luns, 11 de decembro de 2017

Patrick Ness

Factoría K (2016)


Conor tiña o mesmo pesadelo todas as noites desde que a súa nai enfermara gravemente. Pero algo distinto sucedeu unha madrugada ao espertar e atopar un monstro na súa ventá. Era moi antigo, moi vello, e viña con toda a forza da natureza reclamando algo moi importante: o segredo máis oculto de Conor, un rapaz que -malia estar asustado ante a dureza coa que se lle presenta a vida; a doenza da nai, a difícil relación coa avoa, a longa distancia que o separa do pai, os problemas na escola- ten que asumir a verdade, a súa realidade. 


A novela orixinal na que se basa a película, inspirada nunha idea de Siobhan Dowd e marabillosamente ilustrada por Jim Kay.

Esta edición especial de Reservoir Books, contén material adicional exclusivo. A historia do libro por Patrick Ness; dibular un monstro por Jim Kay; como se fixo a película polo seu director J. A. Bayona, así como entrevistas con Liam Neeson, Sigourney Weaver, Felicity Jones e Lewis MacDougall.




domingo, 10 de decembro de 2017

Reo

Xesús Fraga

Galaxia (2014)


Pero Reo é o rei dos graffiteiros da cidade: o que máis bombardea coa súa sinatura, o máis comprometido coa súa arte; o mellor. O graffiti é o que lle permite dar saída a todas as inquedanzas que lle bolen na cabeza. Ata que un día un misterioso rival o reta nos muros da cidade. Unha confrontación da que emerxerá transformado, aínda que non como Reo espera. 

Unha trama trepidante arredor de Reo, o hip hop, as bandas dos barrios e ás veces a tristeira vida cotiá de quen ten horizontes máis grandes. Unha interesante reflexión sobre a vida dos mozos e mozas dos nosos días, sobre as súas angueiras e esperanzas. Reo está escrita nunha linguaxe directa que nos atrapa dende o primeiro instante, como un graffiti colorido e ben feito. Directo. Engaiolante. Definitivo.


Premio Raíña Lupa de Literatura Xuvenil 2013

Premio Fervenzas Literarias 2014 ao mellor libro de Literatura Xuvenil. 

 

martes, 5 de decembro de 2017

Izan o da Saca


Xerais (2016)

O Fiscal Superior de Xustiza recibe do seu editor un paquete que contén, ademais dun cartafol con noticias de varias mortes sen relación aparente, unha novela. Nela, un taxista con ínfulas investigadoras e lector empedernido acepta o delicado encargo dun coñecido político e empresario galego: desentrañar un suposto pasado nazi co que os seus inimigos poden relacionalo. Comeza así, ademais dunha engaiolante procura pola xeografía física e humana deste país, unha perigosa pescuda sobre un dos feitos históricos máis intrigantes da posguerra: a misteriosa «Ruta das ratas» ao seu paso polo noroeste da península Ibérica e cara ao refuxio nazi en América do Sur. 

Mesturando realidade e ficción, coa mestría da madurez narrativa e facendo encaixar as múltiples pezas desta novela negra nun insólito final, Xabier Quiroga atrápanos nunha trama que, da man do Reiniña, o seu protagonista, remexe no escuro duns feitos agochados no pasado pero que, sen remedio, salpican o presente.

sábado, 18 de novembro de 2017

O Inferno de Marta

Pascual Alapont

Xerais Edicións (2004 )
Colección "Fóra de Xogo"

Cando aceptou saír con aquel mozo, Marta non sabía que poñía un pé no inferno, e que a partir de entón sería tan doloroso penetrar como tratar de escapar de alí. Esta novela de Pasqual Alapont, escrita ao xeito dun thriller, con psicópata incluído, pon os pelos de pé. Esta é a historia de Marta, unha moza que se namorou da persoa equivocada; pero tamén é a historia dunha amizade a proba de bombas que cativa pola súa tenrura. 

O libro complétase con "A máscara do amor", un texto no que o psicólogo e criminalista Vicente Garrido analiza os comportamentos de risco que calquera persoa moza debería ter en conta para evitar caer no inferno do maltrato físico ou psicolóxico. Un libro útil que combina unha novela emocionante chea de suspense e un práctico libro de autoaxuda

sábado, 11 de novembro de 2017

O Corazón de Xúpiter

Ledicia Costas

Xerais (2012)



Non foi doado para Isla mudar de cidade e empezar de cero nun novo instituto. Devecía por dar un paseo polo espazo, avistando planetas a través do telescopio, mergullada no ventre do universo. Casiopea, o nome da tartaruga máxica de Momo, era o nick que empregaba nos foros sobre astronomía nos que participaba adoito. Alí coñeceu a Xúpiter, alguén que semellaba saber moito de estrelas. As longas conversas até ben entrada a madrugada prenderan unha luz, entre os dous existía unha maxia que traspasaba as fronteiras do ciberespazo. Isla sentiu a necesidade de sabelo todo sobre Xúpiter; onde vivía, a que instituto ía, o seu nome real... Quedaron para se coñecer nunha noite de San Xoán de cacharelas e mar embravecido. Foi entón, despois de despedirse da súa amiga Mar, cando Isla se precipitou na escuridade. A súa vida estaba a piques de cambiar para sempre.

Premio Neira Vilas ao Libro Infantil e Xuvenil 2012


Video Amanda Todd

sábado, 4 de novembro de 2017

Los Renglones Torcidos de Dios


Planeta (1979)

Alice Gould é ingresada nun sanatorio mental. No seu delirio, cre ser unha investigadora privada a cargo dun equipo de detectives dedicados a esclarecer complicados casos. Segundo unha carta do seu médico particular, a realidade é outra: a súa paranoica obsesión é atentar contra vida do seu home. A extrema intelixencia desta muller e a súa actitude aparentemente normal confundirán aos médicos ata o punto de non saber a ciencia certa si Alice foi ingresada inxustamente ou padece realmente un grave e perigoso trastorno psicolóxico.


sábado, 28 de outubro de 2017

El Asesinato del Profesor de Matemáticas


Pablo Núñez (Ilustrador)

Anaya (2000)

Narra a historia de tres alumnos que cren odiar as matemáticas e o seu profesor, para facerlles mudar de idea, anímaos a descobrir o seu asesinato resolvendo unhas probas que lles servirán de pistas para chegar ata o asasiño.

sábado, 10 de xuño de 2017

Enquisa Club Lectura Nais e Pais do Segrel

El Cuaderno Dorado


DeBolsillo (2014)

Anna Wulf é unha novelista a nai divorciada que padece estancamento creativo. Para fuxir da desesperación que a invade comeza a anotar as súas vivencias en catro cadernos de cores: "un caderno negro, no que está Anna Wulf, a escritora; un caderno vermello, dedicado á política; un amarelo, no que escribo historias que proceden da miña experiencia, e un caderno azul que intenta ser un diario". Pero a súa ambición é xuntar todos os cabos soltos da súa historia nun quinto cadernos, o dourado, co que desexa atopar o camiño cara a recuperación.

Premio Príncipe de Asturias (2001)

Premio Nobel de Literatura (2007)

mércores, 7 de xuño de 2017

Flavio




Novela ambientada na Terra de Iria (o seu título sería un claro índice) na que os conflitos da paixón entre Mara e Flavio están enmarcados noutras tensións de carácter social (entre o primitivo e mesmo medieval e rural co moderno, capitalista e rural) nas que a paisaxe ou a identidade teñen tamén o seu teatro. A frase inicial é ben significativa a este respecto: “La verdadera patria del hombre es el mundo entero”.

sábado, 3 de xuño de 2017

Irmán do Vento

Manuel Lourenzo

Xerais (2003)

“Son koblai, da tribo de Zalb. Son iraquí e musulmán. Son árabe. Son Khaled ben Sayiam, cidadán do mundo."” 

Irmán do vento é a historia de Khaled, un rapaz dunha apartada aldea do Iraq que, coma outro rapaz calquera, ten unha familia, ten amigos, unha casa, unha vida, ten un amor, ten proxectos. Ata que, de repente, a guerra.

Irmán do vento é a crónica da destrución inexorábel de todo canto Khaled é e de canto soña ser. Irmán do vento é tamén a narración emocionante da loita contra ese destino imposto e pola recuperación da dignidade e da esperanza. 

“Irmán do vento” é unha novela de aventuras, na que empregando dous narradores, un que introduce a acción e outro que é o protagonista, conta o que lle acontece a Khaled, un rapaz iraquí no medio da recente guerra. A acción transcorre en dous tempos; no primeiro un dos narradores dá conta de como o protagonista da historia entra na súa vida, e tempo despois se reencontra con el, para darlle a súa voz e relatar as condicións de vida do seu pobo en tempos de guerra. A novela reflicte cómo a infancia, o sector máis inocente da sociedade, vive un conflicto bélico e sofre as súas consecuencias máis duras, sen ser consciente das causas nin das circunstancias nas que se desenvolve.

Premio Merlín 2003

luns, 24 de abril de 2017

El Ruiseñor

 
Suma (2016)
 
Francia 1939. No tranquilo pobo de Carriveau, Vianne Mauriac despídese do seu home,  Antoine, que debe marchar ao fronte. Ela non cre que os nazis vaian invadir Francia, pero fano. Cando un capitán alemán requisa a casa de Vianne, ela e a súa filla deben convivir co inimigo ou arriscarse a perdelo todo. Sen comida, nin diñeiro, nin esperanza, Vianne vese obrigada a tomar decisións cada vez máis difíciles para sobrevivir.
A irmá de Vianne, Isabelle, é unha moza rebelde de dezaoito anos que busca un propósito para a súa vida con toada a temeraria paixón da xuventude. Mentres miles de parisinos  foxen da cidade ante a inminente chegada dos alemáns, Isabelle atópase con Gäetan, un partisano que cre que os franceses poden loitar contra os nazis dende dentro de Francia. Isabelle enamórase completamente pero, tras sentirse traizoada, decide unirse á Resistencia. Sen pararse nunca para mirar cara atrás, Isabelle arriscará a súa vida unha e outra vez para salvar a outros.
"No amor descobrimos quen queremos ser
Na guerra descobrimos quen somos en realidade"
 
Premio Goodreads Mellor Novela de Fición Histórica.

domingo, 23 de abril de 2017

Noite de Voraces Sombras

Agustín Fernández Paz

Xerais (2002)

Sara, una moza de dezaseis anos, narra os acontecementos que durante unbas vacacións na casa da avoa llea xudarán a enfrontar a vida dun xeito distinto. No cuarto que ocupa sentirá o desacougo dunha presencia fantasmal. Alí atopará, tamén, un fato de cartas e fotos, una libreta de caligrafía apretada e una selecta biblioteca que a levarán a descubrir una inesquecible historia de amor e desamor que se produciou durante a Guerra Civil e os amargos anos da psoquerra. Una emocionante novela sobre a memoria de tantos soños rotos pola guerra, polo exilio e pola distancia.

Guía de lectura

No blog do autor

As Irmandades da Fala

Entrevistas ao autor:
Poemas

sábado, 1 de abril de 2017

Magi: The Labyrinth of Magic

 
Planeta Agostini (2013)
 
 
Aladdin e Alibaba é o primeiro título deste Manga.
 
Aladdin viaxa nunha caravana xunto a dous escravos na pescuda de tesouros que se encontran en misteriosas ruínas chamadas "Labirintos" que apareceron repentinamente en varios continentes. Na viaxe atópase con Alibaba, a quen salva de morrer. Axiña faranse amigos e dirixiranse á conquista dunha Cela.


Anime

Anime. Aladdin e Alibaba




venres, 24 de marzo de 2017

Zapatillas Rotas

http://bvg.udc.es/ficha_autor.jsp?id=XabQuiroXabier Quiroga

Xerais 2015

O señor Xaquín desaparece por sorpresa da residencia de anciáns na que, voluntariamente, pasa os derradeiros anos da súa vida. A mobilización para dar con el provoca un enredo en cadea que, decontado, chegará ata extremos inusitados. Ao tempo que se produce esa delirante busca, os protagonistas, un vello e un parado, figuras paradigmáticas deste inicio de século, van espertar unha historia do pasado que semellaba durmida. Aínda que a lectura de “Zapatillas rotas” por veces provoque o riso, mostra un perfil de tristeza, xa que esta é unha novela que fala de como somos e como procedemos, do que é esencial e, na maioría dos casos, pasa desapercibido, do que é frívolo e, porén, ten éxito no noso tempo. “Zapatillas rotas” trata, ao cabo e sen ocultar o sarcasmo, dos valores desta sociedade en crise irreversible. Esta novela confírmao como un dos narradores galegos máis sólidos e de mellor acollida entre os lectores e lectoras do noso tempo.
 
Premio da Crítica 2014

venres, 17 de marzo de 2017

El Hogar de Miss Peregrine para Niños Peculiares

Ransom Riggs
Planeta (2016)

Cando o benquerido avó de Jake lle deixa as pistas dun misterio que se estende por diferentes mundos e tempos, Jake atopa un lugar máxico coñecido como o Fogar de Miss Peregrine para Nenos Peculiares. Pero o misterio e o perigo afóndanse cando chega a coñecer os residentes e aprende acerca dos seus poderes especiais, e os seus poderosos inimigos.

 
 

venres, 10 de marzo de 2017

Eskoria

 
 Ed. SM. 2006 (Col. Gran Angular - Alerta Roja).

Falso Diario Blog do Autor

Diego non se sinte distinto dos seus compañeiros de instituto, aínda que non lle gusten as mesmas cousas que a eles. Por iso non entende que algúns non o deixen en paz e que comezara a recibir todo tipo de ameazas. A súa mente lúcida trata de comprender os motivos do acoso ao que o someten, pero é imposible. Sinte que lle están empurrando cara un pozo sen fondo.
 

domingo, 19 de febreiro de 2017

Los Besos en el Pan

 
TusQuest Editores (2015)
 
Que pode chegar a ocorrerlles aos vecinos dun barrio calquera nestes tempos difíciles? Como resisten, en pleno ollo do furacán, parellas e persoas soas, país e fillos, rapaces e anciáns, os embates dunha crise que "ameazou con volvelo todo ao revés e aínda non o ten conseguido"?
 
"Los besos en el pan" conta, de xeito sutil e conmovedor, como transcorre a vida dunha familia que volta das vacacións decidida a que a súa rutina non cambia, pero tamén a dun recen divorciado ao que se escoita chorar tras dun tabique, a dunha avoa que pon a árbore de Nadal antes de tempo para animar aos seus, a dunha muller que decide reinventarse e volver ao campo para vivir das terras que alimentaron aos seus antepasados.
 
Na perruquería, no bar, nas oficinas ou no centro de saúde, moitos vecinos, protagonistas desta delicada novela coral, vivirán momentos agridoces dunha solidariedade inesperada, de indignación e de rabia, pero tamén de tenrura e tesón. E aprenderán por que os seus avós lles ensinaron, cando nenos, a bicar o pan.

Entrevistas a Almudena Grandes:
Citas
“Después, alguien nos dijo que había que olvidar, que el futuro consistía en olvidar todo lo que había ocurrido. Que para construir la democracia era imprescindible mirar hacia delante, hacer como que aquí nunca había pasado nada. Y al olvidar lo malo, los españoles olvidamos también lo bueno. No parecía importante, porque, de repente, éramos guapos, éramos modernos, estábamos de moda… ¿Para qué recordar la guerra, el hambre, centenares de miles de muertos, tanta miseria?"
"Pero los españoles, que durante muchos siglos supimos ser pobres con dignidad, nunca habíamos sabido ser dóciles."  
"No es que seamos pobres. Es que nunca hemos sido ricos [...] Así que, lo siento en el alma, cariño, pero se acabó la fiesta" (p. 162)
"Hay que ser muy valiente para pedir ayuda, ¿Sabes? Pero hay que ser todavía más valiente para aceptarla." (p. 268) 

xoves, 26 de xaneiro de 2017

Tokyo Ghoul


Norma Editorial (2015)

Os habitantes de Tokío viven aterrados: nas sombras da metrópole agóchanse horribles monstros  que se camuflan entre a multitude, cazando e devorando seres humanos. Un rapaz atópase cun destes ghouls, pero aínda que consegue sobrevivir, a súa existencia xa non será igual...

“Lo que da lástima es no poder vivir la vida por estar atrapado en un anhelo de venganza”

Ken Kaneki

venres, 20 de xaneiro de 2017

Ás Veces Quero Morrer Coa Risa

Brigit Schlieper

Nina Stahl

Galaxia (2013)

A historia dun rapaz de 16 anos ao que lle diagnostican un cancro termial.

O protagonista non é capaz de pensar con claridade diante da tremenda realidade, nin entender por que ten que morrer tan novo con todo o que lle queda por vivir: ter noiva, o primeiro coche, ir a concertos; en definitiva, todo o que calquera adolescente devece por facer. Séntese furioso, desvalido e enganado pola vida. Todo semella inxusto. Ten que decidir onde pasar o tempo que lle queda, se seguir no hospital, onde está rodeado pro persoas que comparten o mesmo fado, ou marchar cos seus pais. Máis coñece a Helene, unha rapaza que está aínda máis enferma ca el. Así, coa aparición do amor, descobre un posible sentido para o tempo que lle queda; quere pasalo con Helene. 




Portada da edición orixinal publicada en Mannheim (Alemaña) no 2010








                  BANDA SONORA

xoves, 12 de xaneiro de 2017

La Noche de los Niños

Toni Morrison

Óscar Astrommujoff (Ilustrador)

Lumen (2016)


Bride é unha nena que herdou dos seus devanceiros unha cor de pel moi negro que sorprende a toda a familia, de pel clara, e provoca o abandono do seu pai. Pasados os anos, a rapaza transfórmase nunha fermosa empresaria de éxito, pero a alongada sombra da infancia planea sobre a súa vida adulta e da súa parella. Un bo día, e sen explicación algunha, Bride asiste impotente ao abandono de Booker, o home ao que ama. Outra vez o rexeitamento, outra vez a culpa... e por fin unha viaxe iniciática en busca da redención, que so chegará cando desde a negrura asome ao verdadeiro eu de Bride.

BANDA SONORA
TONI MORRISON 

venres, 6 de xaneiro de 2017

O Derradeiro Libro de Emma Olsen

Berta Dávila

Galaxia (2014)


Emma Olsen afronta os seus derradeiros meses de vida afectada por unha enfermidade terminal e sabe que a morte non tardará en chegarlle. Máis Emma Olsen é escritora, e decide dedicar o tempo que lle queda a rematar unha novela que non é exactamente unha novela, senón unha crónica en primeira persoa dos anos máis importantes da súa vida, os do final da adolescencia. Escribe para revelarnos unha historia de segredos agochados moito tempo. E por iso regresa a Faith, a pequena cidade perdida do Medio Oeste norteamericano na que naceu, un lugar no que semella non acontecer nada interesante nunca, máis que garda, soterrado, un universo de mentiras e conflitos entre os seus poucos e singulares habitantes.

Banda Sonora


  • Premio Narrativa Breve Repsol 2013
  • Premio Ánxel Casal ao mellor libro de fición 2013
  • Premio Guillermo de Baskerville ao mellor libro independente 2015

Blog da autora

Entrevistas a Berta Dávila:

TRAILER DA NOVELA


luns, 2 de xaneiro de 2017

Un Monstro Ven a Verme

Patrick Ness

Factoría K (2016)


Conor tiña o mesmo pesadelo todas as noites desde que a súa nai enfermara gravemente. Pero algo distinto sucedeu unha madrugada ao espertar e atopar un monstro na súa ventá. Era moi antigo, moi vello, e viña con toda a forza da natureza reclamando algo moi importante: o segredo máis oculto de Conor, un rapaz que -malia estar asustado ante a dureza coa que se lle presenta a vida; a doenza da nai, a difícil relación coa avoa, a longa distancia que o separa do pai, os problemas na escola- ten que asumir a verdade, a súa realidade. 


A novela orixinal na que se basa a película, inspirada nunha idea de Siobhan Dowd e marabillosamente ilustrada por Jim Kay.

Esta edición especial de Reservoir Books, contén material adicional exclusivo. A historia do libro por Patrick Ness; dibular un monstro por Jim Kay; como se fixo a película polo seu director J. A. Bayona, así como entrevistas con Liam Neeson, Sigourney Weaver, Felicity Jones e Lewis MacDougall.


Un bo agasallo para este nadal!!