domingo, 13 de decembro de 2015

Nosotras que lo quisimos todo

Sonsoles Ónega

Planeta (2015)


Beatriz, directora de compras nunha multinacional de lencería, recibe unha irresistible e prometedora oferta profesional. Se non estivera casada e con dous fillos, tería contestado de inmediato, pero o ascenso implica instalarse en Hong Kong. Beatriz vive esgotada, debaténdose entre traballar no que lle gusta e gozar da vida familiar que desexa. Dado que o seu marido, responsable da cadea de clínicas dentais que herdou do seu pai, non estará disposto a seguila a Hong Kong, Beatriz comeza unha investigación sobre a conciliación da vida persoal e a laborar como medio para ser quen de tomr unha decisión. Por que elixir A ou B? Existe un plan C!

Unha novela atrevida, tenra e reivindicativa que plantexa unha fonda reflexión sobre o gran "timo" do século XXI, o da muller traballadora... Unha historia chea de humor e ironía.

Entrevistas á autora



Mujerhoy.com

Encuentros El Mundo

Hoy por Hoy - Cadena Ser

luns, 7 de decembro de 2015

Las ventajas de ser un marginado

Stephen Chobsky

Alfaguara (2012)

Charlie ten 15 anos e quedou so tras o suicidio do seu mellor amigo. Vive cos seus pais, a súa popular e fermosa irmán e un irmá maior que é unha estrela do fútbol americano e que está a piques de comezar na Universidade. O seu profesor de lingua está convencido de que Charlie posee unha grande capacidade intelectural. Tras coñecer a Sam e a Patrick, comeza a comprender o que é se un adolescente, e comeza unha viaxe cara á madurez que o levará a percorrer camiños novos e inesperados. Con eles descobre nova música, comeza a beber, fumar e coquetear coas drogas, cambia de amizades... Ata que se converte nun xoven de verdade!


BANDA SONORA



Libros dos que se falan...

venres, 4 de decembro de 2015

El Asesinato de la Profesora de Lengua


Jordi Sierra i Fabra

Ilustracións: Pablo Núñez


Anaya (2007)


A profesora de lingua, Soledad, está farta de que os seus alumnos no se esforcen na clase. A súa desesperación chegou a tal límite, que lles comunica unha seria notica: Antes de rematar o día, asasinará a un deles, se non conseguen detela antes.

Terán que resolver as probas que lles vaian aparecendo ata dar coa resolución o que nos levará a un final inesperado.

Aos alumnos vailles a vida niso, así que non perderán un só segundo.

A busca comezou...



sábado, 28 de novembro de 2015

Ojo de Nube



SM (2006)

Nunha tribo de indios Crow nace un neno. Aínda que o nome que lle poñen ao principio é Cazador Silencioso, aos poucos días descobren que é cego e as esperanzas dos seus familiares vense frustradas. Ollo de Nube chamarase e a súa nai decide ser os seus ollos. A través das súas palabras e o que el percibe polo resto dos sentidos, farase unha composición do poboado e de todo o que o rodea e alcanzará unhas facultades impensables para os outros indios. Unha noite, o neno anticipa o que está a piques de acontecer; o ataque dos "malacousa", os tramperos e colonizadores brancos. Grazas ao seu entendemento cos cabalos, unha facultade especial que posúe, Ollo de Nube logra evitar a batalla e así atrasar o inevitable avance do "home branco".

Esta novela recupera a vida salvaxe na pradera norteamericana, antes da chegada do home branco, a través dunha tribo Crow.

venres, 20 de novembro de 2015

14

Jean Echenoz

Anagrama (2013)


Como escribir sobre a Gran Guerra, a primeira guerra "tecnolóxica" do século XX, e a porta, tamén, a medio século da barbarie sen precedentes? Echenoz enfróntase a un novo reto literario que supera con mestría. A certeira pruma do escritor avanza xunto cos soldados nas súas longas xornadas de marcha polos países en guerra e acompaña a catro rapaces da Vendée, Anthime e os seus amigos, no medio dunha masa indiscernible de carne e metal, de proxectiles e mortos. Pero tamén nos conta a vida que continúa, lonxe das trincheiras, a traveso de personaxes como Blanche e a súa familia. E todo elo, sen renuncia a esa sutil ironía que caracteriza a súa escrita, condimento imprescindible dun ralato apaixoante.


luns, 16 de novembro de 2015

Ollos de Auga


Domingo Villar

Galaxía (2006)

Na torre da Illa de Toralla, en plena ría de Vigo, aparece o cadáver dun saxofonista. O asasinato, dunha crueldade e sangue frío inusitados, vai ser investigado por Leo Caldas, inspector de policía que busca o seu lugar no mundo, e que, ademais do seu traballo na comisaría, intervén nun consultorio radiofónico ao que os cidadáns se achegan coas queixas máis diversas. O seu axudande, Rafael Estévez, é un aragonés destinado na cidade, un elemento estraño en terra hostil cun carácter demasiado impetuoso para os seus novos veciños. O caso desenvólvese entre o ambiente cálido e nocturno dos clubs de jazz e a atmósfera tensa e afectada dos círculos da alta burguesía viguesa.





A BANDA SONODA DE "OLLOS DE AUGA"


xoves, 12 de novembro de 2015

Caperucita en Manhattan

Carmen Martín Gaite

Siruela (1990)


Sara é unha nena de dez anos que vive en Brooklyng. O seu maior desexo é ir soa a Manhattan para levar á súa avoa unha tarta de fresa. A avoa desta moderna Caperucita foi cantante de Music-Hall e casou varias veces. O lobo é Mister Woolf, un pasteleiro multimillonario que vive preto de Central Park nun rañceos en forma de tarta. Pero o fío máxico deste relato céntrase en Miss Lunatic, unha mendiga sen idade que vive de día agochada na Estatua da Liberdade e sae pola noite para meidar nas desgracia humanas ou, se é preciso, chegar a regalar un elixir capaz de vencer o medo.

domingo, 8 de novembro de 2015

Los Espejos Venecianos

Joan Manuel Gisbert

Edelvives (2002)


As estancias solitarias e cheas de misterio dun deshabitado palazzo de Padua vai exercer unha irresistible e fonda fascinación dun novo estudante. A lenda de Beatrice Balzani, a que nunca morreu, unha muller que desapareceu sen deixar rastro e que deixou de existir envolta nunha néboa de misterio, vive no recordo de todos os habitantes da cidade.

A súa invisible presenza influirá de xeito decisivo nos feitos desta obra.

Giovanni Conti, estudante de Letras en Padua, encontra aloxamento nunha vella casa rexentada por unha misteriosa anciá. Dende a ventá do seu cuartucho, divisa un antigo palacio que parece abandonado. Advirte, sen embargo, algún movemento, polo que decide buscar información na biblioteca da universidade, pero non atopa nada. Unha noite, entra no palacio, alí descobre uns espellos onde observa unha imaxe que non corresponde exactamente coa realidade, cre ver neles a pantasma de Beatrice Balzani...




luns, 12 de outubro de 2015

Xa estamos de volta!

Velaquí os tedes, os tres clubs de lectura da rapazada do Segrel. Este curso somos 52. Non está nada mal non si?

1ºESO
2ºESO 
3ºESO

E 18 pais e nais. 70 membros nos 4 clubs de lectura do Segrel. Fantástico comezo. 

Por un curso cheo de femosos momentos de lecturas compartidas!



sábado, 27 de xuño de 2015

Despedida dos Clubs de Lectura


Este curso, as despedidas foron tres, o martes 2 de xuño, celebramos a despedida do club da rapazada de 1ºESO. Nesta ocasión a celebración levounos da man de "Un loto en la nieve" de Gonzalo Moure, ate o Tibet e o Nepal. Coñecimos fermosos lugares e tradicións. Aprendemos a poñer un sari, a tocar un cuenco tibetán e a xirar unha roda de oración tibetá. Un xeito ben fermoso de despedírmonos ata o vindeiro curso.

O martes 9 de xuño, tocoulle o turno ao grupo de 2º e 4º. A nosa despedida foi cunha estupenda sesión de cine palomitas na que disfrutamos da película de animación "Enrugas".


O venres 26, foi a despedida do club de pais e nais. Unha comida, xa tradicional, na que non faltou un pequeno agasallo para cada un deles un Marcapáxinas e os xa tradicionais "deberes de verán".

Cada un dos membros do club levou dous, tres, e ata catro libros que a primeira semana de setembro, en O Segrel, e arredor dun bo café, intercambiaremos, co fin de que cando chegue a primeira xuntanza, no mes de outubro, todos teñamos lidos, polo menos, tres ou catro títulos do programados para o vindeiro curso. Un xeito de seguir, aínda que na distancia, compartindo lecturas no verán que poñeremos en común no inverno.

A comida rematou cun fermoso agasallo que nunca deixará de sorprenderme e emocionarme. Nesta ocasión foi un marabilloso ramo de flores e unha fotografía de parte do grupo. 


E como esquecer as marabillosas palabras que, como cada ano, nos dedicou Alsira......


A experiencia dos nosos clubs de lectura segue a ser do máis gratificante “Compartindo vivencias, vivindo experiencias!” 


domingo, 31 de maio de 2015

Arrugas

Paco Roca

Astiberri (2007)

Emilio, un antigo executivo bancario, é internado nunha residencia de anciás pola súa familia tras sufrir unha nova crise de Alzheimer. Alí, aprende a convivir cos seus novos compañeiros - cada quen cun cadro "clínico" e un carácter ben distinto- e os coidadores que os atenden. Emilio internarse nunha rutina cotiá de cadencia morosa con horarios prefixados - a toma dos medicamentos, a sesta, as comidas, a ximnasia, a volta á cama...- e nun pulso coa enfermidade para intentar manter a memoria e evitar ser trasladado á derradeira planta, a dos impedidos, conta coa axuda de Miguel, o seu compañeiro de habitación... Paco Roca aborda en Arrugas temas delicados, ata agora escasamente tratados en historieta, como son o Alzheimer e a demencia senil. E faino dun xeito intimista e sensible, con algúns apuntes de humor pero sen caer en ningún momento na caricatura. 

Premio Nacional do Cómic 2008.

A adaptación cinematográfica de Arrugas, dirixida por Ignacio Ferreras foi gañadora dos premios Goya 2012 á mellor película de animación e ao mellor guión adaptado.

sábado, 30 de maio de 2015

El Abanico de Seda

Lisa See

Salamandra (2005)

Como proba da súa boa estrela, Lirio Blanco, unha tímida nena de sete anos, filla dunha humilde familia de campesiños, será irmandada con Flor de Nieve, que vive nun pobo afastado e é de moi distinta ascendencia familiar. Por medio dunha cerimonia ancestral, ambas convértense en laotong ("o meu outro eu" ou "alma xemelga"), un vínculo que dura toda a vida e que será máis profundo que o matrimonio. Dende o principio, e ao longo doa anos, Lirio Blanco e Flor de Nieve intercambiaranse mensaxes en nu shu escritos nun abano de seda, que as serventas levarán dunha casa á outra. En abanos e panos darán conta do que ninguén coñece; os seus máis íntimos pensamentos e emocións, e grazas a esa vía secreta de comunicación consolaranse das penalidades do matrimonio e a maternidade. O nu shu manteraas unidas, ata que un erro na interpretación dunha das mensaxes ameazará con truncar a súa fonda amizade.

venres, 15 de maio de 2015

La Casa de la Linterna

Carlos de Castro

Espino Alvar

Melchor Abreira é un galego que fixo fortuna na Arxentina, no negocio de exportación de carne. Constrúe unha casa na súa terra natal (a chamada Casa Grande ou Casa da Linterna), na que se alonxa Azaña cando ven á vila a fundar o partido Esquerda Republicana. Ao producirse o levantamento do 36, Melchor Abreira morre coa súa dona en madrid, nun bombardeo. O seu único fillo, Luis Abriera, biólogo que ía casar coa filla do reloxeiro Daniel Lobato, presidente do partido de Esquerda Republicana de Pontedeume, agóchase na casa. É un máis dos moitos fuxidos que se agochan nas súas propias casas ou que se botan ao monte.

A novela comeza cando, oito anos despois, é asesinado Custodio Lázaro, un carboeiro que axudaba a Luis a sobrevivir na casa, ao intentar poñerse en contacto cos refuxiados no bosque; e Luis é descuberto gravemente enfermo por dous rapaces, de 14 anos, da localidade: Eduardo mata, fillo do médico Servando Mata e Miguel Torres, fillo do recén chegado Xefe de Estación da Renfe. Que facer? Axudalo? Denuncialo? Decirllo aos seus pais?. Tendo como punto de patida este dilema, os rapaces van descobrindo, a medida que seguen coas súas vidas de adolescentes, unhanova realidade que descoñecían, da que ninguén lles tiña falado e sobre a que na vila se establecera un tácito pacto de silenzo: a realidade da sublevación, a represión posterior e a sórdida loita que mantén a Garda Civil cos fuxidos.

Entrevista co autor

domingo, 26 de abril de 2015

El Inventor de Palabras

Gerard Donovan

Tusquets (2010)

A vida de Julius Winsome, nunha remota cabana dos bosques de Maine, acabou asemellándose á paisaxe que o rodea: silencioso, illado, insondábel. Pero cando o seu can, Hobbes, morre a mans dun cazador, nun descoido ou nun acto de crueldade, a discreta existencia de Julius, xa na cincuentena, da un xiro. Precisamente, Hobbes era o único que lle quedaba dun antigo e fugaz amor. En adiante, terá por toda compaña o vello fusil familiar, co que o seu avó loitou na primeira guerra mundial, e os numerosos libros que cobren as paredes da cabana. Porque a lectura non so lle procura consolo, senón tamén inspiración para converterse nun "inventor de palabras" a imitación do seu admirado William Shakespeare. Pese a todo, a melancolía na que o sume a morte de Hobbes levarao a acariñar a idea de vingarse.


domingo, 12 de abril de 2015

Bajo la Misma Estrella

John Green

Nube de Tinta (2012)

A Hazel e a Gus gustaríalles ter vidas máis correntes. Algúns dirían que non teñen nado con estrela, que o seu mundo é inxusto. Hazel e Gus son so adolescente, pero se algo lles ten ensinado o cancro que ambos padecen é que non hai tempo para lamentacións, porque, nos guste ou non, so existe o hoxe e o agora. E por todo iso, coa intención de facer realidade o máis grande desexo de Hazel - coñecer ao seu escritor favorito- cruzarán xuntos o Atlántico para vivir unha aventura contra o reloxo tan catártica como desgarradora. Destino: Amsterdam, o lugar onde reside o enigmático e malhumorado escritor, a única persoa que tal vez poida axudarlles a ordenar as pezas do enorme puzle do que forman parte...



luns, 16 de marzo de 2015

Banda Deseñada e Novela Gráfica!!

Este curso, o Club de lectura de alumnado de 2º e 4º de ESO, dedicámonos a ler Banda Deseñana e Novela Gráfica, o que nos dou bastantes quebradeiros de cabeza para facernos cun exemplar para cada un, xa que somos 20 e, dado o seu elevado custo, non podemos mercar máis dun exemplar para o centro. Pero botamos man dalgún centro amigo e sobre todo da  BPM de Fene, que dispón dun bo fondo. A todos eles agradecerlles a súa extraordinaria colaboración.

Na anterior xuntanza deste grupo, fixemos algo que non é habitual, pero debido ao que vimos de expoñer e a que se organizou un encontro co noso admirado David Rubín, decidimos que nesta ocasión cada un de nós levara un título distinto a escoller entre o noso fondo de cómic, que é bastante bo, e cada quen comentara os títulos elixidos nas próximas xuntanzas. 

domingo, 15 de marzo de 2015

A Memoria da Choiva


Xerais (2013)

Cando Xosé Carneiro, coñecido psicanalista e polémico colaborador telvisivo, aparece co peito aberto no seu piso de compostela rúa República do Salvador, son dúas as cousas que chaman a atención do xornalista Aguiles Vega e da profesora Sofía Deneb. A primeira é a brutalidade, a violencia extrema con que o crime foi levado a cabo. A segunda, ese detalle que non encaixa na escena; unha extraña peza de ferro chantada no corazón.

En realidade, a de Carneiro non é máis que a primeira dunha cadea de mortes en serie, unha carreira contra o reloxo na que Aquiles terá non só que comprender que é o que está psando, senón cal é o papel que en toda esta historia xoga un dos nomes máis importantes da nosa literatura, aquel sempre rodeado de misterio e scuridade. E, sobre todo, terá que saber quen é Adriano.


domingo, 22 de febreiro de 2015

David Rubín - Monográfico

Nesta ocasión, a reunión do club de lectura da rapazada dedicado ao cómic desenvolverase dun xeito diferente. Será un monográfico dedicado á obra de David Rubín un dos grandes debuxantes do noso país e con quen teremos o pracer de gozar dun encontro o vindeiro xoves 26, do que, por suposto, daremos cumprida conta.


Aurora West:
Trátase dunha precuela da exitosa serie Battling Boy (DeBolsillo), de Pope, centrada na moza Aurora West, filla do máis grande heroe da cidade de Arcopolis, Haggard West, e de como se convertirá nunha heroina.

Unha compilación de historias publicada anteriormente en 2VB e redibuxadas para esta ocasión. "La tetería del oso malayo" é un lugar rexentado por Sigfrido onde personaxes de todo tipo aparecen coa escusa de tomar algo e acaban explicando as súas amarguras, os seus problemas, choros ou rabias. Un punto de partida que da pé a todo tipo de historias e permite a Rubín explorar moitas situacións, personaxes e, incluso xéneros.

Un guerreiro a compañado polos seus homes chega a un reino danés para dar fin a un monstro que leva doce anos asolándoo. Unha vez feito esto, acaba coa nai do monstro. Cincoenta anos despois, sendo xa rei do seu propio reino, ten que enfrontarse na súa bataia final a un dragón que arrasa as súas terras.

O heroe é un cómic que adapta moi libremente o mito dos doce traballos de Heracles (o Hércules, segundo a versión romana), situando a acción nunha época fantástica indeterminada, que mestura pasado con presente e elementos de ciencia-fición, pasado por un mesturador pop que toma elementos dos superheroes e do manga. 
Neste cómic Heracles é o fillo bastardo de Zeus, un heroe que axuda ao próximo e ao longo dos anos é sometido a unha serie de retos que porán a proba as súas capacidades. Durante a historia veremos medrar a Heracles e co paso dos anos irase dando de conta das responsabilidades que conleva a condición de heroe.

Galardoada co primeiro premio de banda deseñada Castelao da Deputación da Coruña, o autor reflexiona sobre o amor e a tristeza a través do personaxe dun superheroe apoiándose nunha estrutura narrativa moi singular.

Temas como a soidade, a búsca existencial, o amor e a súa perda desenvónvense a través de historias nas que o autor toma prestados superheroes, mitos gregos ou bíbliocos, ou contos infantís, que nas súas máns convértense en relatos íntimos, amargos case sempre, esperanzadores ás veces, historias que nos chegan directamente ao corazón e ás tripas para despois darnos unha patada no cerebro.

Un total de 10 creadores, entre eles David Rubín, embarcáronse da man de Oxfan Intermón e a súa campaña "Sí me importa" nunha viaxe con rumbo a Latinoamérica, África e Asia. Este grupo creativo fixo as súas maletas para coñecer de preto as historias de vida de persoas que, co apoio da cooperación española, loitan por cambias as súas vidas e as das súas comunidades.
Un percorrido en viñetas por esa outra parte do mundo - Colombia, Marrocos, Nicaragua, Repúbrica Dominicana, Filipinas, Mauritania e Burundi - que confirma que a cooperación ao desenvolvemento funciona, cambia e salva vidas.

mércores, 4 de febreiro de 2015

A Viaxe de Gagarin

Agustín Fernández Paz

Xerais (2014)

Doce de abril de 1961: o cosmonaura Iuri Gagarin convértese no primeiro ser humnano en viaxar ao espazo esterior. Comezaba a era espacial, e tamén unha década que traería grandes cambios. Cincuenta anos despois, Miguel Mendiguren, un home na fronteira dos sesenta anos, mentres vela os días derradeiros da súa nai nun cuarto de hospital, lembra a proeza do cosmonauta ruso. Daquela tiña dez anos e gañara un concurso escolar de redacción cun traballo sobre esa primeira vixe espacial. A raiz diso, os outros nenos pasan a chamarlle Gagarin, un sobrenombre que o acompañará durante toda a súa infancia e adolescencia. Mentres se apaga a vida da nai, Miguel lembra os seus anos mozos, na Coruña da década dos sesenta. Os seus rexentan unha imprenta e unha libraría de barrio, aparentan ser unha familia coma as outras. Mais esconden perigosos segredos que Miguel irá desvelando a medida que se abre á comprexidade da vida. Unha vida na España desa época, coa ditadura de Franco e a represión das liberdades máis básicas, coa amenaza permanente da Brigada Político Social, a policía segreta do Réxime. E tamén coa oposición clandestina, barreira imprecindible contra a barbarie. Naquel tempo de mocidade, Miguel tamén experimenta a revolución interior que supón namorarse. O arrebato da paixón e a dor da ausencia, nunha relación marcada polas diferenzas de clase. Emocionante historia de amore, engaiolante novela de formación e da memoria. 

domingo, 1 de febreiro de 2015

Eskoria

Alfredo Gómez Cerdá
Madrid, 2006. Ed. SM. (Col. Gran Angular - Alerta Roja).

Falso Diario Blog do Autor


Diego non se sinte distinto dos seus compañeiros de instituto, aínda que non lle gusten as mesmas cousas que a eles. Por iso non entende que algúns non o deixen en paz e que comezara a recibir todo tipo de ameazas. A súa mente lúcida trata de comprender os motivos do acoso ao que o someten, pero é imposible. Sinte que lle están empurrando cara un pozo sen fondo.

venres, 16 de xaneiro de 2015

Legado nos Ósos

Dolores Redondo

Xerais

Logo do rotundo éxito de "O gardián invisible", Dolores Redondo ofrécenos o segundo volume da súa triloxía ambientada no val do Baztán e protagonizada pola inspectora Amaia Salazar, da Policía Foral de Navarra.

O xuízo contra o padrasto da moza Johana Márquez está a piques de comezar. A el asiste unha embarazada Amaia Salazar, que un ano atrás resolvera os crimes do chamado "basajaun", que sementaron de terror o val do Baztán. Amaia tamén reunira as probas inculpatorias contra Jasón Medina, que imitando o modus operandi do "basajaun" asasinou, violou e mutilou a Johana, a filla adolescente da súa muller.

De súpeto, o xuíz anuncia que o xuízo debe cancelarse: o acusado acaba de suicidarse nos baños do xulgado. Ante a expectación e o enfado que a noticia provoca entre os asistentes, Amaia é reclamada pola policía; o acusado deixou unha nota suicida dirixida á inspectora, unha nota que contén unha inquietante mensaxe: "Tarttalo".

Cunha soa palabra destaparase unha trama sobrecolledora que envolve a inspectora até un trepidante e emotivo final.


xoves, 15 de xaneiro de 2015

Long John Silver

Xavier Dorison

Mathieu Lauffray

Norman Editorial

"Non volvemos a saber de Silver" escribía Robert Louis Stevenson. Pero, e se as aventuras do pirata con pata de pau máis famoso da literatura continuaran?

Baixo esta premisa, o espectacular tándem formado por Xavier Dorison e Matthieu Lauffray asina esta homenaxe á literatura de aventuras e ao xénero de piratas. Unha aventura que levará novamente a Silver a embarcarse xunto a novos personaxes, entre eles a atractiva e intrigante muller dun lord inglés, en busca do máis mítico dos tesouros... o lexendario Dourado.

Sangue, pelexas, vinganza e ron acompañarán ao lector nestes catro espectaculares tomos de Long John  Silver.



sábado, 10 de xaneiro de 2015

O Mundo Secreto de Basilius Hoffman: O Ladrón de Soños



Urco Ediciones (2011)

O ladrón de soños é a primeira entrega dunha saga adicada a Basilius Hoffman, explorador, arqueólogo, membro da sociedade secreta de Avalon e moitas outras cousas máis que se irán descobrindo pouco a pouco. 

Basilius é o tío de Peter Hillman, auténtico protagonista deste conto, un rapaz de doce anos que vive e estuda nun internado e que deberá pasar as vacacións de nadal no vello casarón de seu tío.

O encontro entre tío e sobriño motivará un cambio decisivo na vida de Peter, que observa como o que semellaba un castigo supón o comezo dunha extraordinaria aventura. Basilius e Peter embarcaranse nunha viaxe fantástica na procura do Diario do Cartógrafo, nunha trama construída arredor da mitoloxía exipcia e do seu culto aos felinos.