa non podería prescindir por tanto como me aporta"

Grazas a tod@s por "dar vida" ao noso club de lectura.



Esperámosvos en outubro cos deberes feitos.

Ah, e lembrade que o 2 de agosto temos unha cita en O Segrel, que o verán é moi longo e non queremos botarvos moito en falta... Así que xa sabedes, ás 12.00 da mañá do luns día 2, teremos o café preparado.

Xornada Clubs de Lectura

O pasado venres asistimos á Xornada dos Clubs de Lectura celebradas en Santiago, e se só puidésemos utilizar unha palabra para describila esta sería "extraordinaria".

Extraordinaria a xuntanza da tarde do xoves con Cristina e Pilar e as coordinadoras de zonas, e a cena posterior. Ali coñecemos a Ana Tato de Viveiro e Chus Juanatey de Santiago e nos reencontramos con Carmen Suárez de Cambre. Extraordinarias!!

Extraordinaria Ana Mª Margallo quen na mañá do venres nos falou de "Fomento da Lectura" e de "Educación Literaria", de "lectura e xóvenes"

Extraordinaria a xuntanza dos coordinadores e coordinadoras dos Clubs de Lectura da zona de Ferrol onde estiveron con nós Gabriela e Ánxela, asesoras do CFR de Ferrol

Extraordianria a mesa de debate con Pedro Lamas de Caldas, "iESCALDaletras", Luís Gómez de Rois, "As Pintoras Daltónicas", Almudena Platero de Ourense, "As catro esquinas do quinto" e Xosé Manuel Eyré de Monforte.

Extraordinario Benjamín Prado que fixo unha fermosísima loubanza da figura do mediador nas persoas de Rafael Alberti, de Ángel González e do seu admiradísimo profesor Fernando Borlán, -grazas Pilar por ese oportuno exemplar de "Ecuador" que nos permitiu escoitar na súa voz o poema "Días de lluvia"-

Extraordinario "Uxío Novoneyra" fillo que pechou a xornada do mellor xeito posible, lendo poemas do gran Novoneyra (Axiña o teredes en Radio Barullo)

Xa o dixemos, sempre pensamos que é imposible superar o listón que marcan as organizadoras destas xornadas, pero elas, ano tras ano, nos sacan do noso erro.

Velaí tedes o programa, os materiais (entrade como convidados) e unha pequena reportaxe gráfica.

Rosa Aneiros cos Clubs de Lectura do Segrel

O luns día 7 de xuño celebramos o fin de festa dos clubs de lectura do Segrel cun fantástico encontro con Rosa Aneiros.

É esta unha experiencia que ano tras ano vimos realizando como remate das sesións dos clubs de lectura e, como ides comprobar, cunha extraordinaria aceptación por parte de tod@s @s asistentes.

Cando, hai xa tres anos, comentamos a nosa idea de facer unha reunión conxunta cun autor, naquela ocasión foi con Fran Alonso, e os membros dos clubs de lectura de alumnado e o de pais, nais e profes, houbo algún compañeiro que nos amosou as súas reticencias porque, segundo parecía, aos 15 e 16 anos non nos gusta estar cos nosos pais e nais neste tipo de actividades, que a rapazada non disfrutaría...

Que equivocados estaban os que así falaban! A experiencia non pode ser mellor nen máis positiva. En todas as ocasións son eles, os mozos e mozas, os que piden que se volvan a repetir estas xuntanzas conxuntas.

O encontro con Rosa Aneiros foi inesquecible. Comezaron Jose, un pai, e Laura, alumna, facendo unha estupenda presentación de Rosa. Laura fixo unha breve reseña biográfica e Jose falou do que para el supuxo a lectura de "Sol de inverno". E a partir de aí, e durante máis de tres horas falamos de libros, de lectura, do proceso que se segue para escribir un libro, falamos de "Inverno", analizamos a numeración dos capítulos de "Ás de bolboreta", que era algo que intrigaba moito a algún dos nosos rapaces,... e, por suposto, coñecemos unha miaxiña máis a esta extraordinaria escritora e mellor persona, e así soubemos que...:

"A literatura é todo o que os lectores van conformando a partir do que leron"

"Cando máis aprendo dos libros é cando os comparto"

"Cando remato unha novela os personaxes deixan de ser meus"

"A min o que me dá para escribir historias é vivir"

Velaí tedes algunhas imaxes do que alí aconteceu...

E non podíamos, nin queríamos esquecer o que opinan sobre Rosa Aneiros e esta experiencia conxunta algúns dos asistentes:

Pais, nais e profesorado:

"Poucas veces coñecín a un escritor ou escritora que fora tan asequible como Rosa Aneiros. Agradable, sinxela, comunicativa, clara, concisa, familiar... Dáche a sensación de que a coñeces de sempre, de toda a vida. Encántalle escoitar aos demais e aos demais nos encanta escoitala a ela. Unha auténtica profesional"

Mª Carmen Arnoso

"Hai veces que as verbas escritas dun autor/a fannos imaxinar unha personalidade, unha presenza, un estar, porque -imaxino- en cada obra hai algo de si mesm@s, do seu propio ser, do seu pensamento. Adoitame pasar con es@s escritor@s que te aferran ao libro ata rematares, nos que calquer obriga que te separe das páxinas é un contratempo. Logo, un día, coñécel@s e, como cando ves unha película logo de ler o libro, sintes que non era es@ @ autor/a que ti imaxinaches, e sintes un pouco de mágoa, un "para-que-viría". Con outr@s (Fran Alonso, Agustín, Marilar...) o encontro é fantástico e gozoso.
Con Rosa Aneiros foi fantástico, gozoso e fabuloso. Levou con tanta naturalidade a timideza d@s que alí estabamos para iniciar as preguntas, con tanta prestancia as preguntas d@s rapaces e rapazas, facéndolles atopar por si mesm@s as respostas ao que preguntaban, foi tan sincera nas respostas, que por un intre, escoitándoa falar dos seus personaxes, do seu padriño, das súas primeiras experiencias na escola de Valdoviño, pasoume polo maxín que a Biblioteca do IES se transformara e alí estabamos tod@s, sentad@s polo chan, nas alfombras, nos sofás, tomándonos uns cafés (cacao para menores non acompañad@s), nunha charla de xente que se coñece de hai moito tempo.
O sorriso constante, a naturalidade, as respostas concretas, claras, a falta de présa dunha persoa que non vive disto, que ao día seguinte tería que erguerse cedo para acudir ao seu traballo, o humor... Non sei se se nota que quedei prendada desta persona, porque da escritora xa estaba. Que é desa xente de quen podes decir sen medo a errar que ten calidade humana. E tamén "calidez". Cando vai volver???"

Maribel Serantes

"Foi unha experiencia moi positiva. O saber estar de Rosa Aneiros nos fixo pasar un rato do máis agradable. Cunha soltura propia dunha gran escritora como é, deunos todo tipo de detalles e anécdotas sobre as súas obras, de como as foi elaborando e fixo posibles dende un principio. A familiaridade e atención con que nos tratou foi para min o que máis me chamou a atención. Por sorte, vexo nela un claro exemplo de humildade nunha persoa que dada a súa traxectoria podería considerarse unha celebridade"

Juan José López

"Pasoume o mesmo que con Agustín, se non tivera lido nada dela iría rápidamente a mercar algúnha das súas novelas. Encantoume!"

Inma Rodríguez

Alumnado:

"A actividade levada a cabo no club de lectura gustoume moito porque gracias a Rosa Aneiros todos os compoñentes do Club (nen@s e adultos) aprendimos algo máis desta marabillosa escritora e dos seus libros e tamén dos mellores escritores Galegos"

Laura López

"Pareceume un bo día no club de lectura xa que veu Rosa Aneiros e deunos ideas para facer as nosas propias historias.
Ademais estivemos xuntos rapaces e adultos!"

Diego López

"Realmente creo que foi unha tarde ben productiva. O ritmo de preguntas foi constante, de maneira que o intercambio de opinións, consellos e pensamentos non se detivo en ningún momento. Ademais, Rosa posuía unha capacidade oral moi fluída, e estiven de acordo en case todo o que ela dicía. Respondeu a todas as preguntas satisfactoriamente."

Roi Gándara

"Rosa Aneiros inspiroume!"

Juan Carlos

Se queredes ver a reportaxe gráfica podedes entrar no noso Álbum Fotográfico ou ver unha presentación de Picassa

Axiña a reportaxe en Radio Barullo e na canle de You Tube do Segrel.

O Club do Segrel Lendo Mulleres

Iso exactamente foi o que fixemos mañá e tarde, ler textos escritos por mulleres.

O 8 de marzo, Día Internacional da Muller, dende "O Segrel do Penedo" quixemos poñer o noso gran de area nesta tarefa común de facer deste un mundo mellor e máis xusto para tod@s.

Pola mañá, durante o recreo, organizouse unha actividade que cada día ten máis adeptos "Música e Poesía". Nesta ocasión aos participantes, profesorado e alumnado de todos os cursos, que estiveron acompañados por Serafín Santamariña de 1º de ESO, que tocou varias pezas(1) co seu acordeón, só se lles pediu que leran textos escritos por mulleres e así o fixeron, incluso unha profe, Mª Carmen Arnoso e unha alumna, Sara Sabín, leron dous fermosos textos escritos por elas.

E pola tarde, día de reunión do Club de Lectura de pais, nais e profesorado, decidimos participar na iniciativa "Fene lendo Mulleres" que a Concellería de Servizos Sociais, Benestar e Igualdade está a desenvolver dende hai xa 10 anos e cunha grande participación por parte de veciños e amigos do concello.

Velaí tedes algúns dos poemas, textos e artigos de opinión que cada un de nós, e por motivos moi diversos, elixiu para este día.

Foi unha marabillosa xornada na que, do mellor xeito que sabemos, a través da música e a lectura, seguimos a facer ese camiño pola igualdade e o respecto aos demais.

(1) Actualización 12/03/10
"A cidade asulagada": Tradicional (Arranxos de Bieito Romero)
"O valse do vello fidalgo": Xosé Lois Romero Cajigal
"O Valse de Arousa": Tradicional (Arranxos de Rodrigo Romani)
"Escenas medievales": Tito Marcos